តែគជ់មួយកែវ ២៤ ដុល្លារអាមេរិក លក់នៅឯណា?

តែពពុះ (តែគជ់) ដែលមានតម្លៃថ្លៃបំផុតមិនមែន​ច្នៃមកពីតៃវ៉ាន់ទេ ​ប៉ុន្តែ​មាន​ប្រភពមកពី​សាន់ហ្វ្រាន់ស៊ីស្កូ​សហរដ្ឋអាមេរិក។

នេះជា​តែពពុះថ្លៃបំផុត ច្នៃឡើងសម្រាប់បម្រើភេសជ្ជៈរដូវក្ដៅដល់បណ្តាអភិជន ដោយការផ្សំ​ឡើងរវាង​ tealeaves blender និង St. Regis San Francisco ដែលធ្វើឱ្យតែគជ់មួយកែវនេះមាន​តម្លៃ ២៤ ដុល្លារ​ ក្លាយជាកែវតែគជ់ដែលថ្លៃជាងគេបំផុតលើពិភពលោក។

រូបមន្តរបស់វា ត្រូវបានបង្កើតឡើងដោយអ្នកច្នៃ​ភេសជ្ជៈ លោក ហ្វ្រេនហ្វ្រេដឌីឆិន (Franck Desplechin) ដែល​ប្រើប្រាស់​តែគ្រឿងផ្សំដែលមានគុណភាពល្អបំផុតតែប៉ុណ្ណោះ​។

បុរសនេះ​បានឱ្យឈ្មោះ​តែគជ់របស់គាត់ថា The Boba Tea Shake ។

នាយកប្រតិបត្តិ នៃក្រុមហ៊ុន​ Tealeaves លោក Lana Sutherland មានប្រសាសន៍ថា ការច្នៃ​ថ្មី អ្នកជំនាញ​ចង់ឱ្យតែពពុះមួយកែវនេះ ក្លាយជា​តែដែលភ្ញៀវពិបាកនឹងបំភ្លេចបាន ដោយយើងបានប្រើ​ធនធានចម្រាញ់​និងពេលវេលាព្រមទំាង​បេះដូង​របស់យើង ទៅក្នុងកែវនីមួយៗនោះដោយផ្ចិតផ្ចង់បំផុត ។

ហេតុអ្វីបានជាវាថ្លៃយ៉ាងនេះ​ ហើយមនុស្សជាច្រើនព្យាយាមទៅភ្លក់?

ភេសជ្ជៈមួយកែវនេះ រួមបញ្ចូលទាំងតែខ្មៅដ៏ពិសេស​មកពី​ឥណ្ឌា និងតែបៃតងរបស់ចិន លាយជាមួយប្រេងធម្មជាតិ នៃផ្លែគូលេនស្រស់ បង្កើតបាននូវរសពិដោរឈ្ងុយឆ្ងាញ់ពិបាកនឹងពណ៌នា។ ពេលដាក់ទឹកក្តៅបានបន្តិច គេក៏រោយលំអង​អំបិលសមុទ្រ និង​គ្រាប់​គជ់ពណ៌ថ្លាធ្វើពីម្សៅសាគូកម្រ​នៅសហរដ្ឋអាមេរិក៕

ប្រែសម្រួល៖​ ស្រស់

ចុចអាន៖ អាហារ​ប្រណីត ៧ មុខមានតែសេដ្ឋីទេដែលអាចទិញបាន!