KPT+

មិនថាពិភពលោកជឿនលឿន តែ ប៊ូតង់ នៅតែប្រកាន់ខ្ជាប់ទំនៀមទម្លាប់បានល្អ នេះមូលហេតុពិត

បានផុស

៤ years មុន

នៅ

ថ្ងៃពុធ ២៩ ធ្នូ ២០២១

ដោយ

ប៊ូតង់គឺជាប្រទេសដ៏ស្រស់ស្អាត ប៉ុន្តែក៏ជាបុរាណប្រទេសមួយ ដែលប្រើទំនៀមទម្លាប់ប្រពៃណី និងរបៀបរស់នៅខុសប្លែក ពីប្រទេសគេផ្សេងនាសម័យកាលនេះ។

ជាពិសេសទាំងហេដ្ឋារចនាសម្ព័ន្ធក្នុងប្រទេស គឺមិនសូវមានការអភិវឌ្ឍច្រើនឡើយ នេះក៏ដោយសារតែចង់ទុកសម្បត្តិធម្មជាតិ និងរបស់បុរាណឲ្យបានច្រើន ក្នុងប្រទេសពួកគេ។

ចង់ដឹងច្បាស់ពីប្រទេសបុរាណនេះ មកអានអត្ថបទសិន លោកអ្នអាចនឹងភ្ញាក់ផ្អើល ឬមិនធ្លាប់ដឹង ពីប្រទេសអភិរក្សធម្មជាតិប៊ូតង់នេះឡើយ ។

១. សាសនាសំខាន់បំផុតគឺព្រះពុទ្ធសាសនាទីបេ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព្រះពុទ្ធសាសនាទីបេ គឺជាទម្រង់នៃព្រះពុទ្ធសាសនា ដែលត្រូវបានអនុវត្តនៅទីបេ ប៉ុន្តែត្រូវបានគេរកឃើញនៅក្នុងតំបន់ដែលនៅជុំវិញហិម៉ាឡៃយ៉ា ដែលរួមមានប្រទេស ប៊ូតង់។ ប៊ូតង់បានចាត់ទុកសាសនានេះ ជារបស់រដ្ឋ។

២. សុភមង្គលជាតិត្រូវបានវាស់វែងជាផ្លូវការ

គឺជាប្រទេសតែមួយគត់នៅលើពិភពលោក ដែលត្រូវបានគេស្គាល់ថា បានធ្វើដូច្នេះ។ GNH មានន័យថា ជា ” សុភមង្គលជាតិសរុប ” ប៊ូតង់បានខិតខំតាមដានសុភមង្គលរបស់ប្រជាជនខ្លួន ជំនួសឲ្យការផ្ដល់អាទិភាពដល់ផលិតផលក្នុងស្រុកសរុប។

របាយការណ៍វាស់វែង GNH បានបញ្ជាក់ថា ដោយកត្តាដូចជាសុខភាពទិដ្ឋភាពសង្គម និងសុខុមាលភាពបរិស្ថាន។ ទោះបីជាមានការសង្កត់ធ្ងន់ទៅលើសុភមង្គលក៏ដោយ រដ្ឋាភិបាលនៃប្រទេសប៊ូតង់ ត្រូវបានគេចោទប្រកាន់ពីបទរំលោភសិទ្ធិមនុស្សផ្សេងៗ ប្រឆាំងនឹងជនជាតិភាគតិចដូចគ្នា។

៣. ប៊ូតង់គឺជាប្រទេសមួយក្នុងចំណោមប្រទេសដែលមិនមានភ្លើងចរាចរណ៍

ភ្លើងចរាចរណ៍បានអវត្តមានពាសពេញប្រទេស រួមទាំងនៅរដ្ឋធានី Thimphu កន្លែងដែលមានចរាចរណ៍ច្រើន។ ផ្ទុយទៅវិញ ប៉ូលិសដែលឈរជើងនៅក្នុងស្តង់នៅផ្លូវបំបែកធំៗ បានត្រួតពិនិត្យនិងព្យាយាមគ្រប់គ្រងចរាចរណ៍ជំនួសវិញ។

៤. មានទូរទស្សន៍និងអ៊ីនធឺណិតនៅចុងទសវត្សទី ៩០

ក្នុងគោលបំណងធ្វើទំនើបកម្មប្រទេសជាតិ ព្រះមហាក្សត្របានអនុញ្ញាត ឲ្យមានអ៊ីនធឺណិតនិងទូរទស្សន៍ចូលក្នុងឆ្នាំ ១៩៩៩ ។

៥. ការអប់រំនិងការថែរក្សាសុខភាព គឺមិនគិតថ្លៃសម្រាប់មនុស្សទាំងអស់

ពលរដ្ឋប៊ូតង់ទទួលបានការអប់រំដោយឥតគិតថ្លៃ ដែលមានសារៈសំខាន់យ៉ាងខ្លាំងទៅលើការបង្រៀនរបស់ព្រះពុទ្ធសាសនា។

៦. ការធ្វើទស្សនកិច្ចនៅប៊ូតង់ ក្នុងនាមជាអ្នកដំណើរឯករាជ្យគឺមិនអាចទៅរួចទេ

គឺជាប្រទេសមួយក្នុងចំណោមប្រទេសដែលបិទជិតបំផុតនៅអាស៊ី។ រដ្ឋាភិបាលត្រូវបានបម្រុងទុកសម្រាប់ណែនាំភ្ញៀវទេសចរដើរកម្សាន្ត ទស្សនានៅក្នុងប្រទេស។ លើកលែងតែអ្នកកាន់លិខិតឆ្លងដែនមួយចំនួនតែប៉ុណ្ណោះ ទើបមានសិទ្ធអាចដើរតែឯងបាន។ អ្នកដំណើរទាំងអស់អាចទស្សនាបាន តែនៅក្នុងដំណើរទេសចរណ៍ដែលបានណែនាំជាមុន។

៧. ការផលិតនិងលក់ថ្នាំជក់ត្រូវបានហាមឃាត់ចាប់តាំងពីឆ្នាំ ២០១០

ស្ដេចទី ១ នៃប៊ូតង់ បានដាក់ឈ្មោះថ្នាំជក់ថា ជា“ ស្មៅដែលកខ្វក់និងពុលបំផុត” ។ ដោយសារថ្នាំជក់មានគ្រោះថ្នាក់ខ្លាំងចំពោះសុខភាពរាងកាយ ការហាមប្រាមត្រូវបានធ្វើឡើងដោយផ្អែកលើធាតុសំខាន់ៗជាច្រើន នៃសុភមង្គលជាតិសរុប។

ជាពិសេសគឺទាក់ទងនឹងប្រពៃណីទំនៀមទម្លាប់ របស់ប្រជាជនប៊ូតង់ទាំងមូល គឺមិនអាចប្រើប្រាស់ថ្នាំជក់បានទេ ។

៨. ប៊ូតង់មានតែផ្ទៃដី ១៤.៨០០ ការ៉េប៉ុណ្ណោះ

រដ្ឋតិចសាស់មានទឹកដីប្រមាណ ២៦៨,០០០ការ៉េ មានន័យថា ប្រទេសប៊ូតង់មានប្រហែល ៦ ភាគរយនៃរដ្ឋតិចសាស់។ ភូមិសាស្ត្រជាច្រើននៅក្នុងប្រទេសប៊ូតង់ ភាគច្រើនត្រូវបានបង្កើតឡើងដោយភ្នំទាំងអស់៕

ប្រែសម្រួល ៖ សាង ស្រីល័ក្ខ

ចុចអាន៖កំពូលមេដឹកនាំនយោបាយលើពិភពលោក ១០ រូប ល្បីថាសង្ហាខ្លាំង ទាក់ទាញ ស្រីៗឲ្យលង់ស្នេហ៍