KPT+
បន្ថែមទម្លាប់អានសៀវភៅចូលក្នុងជីវិត អ្នកនឹងទទួលបានរឿងអស្ចារ្យទាំងនេះ
បុគ្គលល្បីៗ ក្រុមបណ្ឌិតអ្នកប្រាជ្ញ និងមេដឹកនាំជោគជ័យជាច្រើនរូបសុទ្ធតែចូលចិត្តអានសៀវភៅ។ ហេតុផលពីក្រោយការអាននៃបុគ្គលទាំងនោះ គឺដើម្បីជំនួយសុខភាពផ្លូវកាយ និងផ្លូវចិត្តរបស់ពួកគេ។ ចុះសម្រាប់អ្នកមិនចូលចិត្តអានសៀវភៅ ហេតុអ្វីបានជាមិនចូលចិត្តអាន? ហើយមានដឹងអត់ថា ការអានសៀវភៅមានគុណសម្បត្តិអ្វីខ្លះទេ?
ជំនួយសុខភាពខួរក្បាល
ខួរក្បាលមនុស្សក៏ត្រូវការធ្វើលំហាត់ប្រាណដើម្បីរក្សាសុខភាពឲ្យរឹងមាំដែរ។ ដូចនេះមានតែការអានសៀវភៅប៉ុណ្ណោះ ដែលអាចរំញោចផ្លូវចិត្តដោយ ធ្វើឲ្យខួរក្បាលមានសុខភាពល្អមិនស្ពឹកស្រពន់ និងគិតបានរហ័សរហួន។ តាមការសិក្សាបានឲ្យដឹងថា អានសៀវភៅប្រហែល ១៥-២០ នាទី មុនចាប់ផ្តើមធ្វើការ ពិសេសអានពេលព្រឹក អាចបង្កើនសមត្ថភាពការងារបានល្អទ្វេរដង។
ពង្រឹងនិងពង្រីកចំណេះដឹង
ការអានមិនត្រឹមតែ ជំនួយសុខភាពខួរក្បាលល្អប៉ុណ្ណោះទេ វាក៏អាចបំពេញនៅចន្លោះប្រហោងក្នុងខួរក្បាល ជាមួយព័ត៌មានថ្មីៗដែលយើងមិនធ្លាប់ដឹងពីមុន។ ចំណេះដឹងទាំងនោះ នឹងជួយយើងឲ្យកាន់តែមានគំនិតទូលំទូលាយ និងធ្វើឲ្យយើងក្លាយជាមនុស្សពូកែ ក្នុងការដោះស្រាយគ្រប់បញ្ហាផងដែរ។ ក្រៅពីនេះទៀត ការអានច្រើន នាំឲ្យចេះពាក្យថ្មីៗច្រើនដូចគ្នា ដែលវាអាចជួយពង្រឹងវាក្យសព្ទរបស់យើងឲ្យកាន់តែត្រឹមត្រូវក្នុងការប្រើប្រាស់។
ជំនួយការចងចាំ
នៅពេលអានសៀវភៅ ប្រាកដណាស់យើងត្រូវចងចាំតួអង្គ និងខ្លឹមសារដែលអ្នកនិពន្ធបានរៀបរាប់ ពិសេសគឺភាពប្រទាក់គ្នានៃសាច់រឿងពីមួយវគ្គទៅមួយវគ្គ។ ហេតុនេះ ការអាន អាចជួយឲ្យយើងមានការចងចាំបានល្អតាមរយៈដំណើរសាច់រឿង។
ពង្រឹងជំនាញគិត និងវិភាគ
ធ្លាប់បានចាប់អារម្មណ៍អត់? នៅពេលអានប្រលោមលោកបែបអាថ៌កំបាំង ឬស៊ើបអង្កេតណាមួយ យើងតែងតែវិភាគឃើញភាពអាថ៌កំបាំងទាំងនោះ មុននឹងអានសៀវភៅចប់ទៅទៀត។ ធ្លាប់មែនទេ? បើមែន យើងច្បាស់ជាទទួលបានជំនាញកាន់តែខ្លាំងលើការវិភាគ ការគិតពីផែនការការងារ និងអាចកត់ចំណាំ ព្រមទាំងបែងចែកបានល្អ។
កាត់បន្ថយស្ត្រេស
មិនថាមានបញ្ហាស្មុគស្មាញខ្លាំងប៉ុណ្ណា ទាំងរឿងការងារ ស្នេហា គ្រួសារ ឬបញ្ហាប្រឈមក្នុងជីវិតប្រចាំថ្ងៃក៏ដោយ វានឹងអាចរលុបបាត់ ឬរសាយបានមួយផ្នែកធំ នៅពេលយើងជក់ចិត្តទៅក្នុងការអានសៀវភៅ ។ នៅក្នុងសៀវភៅ មានរឿងទាក់ទាញអារម្មណ៍ និងគំនិតដាស់តឿនអប់រំជាច្រើន ដែលអ្នកនិពន្ធបានតាក់តែង ធ្វើយើងឲ្យចូលតួជាមួយសាច់រឿងយ៉ាងស្លុង ហើយ ស្របពេលយើងកំពុងចូលតួ ទុក្ខព្រួយក៏រលាយទៅតាមនោះដែរ។
ជំនួយសម្រាប់ការនិពន្ធឬសរសេរកាន់តែល្អ
អានសៀវភៅ ជំនួយដល់ជំនាញតែងនិពន្ធកាន់តែប្រសើរ ទាំងការប្រើពាក្យពេចន៍ ឃ្លាប្រយោគ និងខ្លឹមសារ ។ ការអាន អាចជួយបង្កើនគំនិតបង្កើតថ្មី សំបូរគំនិតប្លែកៗ និងជំរុញការសសេរឲ្យកាន់តែមានភាពទាក់ទាញប្រកបដោយការច្នៃប្រឌិត៕
ប្រែសម្រួល៖ សន្យា
ចុចអាន៖ ធឿន វុទ្ធី ចែករំលែកបទពិសោធន៍សរសេរប្រលោមលោកភ័យរន្ធត់ឲ្យព្រឺខ្លាចពិតៗ
ចុចអាន៖ អ្នកនិពន្ធវ័យក្មេងមានស្នាដៃប្រមូលផ្ដុំគ្នានៅ “ទសប៉ាកកា”
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង