KPT+

៤ វិធី ជម្នះភាពភ័យខ្លាច ដែលយើងច្រើនតែមើលរំលង

បានផុស

៤ years មុន

នៅ

ថ្ងៃសុក្រ ២៨ ឧសភា ២០២១

ដោយ

ភាពភ័យខ្លាចបានជះឥទ្ធិពលដល់យើងទាំងអស់គ្នា នៅចំណុចខ្លះនៃជីវិត ហើយយើងតែងខ្លាចរឿងប្លែកៗជាច្រើន ដែលយើងជួបប្រទះពីមួយថ្ងៃទៅមួយថ្ងៃ។

ប្រសិនបើយើងអនុញ្ញាតឲ្យភាពភ័យខ្លាចកាន់កាប់ជីវិត វាមិនត្រឹមតែកាន់កាប់ខាងសតិអារម្មណ៍ប៉ុណ្ណោះទេ ប៉ុន្តែថែមទាំងរាងកាយទៀតផង។

នេះគឺជារឿង ៤ យ៉ាងដែលយើងតែងតែមើលរំលង នៅពេលយើងដោះស្រាយភាពភ័យខ្លាចទាំងនោះ៖

១. កុំទុកភាពភ័យខ្លាចជាប់ខ្លួន

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទុកភាពភ័យខ្លាចជារឿងតូចតាច ហើយប្រាប់ខ្លួនឯង មិនអីទេ ដរាបណាអ្នកមើលវាមិនទាន់ឃើញ។ អ្នកមិនគួរបង្កើតទម្លាប់ដោយអនុញ្ញាតឲ្យភាពភ័យខ្លាច ស្នាក់នៅជាអចិន្ត្រៃយ៍នៅក្នុងជីវិតរបស់អ្នកឡើយ។ តាំងចិត្ត គិតថាភាពភ័យខ្លាច តែងតែមានជានិច្ច ដូច្នេះអ្វីដែលសំខាន់គឺការយកឈ្នះខ្លួនឯង។

សូមកុំទុកវា ជារឿងសំខាន់ជាប់ខ្លួនមួយជីវិតឲ្យសោះ លើកលែងតែអ្នកអនុញ្ញាតឲ្យវា ក្លាយជាបច្ចុប្បន្នរបស់អ្នកតែប៉ុណ្ណោះ។

២. កុំឲ្យវាក្លាយជាជំងឺរ៉ាំរ៉ៃ

ដូចជាជំងឺនៅក្នុងខ្លួន ភាពភ័យខ្លាចមានសក្ដានុពល លូតលាស់ផ្នែករាងកាយនិងរារាំងគ្រប់ដំណើរការរបស់អ្នក។ អ្នកមិនអាចព្រងើយកន្តើយ នឹងជំងឺមួយនេះ ដោយឲ្យវាកាន់កាប់លើរាងកាយ និងរារាំងដល់ការរីកចម្រើនក្នុងជីវិតអ្នកឡើយ។ វាអាចឲ្យអ្នកវង្វេងស្មារតី និងដាក់កម្រិតលើអ្នកតាមវិធីជាច្រើន។

វិធីល្អក្នុងការដោះស្រាយ គឺត្រូវទទួលស្គាល់ភាពភ័យខ្លាចជាមុនសិន វាមិនខុសគ្នាពីដោះស្រាយជាមួយនឹងការធ្វើរោគវិនិច្ឆ័យនៃជំងឺ ដើម្បីចាប់ផ្ដើម ស្វែងរកការព្យាបាលឡើយ។

៣. កុំយកភាពភ័យខ្លាចបន្លំធ្វើជាការចាប់អារម្មណ៍

របស់ខ្លះដែលយើងតែងតែអះអាងថា យើងមិនចង់ចូលរួម គឺជាអ្វីដែលយើងពិតជាខ្លាច។ ការពិតអារម្មណ៍ទាំងនោះ ច្រើនតែកើតចេញពីគំនិតមិនល្អរបស់យើង ឬមានអ្នកណាសើចចំអក ធ្វើឲ្យយើងភ័យខ្លាចចំពោះរឿងនោះ។

ប្រសិនបើអ្នកកំពុងបដិសេធរឿងដែលចូលមកក្នុងជីវិតអ្នក ដោយសារតែអារម្មណ៍ប្រភេទនោះ អ្នកកំពុងតែសម្ដែងការភ័យខ្លាចមកហើយ។

៤. កុំទុកភាពភ័យខ្លាចគឺជា Comfort Zone

រឿងមួយដែលមនុស្សយើងខ្លាច អាចជារឿងដែលយើងព្យាយាមជៀសវាងជានិច្ច ប៉ុន្តែវាមិនបានផ្លាស់ប្ដូរការពិតទេ។ ការពិតនោះគឺថា ភាពភ័យខ្លាចជាធម្មតា គឺជា Comfort Zone និងផ្នត់គំនិតដែលយើងបានបង្កើតសម្រាប់ខ្លួនយើង ដើម្បីចៀសវាងការបោះជំហាន ចេញពីសំណាញ់សុវត្ថិភាពតែប៉ុណ្ណោះ។

វាចាំបាច់ណាស់ក្នុងការស្វែងយល់ពីតួនាទីនៃភាពភ័យខ្លាច ដែលមាននៅក្នុងជីវិត។ តើវាជះឥទ្ធិពលដល់អ្នកដោយផ្ទាល់ និងដោយប្រយោលយ៉ាងដូចម្ដេច។

នៅពេលអ្នកយល់ពីបញ្ហានេះ អ្នកអាចចាប់ផ្ដើមយល់ពីរបៀបនៃភាពភ័យខ្លាចដូចគ្នា ទាំងនេះនិងវិធីដោះស្រាយបានទាន់ពេលវេលា៕

ប្រែសម្រួល៖ សាង ស្រីល័ក្ខ

ចុចអាន៖ហេតុអ្វីមនុស្សជាច្រើនប្រើជីវិតខុសព្រោះរត់តាមភាពលោភលន់?

ចុចអាន៖យកឈ្នះលើភាពភ័យខ្លាចក្នុងជីវិត