KPT+

បំបាត់ក្លិនផ្អួរក្នុងផ្ទះ នារដូវវស្សានេះដោយវិធីងាយៗ

បានផុស

៤ years មុន

នៅ

ថ្ងៃអង្គារ ៨ មិថុនា ២០២១

ដោយ

ជាទូទៅនៅរដូវវស្សា ក្លិនស្អុយ ក្លិនផ្អួររមែងកើតមានតាមបណ្ដាគេហដ្ឋាននានា។ កុំទាន់មួហ្មង! យើងមានវិធានការណ៍អាចការពារផ្ទះពីក្លិនមិនល្អទាំងនោះបាន ។

មូលហេតុនៃក្លិនផ្អួរ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មិនប្លែកទេ! ទឹកភ្លៀងតែងនាំមកនូវសំណើម រួចក៏ទុកក្លិនមិនស្អុយផ្សេងៗក្រោយពេលវាទៅវិញ។ មូលហេតុនោះក៏ដោយសារ កម្ដៅនៅក្នុងដីបានបម្លែងដោយស្រូបយកខ្យល់ស្រស់ ហើយជំនួសដោយខ្យល់សើម ខណៈពេលអ៊ីយ៉ុងបញ្ចេញប៉ះជាមួយខ្យល់សើម វាក៏បង្កើតបានជាក្លិនផ្អួរ។

ប្រើសម្ភារផ្ទះបាយបំបាត់ក្លិន

ទោះយ៉ាងណា សម្ភារក្នុងផ្ទះបាយមួយចំនួនអាចយកមកប្រើដើម្បីប្រឆាំងនឹងក្លិនមិនល្អចេញពីផ្ទះបាន។ ឧទាហរណ៍ ក្រូចឆ្មារនិងទឹកខ្មេះ អាចបំបាត់ក្លិនស្អុយក្នុងផ្ទះបាយបានយ៉ាងល្អ។ រីឯស្លឹកម្កាក់ អាចរក្សាទុកក្នុងទូសំលៀកបំពាក់អាចការពារទាំងផ្សិតនិងក្លិនផ្អួរ។ ចំណែកឯម្សៅសូដានិងអំបិលក្រួស គឺជាជម្រើសផ្សេងទៀតដែលអាចផ្តល់ក្លិនល្អដល់កន្លែងធុំក្លិនអាក្រក់។

សម្អាតក្នុងផ្ទះជាប្រចាំ

បន្ថែមពីលើនោះ នារដូវវភ្លៀងបែបនេះ យើងត្រូវការយកចិត្តទុកដាក់លើការសម្អាតសម្ភារប្រើប្រាស់និងគ្រឿងសង្ហារឹមជាប្រចាំ។ ជូតវាឲ្យស្ងួតជានិច្ច ដើម្បីកុំឲ្យមានសំណើមបង្កជាក្លិនផ្អួរ។ រីឯកម្រាលឥដ្ឋក៏ត្រូវការសម្អាតជាទៀងទាត់ ដើម្បីប្រឆាំងការកកើតនៃបាក់តេរី។ មួយវិញទៀត បើអាចកាត់បន្ថយការក្រាលកម្រាលព្រំនៅក្នុងផ្ទះបាន គួរតែកុំក្រាលអី ព្រោះវាទាក់ទាញធូលីដីនិងក្លិនមិនល្អផងដែរ៕

ប្រែសម្រួល៖ សន្យា

ប្រភព៖ makaan

ចុចអាន៖រៀបចំផ្ទះសម្រាប់ទទួលរដូវវស្សា ដោយធ្វើបែបនេះអាចបង្កើនភាពកក់ក្ដៅ

ចុចអាន៖៥ វិធីងាយៗ ដើម្បីការពារខ្លួនឯងនិងគ្រួសារពីជំងឺគ្រុនឈាម ក្នុងរដូវនេះ