មេ Apple លោក Tim Cook ផ្ដែផ្ដាំ​ក្មេង​ៗ​សិង្ហបុរី​ថា ​បើ​ចង់​ខ្លាំង​ទៅ​អនាគត​គួរ​​ខំ​រៀន​ភាសា​មួយ​នេះ – Kampuchea Thmey Daily
Connect with us

KPT+

មេ Apple លោក Tim Cook ផ្ដែផ្ដាំ​ក្មេង​ៗ​សិង្ហបុរី​ថា ​បើ​ចង់​ខ្លាំង​ទៅ​អនាគត​គួរ​​ខំ​រៀន​ភាសា​មួយ​នេះ

Published

on

អគ្គនាយកក្រុមហ៊ុន Apple លោក Tim Cook បាននិយាយ​ទៅ​កាន់​ក្មេង​ៗក្នុង​ប្រទេស​សិង្ហបុរី​ថា “​បើ​ពួក​គេ​អាច​រៀន​បាន​តែ​មួយ​ភាសា​ទៀត​​បន្ទាប់​ពី​ភាសា​ដើម​កំណើត ​ពួក​គេ​គួរ​តែ​រៀន​ភាសា​សម្រាប់សរសេរ​កូដ​ ព្រោះ​ការ​សរសេរ​កូដ​គឺ ជា​ភាសា​ពិភពលោក ” ។

ក្នុង​ដំណើរ​ទស្សនកិច្ចទៅ​កាន់​ប្រទេស​សិង្ហបុរី លោក Cook បាន​ជួប​ជា​មួយ​អ្នក​អភិវឌ្ឍន៍​របស់ IOS និង​សិស្ស​នៅ​តាម​បណ្ដាអនុវិទ្យាល័យ​ បន្ទាប់​ពី​បាន​ជួប​នាយក​រដ្ឋ​មន្រ្តីសិង្ហបុរី លោក Lee Hsien Loong ។ នេះ​មិន​មែន​ជា​ការ​ចៃដន្យ​របស់​លោក​ក្នុង​ការ​ធ្វើ​ដំណើរ ទៅ​កាន់​ប្រទេស​នេះ​ក្នុង​រយៈ​ពេល ២ ថ្ងៃ​នោះ​ទេ។ លោក Cook ក៏​បាន​ទៅ​ស្វែងរក​អ្នក​ដែល​មាន​សមត្ថភាព​ខាង​ផ្នែក​បច្ចេកទេស​ក្នុង​ការ​សរសេរ​កូដ​នៅ​តាម​សាលា​ផ្សេងៗ ហើយ​​បាន​និយាយ​អំពី Apple គ្រោង​នឹង​បើក​ហាង​ទីបី​នៅ​សិង្ហបុរី ​ក៏ដូចជា​​ការ​ជួយ​និស្សិត​និង​មនុស្ស​​ពេញវ័យ​នៅ​ក្នុង​សេដ្ឋកិច្ច​ឌីជីថល ។

លោក​បាន​ប្រៀបធៀប ​ការ​រៀន​សរសេរ​កូដ​ទៅ​នឹង​ការ​និយាយ​ភាសា​សកល ​និង​ត្រូវ​បាន​បំពាក់​សម្រាប់​ការងារ​នាពេល​អនាគត។ លោក​និយាយ​ថា “​ភាសា​ដែល​និយាយ​ច្រើន​ជាង​គេ​គឺ​ភាសា​តំបន់” ដោយ​សំដៅ​ទៅ​លើ​ភាសា​សាមញ្ញ​ដូច​ជា​ អង់គ្លេស​និង​ ភាសា​ចិន​កុកងឺ ​ដែល​ប្រទេស​នេះ​បាន​ប្រើប្រាស់ ។

ក្នុង​រយៈ​ពេល ៥ ឆ្នាំ​ចុង​ក្រោយ​ ការិយាល័យ​លក់​របស់ Apple នៅ​ក្នុង​ប្រទេស​សិង្ហបុរី​បាន​រីក​ចម្រើន​គុណ​នឹង​ពីរ។ ក្រុមហ៊ុន​យក្សមួយ​នេះបាន​ជួល​មនុស្ស​ប្រមាណ ៣២០០ នាក់មក​ទល់​ពេល​នេះ ដែល​មួយ​ភាគ​បី​ជា​អ្នក​លក់​រាយ និង ២/៣ ទៀត​ជា​បុគ្គលិក​ផ្នែក​លក់​ផ្នែក​ទី​ផ្សារ ហិរញ្ញវត្ថុ​ និង ផ្នែក​ស្រាវជ្រាវ​និង​អភិវឌ្ឍន៍ ៕

 ប្រែសម្រួល៖ សន ផានិត

ចុចអាន៖ ស្ត្រី​ដែល​មាន​ជាង​គេ​បំផុត​ទាំង ៥ នៅក្នុង​ពិភព​បច្ចេកវិទ្យា

ចុច Like Facebook កម្ពុជាថ្មី

ព័ត៌មានពេញនិយម