KPT+

មូលហេតុដែលគីមឈីកូរ៉េមានភាពល្បីល្បាញខ្លាំង មិនមែនផ្ដោតលើរសជាតិមួយមុខ

បានផុស

៤ years មុន

នៅ

ថ្ងៃព្រហស្បតិ៍ ២៤ មិថុនា ២០២១

ដោយ

គីមឈីគឺជាអាហារតំណាងរបស់ប្រទេសកូរ៉េខាងត្បូង និងមានកេរ្តិ៍ឈ្មោះល្បីរន្ទឺក្នុងពិភពលោក ហើយត្រូវបានចុះបញ្ជីថាជាអាហារនាំសំណាងនិងសុខភាពដល់ជីវិតមនុស្សដែលទទួលទាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្ពៃបូកគោនិងគ្រឿងទេសដែលបានច្របល់ជាមួយគីមឈី គឺជាប្រភពនៃមោទនភាពជាតិដ៏ធំធេង ហើយត្រូវបានអ្នកជំនាញខ្លះចាត់ទុកថា ជាអាហារដែលមានសុខភាពល្អបំផុតនៅលើពិភពលោក។ គីមឈីត្រូវធ្វើដោយដៃ លាយជាមួយម្សៅអង្ករសស្អិតនិងម្ទេសហ៊ុយរួមទាំងគ្រឿងទេសផ្សេងទៀត សក្ដិសមឥតខ្ចោះជាអាហារកូរ៉េដែលគេអាចញ៉ាំជាមួយអាហារពេលព្រឹក ថ្ងៃត្រង់ និង ពេលល្ងាចបានទាំងអស់។

គីមឈីមានជាង ៣០០ ប្រភេទ ហើយខេត្តនីមួយៗមានប្រភេទផ្សេងៗគ្នា។ ដូចគ្នានេះផងដែរ មានប្រភេទផ្សេងៗគ្នាទៅតាមរដូវកាល ឧទាហរណ៍គីមឈីមានទឹកនៅនិទាឃរដូវដែលយើងហៅថាគីមឈី mool ស្រដៀងនឹងស្ពៃចិនដ៏មានប្រជាប្រិយ។ ចំពោះរដូវក្តៅគីមឈីមួយប្រភេទទៀតលាយគ្រឿងទេសច្រើនដែលយើងហៅថាគីមឈី chong kak មាន គីមឈី ឆៃថាវ និង គីមឈី ត្រសក់ជាដើម។

គីមឈីគឺមាននៅគ្រប់ទីកន្លែងក្នុងប្រទេសកូរ៉េ ពីព្រោះវាជាផ្នែកមួយនៃអាហារទាំងអស់របស់ជនជាតិពួកគេ។ ជនជាតិកូរ៉េច្រើនតែបរិភោគគីមឈីពេញមួយឆ្នាំ ជាពិសេសនៅរដូវរងា ព្រោះរដូវរងានៅកូរ៉េត្រជាក់ខ្លាំង ហើយគ្មានប្រភពរុក្ខជាតិអ្វីអាចលូតលាស់បានទេក្នុងរដូវនេះ។ ដូច្នេះហើយ ដែលនេះជាមូលហេតុគីមឈីអាចទុកបានយូរជាងអាហារផ្សេង។ វាមិនត្រឹមផ្ដល់ឲ្យជនជាតិកូរ៉េនូវប្រភពអាហារមួយមុខប៉ុណ្ណោះទេ ប៉ុន្តែក៏ជាប្រភពដ៏អស្ចារ្យនៃសារធាតុប្រឆាំងអុកស៊ីតកម្ម និងភ្នាក់ងារប្រឆាំងនឹងជំងឺមហារីកផងដែរ។

ក្នុងប៉ុន្មានឆ្នាំថ្មីៗនេះអ្នកវិទ្យាសាស្ត្របានរកឃើញថា ក្រពះនិងពោះវៀនដើរតួយ៉ាងសំខាន់ក្នុងសុខភាពរបស់យើង ជាងការគិតពីមុន។ សុខភាពពោះវៀនត្រូវបានផ្សារភ្ជាប់មិនត្រឹមតែចំពោះជំងឺដូចជាជំងឺមហារីក និងជំងឺទឹកនោមផ្អែមប៉ុណ្ណោះទេ ប៉ុន្តែក៏មានបញ្ហាប្រព័ន្ធសរសៃប្រសាទផងដែរ ដូចជាការធ្លាក់ទឹកចិត្តនិងការថប់បារម្ភ។

ខ្សែបន្ទាត់នៃបុព្វហេតុតែងតែត្រូវបានគេគិតថា ដើរចេញពីខួរក្បាលទៅប្រព័ន្ធរំលាយអាហារ សម្រាប់ហេតុផលនេះមនុស្សកំពុងហៅថា“ ខួរក្បាលទី ២” របស់យើង។ គន្លឹះនៃសុខភាពពោះវៀនល្អ គឺស្ថិតនៅក្នុងមីក្រូជីវរបស់យើងពោលគឺបាក់តេរីរាប់ពាន់លានដែលរស់នៅក្នុងបំពង់រំលាយអាហារ។

គីមឈីជាអាហារដែលមានជាតិ fermented អាចជួយបញ្ហានេះបាន និងមានផ្ទុកបាក់តេរីអាស៊ីតឡាក់ទិកជាង ៨០០ លានប្រភេទ។ ដោយសារសុខភាពនិងសុខុមាលភាពកាន់តែមានការចាប់អារម្មណ៍ គីមឈីកំពុងជិះរលកនៃប្រជាប្រិយភាពទៅកាន់អាហារសុខភាព។

នោះហើយជាមូលហេតុដែលគីមឈីត្រូវបានគេទទួលស្គាល់ថា ជាអាហារមួយ ក្នុងចំណោមអាហារសុខភាពល្អបំផុតទាំង ៥ នៅលើពិភពលោក។

ជនជាតិកូរ៉េគ្រប់គ្នាពិតជាមានមោទនភាពចំពោះគីមឈីរបស់ពួកគេខ្លាំងណាស់ ដែលមានសារមន្ទីរមួយឧទ្ទិសដល់អាហារនេះនៅក្នុងផ្សារទំនើប COEX ក្នុងតំបន់ ហ្គាងណាម នៃទីក្រុងសេអ៊ូល។ នេះជាអ្វីដែលគីមឈីមានភាពល្បីល្បាញខ្លាំង មិនមែនផ្ដោតលើតែរសជាតិមួយមុខ តែអាហារនេះធ្វើឲ្យជនជាតិកូរ៉េមានមុខមាត់ និងត្រូវបានគេស្គាល់ពាសពេញពិភពលោក៕

ប្រែសម្រួល៖ សាង ស្រីល័ក្ខ

ប្រភព៖ivinglocal

ចុចអាន៖រឿងរ៉ាវបុរសជនជាតិថៃ បង្កើតចំណង់ចំណូលចិត្ត ទៅជាអាជីវកម្មជោគជ័យ

ចុចអាន៖តៃជីធ្វើឲ្យប្រសើរឡើងនូវជំងឺធ្លាក់ទឹកចិត្ត ថប់បារម្ភ ចំពោះអ្នកជាសះស្បើយពីជំងឺដាច់សរសៃឈាមខួរក្បាល