នៅពេលមិត្តស្រី ចេញ​តម្រុយ​ឈប់មានយើងសំខាន់ក្នុងបេះដូងដូចមុន

កាលៈទេសៈនេះ មនុស្ស​ប្រុសមិនថាគេថាយើង តែង​មានវិបត្តិ ប្រសិននាងជាមនុស្ស​ដែលយើង​ឱ្យតម្លៃ​ទុកជាគូជីវិត​តទៅ។

ក្តីអស់សង្ឃឹម អំពីលទ្ធភាពនៃការធ្វើឱ្យមិត្តស្រីធ្លាក់ក្នុងអន្លង់ស្នេហ៍ដដែលម្តងទៀត គឺឈឺខ្លាំង ជាពិសេសប្រសិនបើនាងនិយាយថា ទំនាក់ទំនង​និងនិស្ស័យចិត្ត អារម្មណ៍ មិនដូចមុនទៀតឬសារភាព​ត្រង់ៗថាចង់ បែកគ្នាសិន​ ព្រោះស្ត្រេសការងារ ចង់នៅម្នាក់ឯងមួយ​រយៈ។ល។

ដំណឹងល្អគឺថាតាមពិត​បុរសៗ ដែលជាអ្នកចាស់ អាច​ផ្លាស់ប្តូរអារម្មណ៍របស់នាងឡើងវិញ ធ្វើឱ្យនាងលង់ស្នេហ៍ជាមួយខ្លួនយើង​វិញ​​ម្តងទៀតបានពិតមែន ដោយគិតរបៀបនេះ៖

១ មិត្តស្រីឈប់ស្រឡាញ់ មិនមានន័យថានាងនឹងមិនអាច​ស្រលាញ់ឡើងវិញនោះទេ

រកនឹកទៅ ថា អារម្មណ៍គោរពនិងទាក់ទាញពីមុននៅពេលណា ដោយហេតុការណ៍អ្វី? ភ្ជាប់ទំនាក់ទំនងជាមួយនាងដោយក្ដីស្រឡាញ់ពិតៗនិងចេះអត់ធ្មត់រង់ចាំ​ចៀសវាង ព្រួយបារម្ភ ចេញចរិត​តាមដាន​រកកំហុស ដូច​ប៉ូលិស​ចាប់ចោរ ឬហួងហែង​រិះគន់ដៀលត្មះ។ល។ ទាំងនេះ មិនដែលជួយ​សម្រាលអ្វីបានឡើងវិញឡើយ។

ជារឿយៗ បុរស​ដែលកំពុងក្រពុលមុ​ខនឹងវិបត្តិ​ស្នេហ៍ រមែង​ចាប់ផ្តើមធ្វើកំហុសថ្មីបន្ថែម​ឡើងពីមួយពេលទៅមួយពេលជានិច្ច ដែលនឹងធ្វើឱ្យនាង រឹតតែមិនស្រណុកចិត្ត​ជាមួយទំនាក់ទំនង​របស់យើង​ខ្លាំងឡើងៗដែរ ហើយជំរុញឱ្យនាងចង់តែចាកចេញកាន់តែឆ្ងាយរឹតតែស្រួលចិត្ត​។

២ កុំ​សួរនាងថា «ហេតុអ្វីសាវ៉ា?»

ជារឿងធម្មតាទេដែលបុរសនិងស្ត្រីចាញ់ស្នេហ៍ តែង​តែ​ទទូច​ចង់ដឹងថាតើខ្លួនបានធ្វើអ្វីខុស​ខ្លះដែលធ្វើឱ្យមិត្តស្រី ឬសង្សា​ ដៃគូឈប់ស្រឡាញ់?

ស្តាប់! នារីៗនឹងមិនអង្គុយចុះ ហើយពន្យល់បង្រៀនមនុស្ស​ប្រុស ពីរបៀបក្លាយជាបុរសសំខាន់​មានឥទ្ធិពលក្នុងបេះដូងនាងនោះទេ ព្រោះនោះមិនមែនជាតួនាទីខាងស្រី។ នាងតែង​ចង់បានបុរសដែលត្រៀមខ្លួនរួចជាស្រេច និង​ដឹងពីរបៀបធ្វើឱ្យស្ត្រីម្នាក់ធ្លាក់ខ្លួនស្រលាញ់គេកាន់តែខ្លាំងពីមួយថ្ងៃទៅមួយថ្ងៃ។ ពេលបានបេះដូងនាងហើយ យើងទុកនាង​ចោលយូរពេក ដោយមិនថែទាំដើមផ្កាមនោសញ្ចេតនា ​ស្រោចទឹក ជ្រំជី តើនាងមានពាក្យអ្វីនិយាយប្រាប់យើង​នៅពេលឆ្អែតចិត្ត?

នៅដំណាក់កាលនៃទំនាក់ទំនងមួយ​ដែលលែងល្អដូចពីដំបូង មិត្តស្រីមានសល់អារម្មណ៍តិចតួច ឬមិនដឹងខ្លួននាង​ថា នៅស្រលាញ់ឬចង់ចប់តែម្តង នាងនៅអាណិត នៅលាក់ការណ៍ ហើយ​ស្រាប់តែ​ខាងប្រុស ​មកស្នើសុំឱ្យនាងពន្យល់ពីកំហុសទៀត រឹតតែធ្វើឱ្យនាងគិតថា “ប្រសិនបើមិនយល់ពីអ្វីដែលគាត់ត្រូវធ្វើ ក្នុងចំណងមនោសញ្ចេតនាផង តើជីវិត​ទៅមុខ​គិតពីខាងយើងជាអ្នកបង្រៀនឬ​ទាមទារ​រហូតទៅ?ហត់ទេ?

៣ កុំដើរតួកម្សត់ខ្សឹកខ្សួល អង្វរ ឬសម្លុត

រឿងធម្មតាទេ ដែលគ្រប់គ្នា​តែង​មានអារម្មណ៍សោកសៅ ឈឺចាប់ និងរំជួលចិត្តនៅពេលនេះ​មិនថាខាងយើងឬខាងនាង ។ ទោះជាយ៉ាងណាក៏ដោយ ប្រតិកម្មអាក្រក់ៗដែលអាចមានដូចជា ស្រែកយំ ឬអង្វរករ ដៀលត្មិះ សម្លុត បរិហារ មិនអាចឱ្យនាងផ្លាស់ប្តូរគំនិតទេ។

អ្វីដែលស្ត្រីម្នាក់ឈប់ស្រឡាញ់ខាងបុរស គឺដោយសារតែនៅក្នុងកំឡុងពេលទំនាក់ទំនង នាងឈប់មានអារម្មណ៍គោរព ឬរំភើប នាងបាត់បង់ការចាប់អារម្មណ៍ចំពោះយើង ហើយទីបំផុត នេះជាសញ្ញានៃការ​មិនបាច់ជួបគ្នា ក៏មិនអី។

ប្រសិនបើខាងយើង ប្រឈមមុខនឹងទឹកភ្នែកដូចជាក្មេង ចង់ធ្វើឱ្យនាង​អាណិតនាងនឹងបាត់បង់ការគោរពកាន់តែខ្លាំង។ ជាតិជា​ស្ត្រី តែងរំភើបចំពោះ​បុរសណាដែលមានភាពរឹងមាំខាងផ្លូវចិត្ត និង​មានសមត្ថភាព ក្នុងការដោះស្រាយបញ្ហា គ្រប់កាលៈទេសៈ។ ចំណែក បុរសដើរតួកំសត់ពិតជាវេទនាភ្នែក ហើយកាន់តែដាក់គម្លាតបេះដូង៕

ប្រែសម្រួល៖ សុភា

ប្រភព៖ themodernman

ចុចអាន៖ លក្ខណៈ​សម្គាល់​បុរស​ពូកែ​អៀន ​ពេល​ចែចង់​មនុស្ស​ស្រី

ចុចអាន៖ ក្រោយរៀបការរួច ស្រីៗគួររៀបចំខ្លួនយ៉ាងណា ទើបស្អាតសមសួន?