មេរៀនធំៗ ៥ ពីម្ចាស់មកុដ Miss Grand International នាង Abena Appia

ក្រោយ Abena Appiah បានគ្រងមកុដ Miss Grand International 2020 តើប្រិយមិត្តយើងបានរៀនមេរៀនអ្វីខ្លះ ពីនារីដើមកំណើតអាហ្វ្រិក-អាមេរិកាំងរូបនេះ?

១. សូមកុំប្រៀបធៀប ហើយបាក់ទឹកចិត្ត ដោយសារតែការព្យាយាមកំណត់តាមស្ដង់ដានណាម្នាក់ ព្រោះមនុស្សយើងគ្រប់គ្នា សុទ្ធតែមានភាពស្រស់ស្អាត និងស្តង់ដារៀងខ្លួន។

២. ឈប់ភ័យខ្លាច ហើយបិទបាំងភាពជាខ្លួនឯង ដោយគ្រាន់តែការយល់ឃើញពីមនុស្សមួយក្រុម។ មិនថាអ្នកខ្មៅឬស ឬនៅក្នុងភេទមួយណាក៏ដោយ ក៏អ្នកនៅតែជាអ្នក ហើយនោះ គឺគ្មានកំហុសឡើយ។ អ្នកនៅតែទទួលបាននូវការស្វាគមន៍ និងតម្លៃនៅក្នុងនាមជាខ្លួនឯង។

៣. សូមស្គាល់ខ្លួនឯងឱ្យច្បាស់ ហើយជឿជាក់លើអ្វីដែលខ្លួនឯងមាន ព្រោះជំនឿចិត្តដ៏ត្រឹមត្រូវមួយ គួបផ្សំនឹងកាលដែលមិនបោះបង់ នោះវានឹងជំរុញឱ្យអ្នកសម្រេចនូវរឿងដ៏អស្ចារ្យជាច្រើននៅក្នុងជីវិត។

៤. មានត្រឹមតែសម្រស់ អ្នកនឹងមិនអាចក្លាយជាស្ដេចស្រីបានទេ តែត្រូវគួបផ្សំនឹងសមត្ថភាព ចរិយាសម្បត្តិ ចំណេះដឹង ទេពកោសល្យក្នុងការនិយាយស្ដី សិល្ប:បញ្ចុះបញ្ចូល រួមទាំងការប្រើប្រាស់ភាសាល្អផង ។ ហេតុនេះ សូមកុំវិនិយោគតែលើសម្រស់ខ្លាំងពេក។

៥. ពិភពលោកនេះ គឺកំពុងតែដើរទៅមុខទៅកាន់ចំណុចដែលទម្លាប់នឹងការទទួលស្គាល់សមភាព ការគោរព និងឱ្យតម្លៃមនុស្ស។ ការលុបបំបាត់ចោលនូវការរើសអើង ការប្រកាន់ពូជសាសន៍ ពណ៌សម្បុរ និងភេទ គឺជាដំណើរកាន់តែច្បាស់លាស់ និងពិតប្រាកដ ហេតុនេះសូមកុំព្យាយាមដើរថយក្រោយតែម្នាក់ឯង៕

អត្ថបទ៖ ស្នង នេត្រា

ចុចអាន៖ មកដឹងបទពិសោធន៍និងទេពកោសល្យបវរកញ្ញាចក្រវាឡ ២០២០ នាង Andrea Meza

ចុចអាន៖ ដឹងប្រវត្តិបវរកញ្ញាអាមេរិកទើបច្បាស់ថា ពិតជាសក្តិសមឈ្នះមកុដ Miss Grand International