KPT+

ស្ថានភាពសណ្ដាប់ធ្នាប់ក្នុងផ្ទះក៏អាចបញ្ជាក់ពីកម្រិតជំងឺផ្លូវចិត្តរបស់មនុស្ស

បានផុស

៥ years មុន

នៅ

ថ្ងៃចន្ទ ១៦ វិច្ឆិកា ២០២០

ដោយ

Sonya

នៅពេលដែលចូលទៅក្នុងផ្ទះនរណាម្នាក់តើយើងមើលអ្វីមុនគេ? អ្នកខ្លះមើលការតុបតែង និងគ្រឿងសង្ហារិម អ្នកខ្លះទៀតក្រឡេកមើលសៀវភៅប្រភេទណាដែលមាននៅលើធ្នើ ហើយអ្នកខ្លះក៏លេងជាមួយសត្វចិញ្ចឹមគួរឱ្យស្រលាញ់ដែលមនុស្សម្ចាស់ផ្ទះចិញ្ចឹម។

យោងតាមវេបសាយ Bright Side រួមជាមួយអ្នកជំនាញផ្នែកចិត្តសាស្ត្រគ្លីនិក Arina Axenova និងប្រភពជំនាញដទៃទៀតបានវិភាគអំពីភាពរញ៉េរញ៉ៃនៃផ្នែកផ្សេងៗក្នុងផ្ទះ ដោយភ្ជាប់ជាមួយស្ថានភាពផ្លូវចិត្តរបស់ម្ចាស់ផ្ទះ។

១. មុខផ្ទះ

ភាពរញ៉េរញ៉ៃនៅជិតច្រកចូលឬនៅតាមមុខផ្ទះជារឿយៗបង្ហាញពីការភ័យខ្លាចនៃការទំនាក់ទំនងផ្សេងៗដោយទុកកាបូប ឆត្រ និងរបស់ផ្សេងទៀតនៅក្នុងផ្នែកខ្លះនៃផ្ទះដើម្បីរារាំងខ្លួនឯងពីអ្នកដទៃឈ្លានពាន។ មនុស្សបែបនេះមានបញ្ហាក្នុងការជួបមិត្តភក្ដិថ្មីដែល ធ្វើឱ្យពួកគេមិនស្រួលចិត្ត។ វាក៏អាចបង្ហាញពីការអស់កម្លាំងរ៉ាំរ៉ៃឈានទៅរកការសម្រាកជារៀងរហូត។

២.ផ្ទះបាយ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងផ្ទះបាយបើមានស្ថានភាពដូចជាផ្ទុកចានកខ្វក់ក៏អាចបង្ហាញពីអារម្មណ៍អស្ថិរភាពដូចគ្នា។ វាអាចទៅរួចដែលថាម្ចាស់បានធ្វើឲ្យផ្ទះបាយរាយប៉ាយនេះក៏ជាសញ្ញាដែលទទួលរងពីការធ្លាក់ទឹកចិត្តឬការថប់បារម្ភ។ ប្រសិនបើនេះជាការពិតមានន័យថា មនុស្សត្រូវតែជម្នះវាដោយសាកល្បងធ្វើអ្វីមួយដែលសាមញ្ញបំផុតដូចជាងូតទឹកឬធ្វើម្ហូប។

មួយទៀតមនុស្សប្រភេទនេះមានលក្ខណៈចិត្តចង្អៀតនិងរួញរា។ នៅពេលបង្ហាញជាមួយជម្រើសពីរ – អ្វីមួយដែលពួកគេត្រូវធ្វើនិងអ្វីមួយដែលពួកគេចង់ធ្វើ – ពួកគេនិងជ្រើសរើសជម្រើសចុងក្រោយមិនខាន។

៣.ធ្នើរនៅលើតុ

សំរាមទុកដាក់នៅលើតុឬនៅតាមធ្នើរត្រឹមត្រូវ មានន័យថា គេជាមនុស្សល្អឥតខ្ចោះដែរទេ? តាមពិត ពួកគេទំនងជាព្យាយាមធ្វើវាឲ្យល្អឥតខ្ចោះ ព្រោះមិនចង់ឲ្យអ្នកណាបានដឹងថាពួ កគេកំពុងតែកើតអ្វីឡើយ។

៤.តុធ្វើការ

តុមួយដែលគ្របដណ្ដប់ដោយរបស់ជាច្រើនអាចបង្ហាញថា មនុស្សនេះមានគំនិតច្នៃប្រតិដ្ឋ។ នេះអាចមានន័យថា គេជាប្រភេទដែលមិនចង់បង្ហាញឲ្យអ្នកណាដឹង។ មនុស្សបែបនេះមានការប្រុងប្រយ័ត្នខ្ពស់ តែអាចឆាប់ទទួលរងការថប់បារម្ភ។

៥.គ្រែគេង

គ្រែមានសភាពរញ៉េរញ៉ៃដោយសម្លៀកបំពាក់គ្រឿងសំអាង សៀវភៅ និងចានកខ្វក់។ ប្រហែលជាពួកគេមានការឈ្លោះប្រកែកគ្នាឬបែកបាក់ជាមួយនរណាម្នាក់ ដូច្នេះពួកគេកំពុងតែទម្លាប់និងសភាពបែបនេះ (ដូចជាទុកសំរាមនៅលើគ្រែ) វិធីមួយដែលអាចបង្វែរអារម្មណ៍ពីបញ្ហារបស់ពួកគេ។

៦.ធូលីតាមមាត់បង្អួច

ធូលីនៅតាមមាត់បង្អួចគឺកខ្វក់ ហើយយើងស្រួលនិងមើលឃើញ។ ប៉ុន្តែបើសិនជាម្ចាស់ផ្ទះមិនខ្វល់ខ្វាយទេបានន័យថា គេធុញថប់ សញ្ញាទាំងនេះក៏បង្ហាញថា គេមានជំងឺធ្លាក់ទឹកចិត្តឬអសមត្ថភាពក្នុងការធ្វើអ្វីទាំងអស់។ មនុស្សបែបនេះច្រើនតែរស់នៅក្នុងអតីតកាលដែលកប់ជ្រៅក្នុងដួងចិត្តពួកគេ។

៧.ប្រមូលរបស់ទុកនៅរានហាលមុខផ្ទះ

មនុស្សមានស្មារតីបាក់ទឹកចិត្តតែងប្រមូលរបស់របរដែលគ្មានប្រយោជន៍ជាច្រើននៅដាក់នៅរានហាលមុខផ្ទះពួកគេ។ ទាំងនេះគឺជាសញ្ញានៃការភ័យខ្លាចនៃការបាត់បង់អ្វីៗគ្រប់យ៉ាង ហើយជាមូលហេតុដែលធ្វើឲ្យពួកគេប្រមូលរបស់ដែលគ្មានប្រយោជន៍ដែលអាចជួយដោះស្រាយភាពភ័យខ្លាចនិងផ្ដល់នូវការបំភាន់នៃសុវត្ថិភាពរបស់ពួកគេ។ បញ្ហាក្នុងការកម្ចាត់របស់ដែលឥតប្រយោជន៍គឺជាសញ្ញានៃការថប់បារម្ភនិងអសមត្ថភាពក្នុងការសម្រេចចិត្ត។

៨.កន្លែងជាទូទៅ

នៅពេលមនុស្សម្នាក់បោះចោលសំរាមនៅកន្លែងដែលស្អាតដូចជា ក្រោមគ្រែ ក្រោយសាឡុង ឬតុក្បែរគ្រែ នោះមានន័យថា ពួកគេពិតជាធុញថប់មែនទែនហើយ។ ការពង្រាយនៅកន្លែងទាំងនេះ គឺជាសញ្ញានៃភាពខ្ជិលច្រអូសដែលអាចត្រូវបានគេនិយាយថា អសមត្ថភាពក្នុងការសម្របខ្លួនទៅនឹងស្ថានភាពណាមួយ។ វាក៏មានន័យថា ពួកគេមានឆន្ទៈទន់ខ្សោយនិងពិបាកកំណត់គោលដៅ។

ការពង្រាយជាទម្លាប់អាក្រក់ដែលឈានទៅដល់ការធ្លាក់ទឹកចិត្តដំណាក់កាលដំបូង ។

តើអ្នកធ្លាប់បានកត់សម្គាល់ពីភាពរញ៉េរញ៉ៃនិងនៅក្នុងផ្ទះអ្នកណាម្នាក់ទេ? តើអ្នកគិតយ៉ាងណាចំពោះភាពរញ៉េរញ៉ៃទាំងនោះ ក៏ដូចជាម្ចាស់ផ្ទះ?

ប្រែសម្រួល៖ Blue Sky

ចុចអាន៖ ហេតុអ្វីពេលមេឃភ្លៀង មនុស្សខ្លះមានអារម្មណ៍ឯកាមិនចូលចិត្តមេឃភ្លៀង?

ចុចអាន៖ ជំងឺផ្លូវចិត្ត ៧ប្រភេទយើងមិនធ្លាប់ដឹង និងឧស្សាហ៍ច្រឡំគ្នា

Related Topics:ជំងឺផ្លូវចិត្ត