អាជីព

កុំនិយាយបែបនេះទៅកាន់មិត្តរួមការងារ បើនៅចង់ឲ្យគេផ្ដល់តម្លៃ

បានផុស

៤ years មុន

នៅ

ថ្ងៃពុធ ១៨ វិច្ឆិកា ២០២០

ដោយ

របៀបនិយាយស្ដីសំខាន់ណាស់ ពិសេសពេលយើងជាបុគ្គលមានតួនាទីសមរម្យមួយមានការងារធ្វើមានការិយាល័យ មានចំណេះដឹង។

ទោះបីជាសម្ដីមិនតំណាងឥរិយាបថយើងទាំងស្រុងពិតមែន តែបើភ្លាវពេក ក៏ពិបាកទទួលយកដែរ។ តម្លៃមនុស្សយើងអាស្រ័យលើទង្វើនិងសម្ដីសន្ទនាហ្នឹងហើយ។

ឈប់និយាយពាក្យទំាងនេះ ប្រសិនបើអ្នកធ្លាប់ត្រូវបានគេឲ្យតម្លៃទាប នៅកន្លែងធ្វើការមុនៗ ៖

១ ខ្ញុំធ្វើការបណ្ដោះអាសន្នហ្នឹង!

វាជាការពិតអ្នកមានសិទ្ធិប្រាប់មិត្តរួមការងារអំពីចិត្ត គំនិតពិត និងការគិតរបស់អ្នកដែលធ្វើការទីនោះគ្រាន់តែបណ្តោះអាសន្ន តែវាចាំបាច់ដែរ? អ្នកគួរបង្ហាញការគោរពលើការងារខ្លួនសល់តែមួយថ្ងៃទៀតក៏ដោយក៏ត្រូវតែស្រលាញ់ការងារដែរ បើអ្នកពិតជាមនុស្សមានការទទួលខុសត្រូវនិងចង់បានការវាយតម្លៃខ្ពស់។ ទូកទៅកំពង់នៅ មនុស្សមានចរិតបែបណាកេរិ៍្តឈ្មោះបែបនោះ។

២ កុំប្រឹងពេកគេមិនឲ្យប្រាក់ខែលើសទេ

ភាពកំប្លុកកំប្លែងរបស់អ្នកត្រូវដឹងពីផលប៉ះពាល់។ សម្ដីខ្លះវាហាក់មិនសមនិងចំណេះដឹងអ្នកឡើយ ហើយបើប្រើនៅថ្ងៃដំបូងទៀត អ្នកនឹងបាត់គុណតម្លៃមហាសាលឡើយ។ មនុស្សយើងត្រូវបានគេគោរពព្រោះគុណតម្លៃ កិរិយានិយាយស្ដីហ្នឹងហើយ មិនមែនឋានៈដែលគេឈ្ងោកពីមុខនិយាយដើមពីក្រោយទេ។

៣ ម្នាក់នោះប្រាក់ខែច្រើនជាងខ្ញុំផង

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មនុស្សដែលនិយាយពាក្យអស់ទាំងនេះ ឬស្រដៀងៗនេះគឺមានគំនិតអន់ថយខ្លាំង។ ការច្រណែនប្រាក់ខែជារឿងដ៏ចាស់គំរឹលទៅហើយ ព្រោះសម័យនេះ ប្រសិនអ្នកមានសមត្ថភាពទៅបង្ហាញថ្នាក់លើឲ្យឃើញសិនទៅ កុំនៅរអ៊ូដើរស៊ើបប្រាក់ខែអ្នកដទៃ៕

ប្រែសម្រួល៖ ចម្រើន តារា

ចុចអាន៖សញ្ញាបង្ហាញថា គូប្រជែងកំពុងធ្វើឱ្យយើងព្រួយខ្លាចជារៀងរាល់ថ្ងៃ

ចុចអាន៖សេដ្ឋីៗទម្លាប់ធ្វើអ្វីខ្លះ មុនពេលចូលគេង?

Related Topics:តម្លៃ