KPT+

កុមាររាប់លាននាក់ស្ថិតក្រោមការរាំងខ្ទប់និងកំពុងរងសម្ពាធផ្លូវចិត្ត ឪពុកម្ដាយអាចជួយអ្វីបាន?

បានផុស

៤ years មុន

នៅ

ថ្ងៃព្រហស្បតិ៍ ១៧ មិថុនា ២០២១

ដោយ

Sonya

មកដល់ពាក់កណ្ដាលឆ្នាំ ២០២១ នេះកុមារប្រមាណជាង ១.៤ ពាន់លាននាក់នៅទូទាំងពិភពលោក កំពុងរស់នៅក្រោមការបិទខ្ទប់ ព្រោះតែជំងឺរាតត្បាត។ ទិន្នន័យដែលប្រមូលបានពី NEU របស់អង់គ្លេសបង្ហាញថា ក្មេងៗអាយុពី ៥ ទៅ ១១ ឆ្នាំកំពុងមានអារម្មណ៍ឯកោ ហើយប្រមាណ ២៨ ភាគរយក្នុងចំណោមនោះកំពុងរងសម្ពាធផ្លូវចិត្ត។

Boy Standing Near The Window With Hands On Window Glass Kid Waiting For Parents Waiting Concept Stock Video - Download Video Clip Now - iStock

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំណែកទិន្នន័យដែលប្រមូលបានដោយមហាវិទ្យាល័យភូមិន្ទចិត្តសាស្ត្រ (Royal College of Psychiatrists) ចក្រភពអង់គ្លេសបង្ហាញថា មនុស្សវ័យក្រោម ១៨ ឆ្នាំចំនួន ៣៧២,៤៣៨ នាក់ត្រូវបានបញ្ជូនទៅមន្ទីរពេទ្យវិកលចរិតក្នុងឆ្នាំ២០២០ ហើយមកដល់ឆ្នាំនេះ ចំនួនបានកើនឡើងបន្ថែមរហូតដល់ ៨០,២២៦ នាក់ឬស្មើ ២៨ ភាគរយ។ ករណីនេះមហាវិទ្យាល័យបានឱ្យដឹងថា វាជាលទ្ធផលនៃការរំខានបណ្តាលមកពីជំងឺរាតត្បាតកូវីដ-១៩។

Premium Photo | Asian 6 or 7 years old kid wearing medical mask.little girl standing by the window and looking outside.she look sad,bored.she may sick or quarantine from the coronavirus disease 19 (

លោកវេជ្ជបណ្ឌិត Bernadka Dubicka ប្រធានសាស្រ្តាចារ្យកុមារនិងមនុស្សវ័យជំទង់នៃមហាវិទ្យាល័យចិត្តសាស្រ្តនិយាយថា “កុមារនិងយុវជនកំពុងរងនូវវិបត្តិសុខភាពផ្លូវចិត្តដែលបណ្តាលមកពីជំងឺរាតត្បាត និងប្រឈមហានិភ័យនៃជំងឺផ្លូវចិត្តពេញមួយជីវិតពួកគេ”។

Premium Photo | Asian child girl wearing protection mask looking outside through the window and stay at home

បន្ថែមពីលើនេះ នាយកប្រតិបត្តិអង្គការកុមារ Barnardo លោក Javed Khan មានប្រសាសន៍ថា ជំងឺរាតត្បាតបណ្ដាលឱ្យអារម្មណ៍កុមារនិងយុវវ័យរងផលប៉ះពាល់អវិជ្ជមានក្នុងរយៈពេលវែង ប្រសិនបើពួកគេមិនការគាំទ្រខាងសុខភាពផ្លូវចិត្តត្រឹមត្រូវនោះទេ។

រីឯការស្ទង់មតិមួយទៀតដែលចេញផ្សាយដោយសហព័ន្ធអប់រំជាតិ National Education Union-NEU បង្ហាញថា សិស្សសាលាវ័យក្មេងភាគច្រើនប្រទះនឹងអារម្មណ៍ឯកោ ព្រមទាំងជួបបញ្ហាសុខភាពផ្លូវចិត្ត ក្នុងកំលុងពេលរាំងខ្ទប់។

ឪពុកម្ដាយឬអាណាព្យាបាលគួរធ្វើអ្វីអាចជួយសុខភាពផ្លូវចិត្តក្មេងៗបាន?

34 Educational Indoor Activities For Kids During Lockdown | BEACHES

ស្របពេលដែលសាលារៀនត្រូវបានបិទទទ្វារជាបណ្ដោះអាសន្ន ក្មេងៗក៏ត្រូវនៅផ្ទះជាមួយប៉ាម៉ាក់ឬសាច់ញាតិ ដែលនាំឱ្យពួកគេកើតរោគធុញទ្រាន់ ឯកោ និងរងសម្ពាធ ព្រោះថាមិនបានចេញក្រៅដូចមុន។

ដើម្បីកុំឱ្យកុមារប៉ះពាល់ផ្លូវចិត្ត អាណាព្យាបាលអាចបង្កើតភាពរីករាយជាមួយសកម្មភាពនៅផ្ទះខ្លះៗដោយ រៀនចម្អិនអាហារជាមួយកូនៗ នាំកូនធ្វើលំហាត់ប្រាណ បង្កើតសួនដាំដំណាំជាមួយគ្នា នាំពួកគេអានសៀវភៅ ឬមើលរឿងអប់រំជាដើម។

មួយវិញទៀត ឪពុកម្ដាយក៏គួរទុកឱកាសឱ្យកូនៗបានជជែកលេងជាមួយមិត្តភក្តិតាមរយៈអនឡាញផងដែរ។

Don't be afraid to pass your first language, and accent, to your kids. It could be their superpower

ជារឿយៗឪពុកម្ដាយតែងព្រួយបារម្ភអំពីជជែកគ្នាលេងជាមួយមិត្តក្នុងអ៊ិនធរណិត។ តាមពិតទៅក្មេងតូចៗនិងពួកវ័យជំទង់រីករាយនឹងការហៅវីដេអូណាស់។ ក្នុងន័យនេះ ប្រព័ន្ធផ្សព្វផ្សាយសង្គមអាចជួយរក្សាមិត្តភាព និងផ្ដល់នូវអារម្មណ៍នៃការភ្ជាប់ទំនាក់ទំនងរវាងគ្នា ដោយសារតែបច្ចេកវិទ្យា គឺជាបណ្ដាញល្អសម្រាប់កុមារនិងក្មេងជំទង់។

យ៉ាងណាមិញ សម្រាប់កុមារតូចៗ ការប្រើបច្ចេកវិទ្យាដើម្បីរក្សាទំនាក់ទំនងជាមួយមិត្តភក្ដិ អាចមានការពិបាក និងហានិភ័យផ្សេងៗ។ ជាការល្អ ឪពុកម្ដាយនិងបងៗគួរតែគាំទ្រក្មេងៗ ដោយលេងជាមួយពួកគេជំនួសឱ្យបណ្ដោយឱ្យពួកគេលេងជាមួយមិត្តតែឯង៕

ប្រែសម្រួល៖ សន្យា

ប្រភព៖ Mail Daily

ចុចអាន៖ ផលប៉ះពាល់ ៣ ធំៗចំពោះកុមារអំឡុងបិទទ្វារសាលាក្នុងវិបត្តិកូវីដ-១៩

ចុចអាន៖ ហេតុអ្វីម៉ាក់ៗខ្លះសុខចិត្តចោលការងារប្រាក់ខែរាប់រយ មកនៅផ្ទះមើលកូន?