KPT+

ដើរលេងសមុទ្រចំពេលភ្លៀងធ្លាក់ ប្រញាប់បង្វែរគោលដៅទៅកន្លែងផ្សេងភ្លាមឬយ៉ាងណា?

បានផុស

៤ years មុន

នៅ

ថ្ងៃអង្គារ ២៥ ឧសភា ២០២១

ដោយ

ជាធម្មតាវិស្សមកាលនារដូវវស្សានៅសមុទ្រ រមែងមានភ្លៀងធ្លាក់ជោកជាំដែលបង្កការរំខានដល់ដំណើរកម្សាន្ត។ បើដើរលេងចំពេលមេឃរាំងជារឿងល្អ ប៉ុន្តែបើចំមានភ្លៀងធ្លាក់វិញ ច្បាស់ជាអស់អារម្មណ៍ហើយខាតជើងទៀត។

យ៉ាងណាមិញ កុំមានការបារម្ភអី បើជួបស្ថានការណ៍មិនសមបំណង យើងអាចប្ដូរធ្វើអ្វីផ្សេងជំនួសឲ្យការដើរឆ្នេរ ឬងូតទឹកសមុទ្របាន។

១. ស្ប៉ា

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រសិនបើមិនអាចយកពេលសម្រាកលំហែកាយនៅឆ្នេរសមុទ្របាន គ្មានអ្វីប្រសើរជាងទៅស្ប៉ាទេ។ បន្ទាប់ពីការម៉ាស្សាមួយម៉ោង ក្លិនក្រអូបពីប្រេងនិងថ្នាំ អាចធ្វើឲ្យយើងបានធូរសរសៃសរសូង ព្រមទាំងមានអារម្មណ៍ស្រស់ស្រាយថែមទៀត។

២. ស្វែងកន្លែងកម្សាន្តផ្សេង

ទោះបីវាលខ្សាច់ មិនអាចឲ្យយើងដើរកម្សាន្តបាន យើងអាចរកកន្លែងផ្សេងដែលគ្មានភ្លៀងនៅក្នុងតំបន់ជិតៗនោះដូចជា សារមន្ទីរ អាងចិញ្ចឹមត្រី សួនសត្វ ឬសួនកុមារជាដើម។

៣. មើលកុន

ស្ដាប់ទៅគួរឲ្យអស់សំណើច! ទៅដើរលេងសមុទ្រ បែរជាជំនួសមើលកុនវិញ។ គ្មានអ្វីប្លែកទេ! បើមិនបានដើរឆ្នេរហើយមកមើលភាពយន្តនោះ ព្រោះបើភ្លៀងធ្លាក់ទៅហើយ ទស្សនារឿងក៏សប្បាយភ្នែក និងកម្សាន្តអារម្មណ៍បានដូចគ្នា។

៤. ញ៉ាំអាហារឆ្ងាញ់ៗ

នាំគ្រួសារ ដៃគូ ឬមិត្តរួមក្រុមទៅញ៉ាំអាហារឆ្ងាញ់ៗជាមួយគ្នាជាពិសេសអាហារសមុទ្រស្រស់ៗ។ បើនៅរីសត ប៊ូទិក ឬសណ្ឋាគារ មានកន្លែងចម្អិនអាហាររឹតតែល្អ យើងអាចនាំគ្នាទិញអាហារមកធ្វើញ៉ាំខ្លួនឯងក៏បាន។ ជួយគ្នាម្នាក់បន្តិច ក៏បង្ករបរិយាកាសសប្បាយបានដែរ។

៥. បង្កើតល្បែងកម្សាន្តនៅកន្លែងស្នាក់

លេងហ្គេមតាមទូរសព្ទជុំគ្នា ឬបង្កើតល្បែងផ្សេងទៀតដូចជាលេងអុកជាដើម។ លេងល្បងប្រាជ្ញាគ្នា ឬលេងល្បែងប្រណាំងគ្នាបែបនេះ មិនត្រឹមតែអាចបំភ្លេចឆ្នេរដែលកំពុងមានភ្លៀងទេ តែបានសប្បាយនិងកើនបញ្ញាទៀត។

៦. ងូតទឹកអាងជាមួយទឹកភ្លៀង

ដំណើរកម្សាន្តក្នុងរដូវវស្សា មិនប្លែកនោះទេដែលមានភ្លៀងធ្លាក់។ ដូច្នេះភ្លៀងនៅរដូវនេះមិនបង្កបញ្ហាសុខភាពធ្ងន់ធ្ងរឡើយ អ៊ីចឹង! យើងអាចងូតទឹកភ្លៀងក្នុងអាងទឹកបានយ៉ាងសប្បាយរីករាយ។

ប្រែសម្រួល៖ សន្យា

ប្រភព៖ abcnews

ចុចអាន៖សញ្ញាទាំង ៧ បញ្ជាក់ថា យើងជាមនុស្ស Pluviophile (ងប់ងុលនឹងភ្លៀង)

Related Topics: