KPT+
ដើរព្រៃបោះតង់ ផ្ដល់អត្ថប្រយោជន៍ទាំងផ្លូវកាយ និងផ្លូវចិត្ត
បច្ចុប្បន្ន ការដើរព្រៃកំពុងពេញនិយមណាស់ ពិសេសក្នុងក្រុមយុវវ័យគ្នាយើង តែងចូលចិត្តដំណើរកម្សាន្តបែបផ្សងព្រេង។ ចុះមានដឹងថា ដើរផ្សងព្រេង បោះតង់ក្នុងព្រៃ មានប្រយោជន៍អីខ្លះអត់? បើមិនទាន់ដឹង អត្ថបទនេះនឹងប្រាប់ឲ្យដឹងទាំងអស់គ្នា។
១- អាចគេចផុតពីជាតិពុលក្នុងបរិយាកាស
ព្រៃ គឺនៅឆ្ងាយពីទីក្រុងឬតំបន់ឧស្សាហកម្ម មានខ្យល់បរិសុទ្ធ និងគ្មានជាតិពុលក្នុងបរិយាកាសនោះទេ។ អំឡុងសម្រាកលំហែកាយក្នុងព្រៃ យើងនឹងដកដង្ហើមជាមួយបរិយាកាសបរិសុទ្ធ ផ្ទុយពីខ្យល់ដែលមានក្នុងទីក្រុងជាច្រើន ពោរពេញដោយខ្យល់កខ្វក់ ដែលធ្វើឲ្យយើងងាយថប់ដង្ហើម។ ចំណាយពេលខ្លះនៅក្នុងព្រៃ ជាមួយនឹងខ្យល់បរិសុទ្ធ គ្មានជាតិពុល អាចនឹងធ្វើឲ្យយើងកាន់តែស្និទ្ធស្នាលជាមួយធម្មជាតិ។
២- ជួយផ្តាច់ខ្លួនចេញពីឧបករណ៍អេឡេត្រូនិក
សព្វថ្ងៃនេះ ជីវិតមនុស្សយើង ត្រូវបានគាបសង្កត់ដោយពពួកឧបករណ៍អេឡិចត្រូនិក ពោរពេញដោយជាតិវិទ្យុសកម្ម ពិសេសគឺទូរសព្ទវ័យឆ្លាតតែម្តង។ ប៉ុន្តែនៅក្នុងព្រៃ បណ្តាញទូរសព្ទ មិនជាល្អនោះឡើយ អាចជួយយើងចាកឆ្ងាយពីទូរសព្ទដែលតែនៅជាប់ខ្លួនយើងគ្រប់ពេលវេលានោះ និងជំនួសមកវិញនូវភាពស្និទ្ធស្នាលជាមួយមនុស្សជុំវិញខ្លួន ដែលចូលរួមបោះតង់ជាមួយយើង។
៣- ជួយកាត់បន្ថយបញ្ហាស្ត្រេសយ៉ាងមានប្រសិទ្ធភាព
ព្រៃជាកន្លែងដ៏អស្ចារ្យ អាចជួយព្យាបាលយើងទាំងអស់គ្នាចេញពីភាពស្ត្រេសយ៉ាងមានប្រសិទ្ធភាព។ អំឡុងពេលកំពុងបោះតង់កម្សាន្តជាមួយធម្មជាតិព្រៃភ្នំ យើងមិនចាំបាច់ធ្វើការងារផ្សេងៗ មិនចាំបាច់ធ្វើអ្វីតាមកាលវិភាគបានរៀបចំទុក នាំឲ្យភាពតានតឹង ជាហេតុនាំឲ្យបញ្ហាស្ត្រេសទាំងអម្បាលម៉ាន ត្រូវរលាយក្លាយជាខ្យល់បាត់ចេញពីជីវិតយើងភ្លាមៗ។ លើសពីនេះ បោះតង់ក្នុងព្រៃថែមទាំងអាចជួយជំរុញថាមពលរាងកាយខ្លាំងក្លា ហើយនៅពេលយើងត្រឡប់ទៅធ្វើការវិញ ក៏មានអារម្មណ៍ស្រស់ស្រាយ និងផ្ចង់អារម្មណ៍បានល្អថែមទៀត។
៤- ជួយយើងបញ្ចេញសកម្មភាពរាងកាយបានច្រើន
ដូចដឹងស្រាប់ បច្ចុប្បន្ននេះ គ្នាយើងភាគច្រើនរវល់ការងារ ព្រលឹមចេញព្រលប់ចូល មិនមានពេលគ្រប់គ្រាន់ដើម្បីឲ្យរាងកាយបញ្ចេញសកម្មភាពបានច្រើននោះទេ។ ប៉ុន្តែអំឡុងពេលដើរកម្សាន្តក្នុងព្រៃ គ្នាយើងច្បាស់ជាត្រូវការដើរច្រើន នាំឲ្យយើងអាចបញ្ចេញសកម្មភាពទាំងអស់ដែលយើងមាន ដោយគ្មានជំនួយពីគ្រឿងម៉ាស៊ីននោះទេ រាប់បញ្ចូលទាំងការដើររកឧសបង្កាត់ភ្លើង ដើរលេង ដែលសុទ្ធសឹងអាចជួយឲ្យរាងកាយបញ្ចេញសកម្មភាពបានច្រើន។ លើសពីនេះ ពេលខ្លះអាចជួយឲ្យខួរក្បាលបញ្ចេញសកម្មភាពស្របគ្នាជាមួយរាងកាយទៀតផង ជួយយើងចៀសផុតពីការពឹងផ្អែកតែលើគ្រឿងម៉ាស៊ីនគ្រប់ពេលក្នុងជីវិត។
៥- ផ្តល់ពេលវេលាដ៏អស្ចារ្យសម្រាប់ខ្លួនឯង
ដើរកម្សាន្ត បោះតង់សម្រាកក្នុងព្រៃ មានន័យថា យើងកំពុងផ្តល់ពេលវេលាដ៏អស្ចារ្យសម្រាប់ខ្លួនឯង ជាមួយធម្មជាតិដ៏ស្រស់ស្អាត ព្រោះគ្នាយើងភាពច្រើន រវល់ខ្លាំងនឹងការងារ ភ្លេចទាំងផ្តល់ឲ្យខ្លួនឯងនូវពេលវេលាល្អៗ។ អំឡុងពេលបោះតង់ក្នុងព្រៃ យើងនឹងកាន់តែស្គាល់ខ្លួនយើងច្បាស់ ដឹងច្បាស់ពីលទ្ធភាព និងសមត្ថភាពរបស់ខ្លួនឯង ខណៈចំណុចនេះ អាចជាផ្លូវត្រួសត្រាយទៅកាន់ភាពជោគជ័យនៃជីវិតទៅថ្ងៃអនាគត។ នៅពេលដែលយើងដឹងច្បាស់ ស្គាល់ច្បាស់ពីកម្លាំងដ៏អស្ចារ្យដែលខ្លួនយើងមាន យើងនឹងកាន់តែជឿជាក់លើខ្លួនឯង អាចបំពេញចន្លោះខ្វះខាតនាពេលកន្លងមកបានយ៉ាងងាយ។
៦- ព្រៃមានគុណប្រយោជន៍ច្រើនលើសអ្វីយើងគិតដល់
ព្រៃ និងធម្មជាតិ បានលាក់ទុកនូវភាពអស្ចារ្យរបស់ខ្លួនច្រើនសន្ធឹកសន្ធាប់ទៀតសម្រាប់មនុស្សលោកយើងនេះ។ ជាក់ស្តែង កាំរស្មីព្រះអាទិត្យ ចាំងជះមកលើយើងនាពេលព្រឹកព្រលឹម ជាប្រភពដ៏អស្ចារ្យនៃវីតាមី D ដែលរាងកាយយើងមិនអាចផលិតបានដោយខ្លួនឯង និងត្រូវការជាចាំបាច់។
មួយទៀត នៅពេលយើងដើរក្នុងព្រៃ យើងនឹងទទួលបានបទពិសោធន៍ជីវិតពិតពីធម្មជាតិ យល់ច្បាស់ពីភាពសំខាន់ ក៏ដូចជាភាពស្មុគស្មាគក្នុងជីវិតរស់នៅរបស់យើង។ យើងក៏អាចទទួលបាន នូវថាមពលដ៏អស្ចារ្យសម្រាប់រាងកាយ ហើយការទទួលបានថាមពលឡើងវិញ ជារឿងចាំបាច់បំផុតសម្រាប់ជីវិតរស់នៅរបស់មនុស្សយើង។
ជាមួយចំណុចទាំងអស់រៀបរាប់ខាងលើនេះ ការដើរកម្សាន្តក្នុងព្រៃ បោះតង់សម្រាកជាមួយធម្មជាតិដ៏ស្រស់ស្អាត នឹងជួយយើងបានច្រើនទាំងកម្លាំងកាយ កម្លាំងចិត្ត និងអាចជួយឲ្យយើងរួមគ្នាជាធ្លុងមួយការពារធម្មជាតិ ដូចជាការពារភពផែនដីរបស់យើងឲ្យបន្តនៅស្រស់បំព្រងនាថ្ងៃអនាគត៕
អត្ថបទផ្ដល់សិទ្ធិ៖ Hello គ្រូពេទ្យ
ចុចអាន៖ ចូលចិត្តដើរលេងបោះតង់ ត្រូវចេះតិចនិកទាំងនេះ ចៀសវាងគ្រោះថ្នាក់ដោយសារពស់
ចុចអាន៖ ដើរលេងសមុទ្រចំពេលភ្លៀងធ្លាក់ ប្រញាប់បង្វែរគោលដៅទៅកន្លែងផ្សេងភ្លាមឬយ៉ាងណា?
ខេត្តកំពង់ឆ្នាំងត្រូវបានប្រកាសថាខេត្តដែល «គ្មានសំរាម និងសំណល់ប្លាស្ទិកតាមទីសាធារណៈ»
ថ្ងៃនេះក្រុមលីគកំពូលកម្ពុជា២គូជួបគ្នាវគ្គ១៦ក្រុមជើងទី១ ពានសម្តេចតេជោ
សមាគមបណ្ណាល័យគំនិតរៀបចំពិព័រណ៌សៀវភៅលើកទី១ នៅរាជធានីភ្នំពេញចុងសប្ដាហ៍នេះ
ក្រុមប្រឹក្សាធុរកិច្ចស្ត្រីហ្វីលីពីន ចាប់អារម្មណ៍វិនិយោគលើវិស័យសក្ដានុពលនៅកម្ពុជា
ក្រសួងការងារបញ្ជាឱ្យក្រុមហ៊ុន៥ចូលខ្លួនមកដោះស្រាយវិវាទការងារឱ្យបានមុនថ្ងៃទី១៤ កុម្ភៈ
ក្រោយភ្លើងឆេះដ៏សាហាវបំផុត រដ្ឋកាលីហ្វ័រញ៉ា នឹងជួបព្យុះភ្លៀងនាំសារធាតុពុលម្តង
បៃដិន ទុកសំបុត្រមួយច្បាប់ឲ្យ ត្រាំ នៅក្នុងថតតុ
អគ្គិភ័យឆេះសណ្ឋាគារសាហាវបំផុតក្នុងប្រវត្តិសាស្រ្តតួកគី, មនុស្សស្លាប់កើនដល់ ៧៦នាក់
ធ្លាក់ព្រឹលខ្លាំងពេក រដ្ឋភាគខាងត្បូងអាមេរិកប្រកាសអាសន្ន ខណៈមនុស្ស២២០លាននាក់រងផលប៉ះពាល់
ត្រាំ ចេញបញ្ជាដាក់ទោសប្រហារជីវិត អ្នកណាសម្លាប់មន្ត្រី និងជនអន្តោប្រវេសន៍ដែលប្រព្រឹត្តអំពើឧក្រិដ្ឋកម្ម
-
ចរាចរណ៍២ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៥ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ព័ត៌មានជាតិ១ សប្តាហ៍ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
សន្តិសុខសង្គម២ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៦ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៥ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៦ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ចរាចរណ៍៣ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់