KPT+

គន្លឹះគ្រប់គ្រងលុយ ៦ យ៉ាងធ្វើឲ្យសេដ្ឋីៗកាន់តែមានខ្លាំង

បានផុស

៥ years មុន

នៅ

ថ្ងៃព្រហស្បតិ៍ ១៩ វិច្ឆិកា ២០២០

ដោយ

ទម្លាប់គ្រប់គ្រងលុយរបស់មនុស្សអាចធ្វើឲ្យពួកគេក្លាយជាអ្នកមាន ឬធ្លាក់ខ្លួនក្របាន។ តើអ្នកមានធ្លាប់ឆ្ងល់ទេថា ហេតុអ្វីបានជាសេដ្ឋីអាចចាត់ចែងចំណូលឲ្យមានច្រើនជាងចំណាយ?

ទីនេះ ជារបៀបគ្រប់គ្រងលុយរបស់បណ្ដាអ្នកមានជុំវិញពិភពលោកដែលធ្វើឲ្យពួកគេរឹតតែមានទ្រព្យទ្វេរ៖

១. មានប្រភពចំណូលច្រើន

បណ្ដាអ្នកមានទ្រព្យសម្បត្តិស្ដុកស្ដម្ភ មិនរំពឹងប្រភពចំណូលគោលតែមួយប៉ុណ្ណោះទេ ពួកគេតែងតែសម្លឹងមើលផ្លូវផ្សេងទៀតដើម្បីរកចំណូលឲ្យកើនទ្វេរឡើង។ អ្វីដែលពួកគេគិតគឺ ធ្វើ យ៉ាងណាឲ្យចំណូលចូលមានច្រើនច្រក ព្រោះពួកគេគិតថាចំណូលធំ អាចមានថ្ងៃធ្លាក់ចុះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២. រៀបចំប្រាក់ទុកសម្រាប់អាសន្ន

ពួកអ្នកមានៗ តែងត្រៀមប្រាក់សម្រាប់ពេលជួបវិបត្តិរួមមាន បាត់បង់ការងារ ការឈឺថ្កាត់ ឬសមាជិកគ្រួសារស្លាប់។ ជំនួសឲ្យការខ្ចីប្រាក់អ្នកដទៃ ពួកគេបានសន្សំលុយទុកជាស្រេចចំពោះបញ្ហាអសកម្មដែលអាចនឹងកើតមានឡើង។

៣. តាមដានការចំណាយ

ក្រុមអ្នកមានទ្រព្យហូរហៀរ តែងតែតាមដានការចំណាយប្រចាំថ្ងៃ ប្រចាំខែ និងប្រចាំឆ្នាំរបស់ខ្លួនជានិច្ច។ មនុស្សធម្មតាអាចយល់ថា ពួកគេគំរិះ ពិបាកចេញលុយពីហោប៉ៅ ប៉ុន្តែការចំណាយមិនខ្ជះខ្ជាយ និងការធ្វើបញ្ជីរៀបរាប់ការចាយវាយបាននាំឲ្យពួកគេជោគជ័យក្នុងការគ្រប់គ្រងហិរញ្ញវត្ថុ។

៤. ចេះបែងចែករវាងការចង់បាន និងតម្រូវការ

មុននឹងទិញអ្វីមួយ ពួកអ្នកមានតែងតែគិតបានហ្មត់ចត់ វែងឆ្ងាយ គិតពីផលប្រយោជន៍ជាធំ ដោយធ្វើយ៉ាងណាឲ្យចំណាយអស់តិចបំផុត។ ក្រុមមហាសេដ្ឋីដឹងច្បាស់ណាស់រវាងអ្វីខ្លួនចង់បាន និងអ្វីជាតម្រូវការចាំបាច់។ ពួកគេកម្រទិញសម្ភារៈប្រណីតថ្លៃៗ ប៉ុន្តែខំរកវិធីបង្កើនទ្រព្យសម្បត្តិតាមរយៈការពង្រីកជំនួញ។

៥. វិនិយោគតែអ្វីដែលខ្លួនស្គាល់ច្បាស់ និងទុកចិត្ត

សេដ្ឋីៗតែងតែផ្ដល់ដំបូន្មានថា វិនិយោគអ្វីក៏ដោយ ត្រូវវិនិយោគតែលើអ្វីដែលខ្លួនស្គាល់ច្បាស់ប៉ុណ្ណោះ ព្រោះពួកគេអាចដឹងពីការបង្កើតចំណូល និងប្រាក់ចំណេញ ថែមទាំងបង្ការហានិភ័យចាញ់បោក និងបញ្ហាផ្សេងទៀត។

៦. បង្រៀនខ្លួនឯង

មានសេដ្ឋីៗច្រើនរូបណាស់នៅលើលោកដែលមិនបានបញ្ចប់ការសិក្សាថ្នាក់បរិញ្ញាប័ត្រនៅមហាវិទ្យាល័យ ប៉ុន្តែពួកគេតែងតែបង្រៀនខ្លួនឯងដោយយកសៀវភៅធ្វើជាគ្រូ។ មនុស្សជោគជ័យគ្រប់រូបមិនដែលចោលទម្លាប់អានសៀវភៅនោះទេ ជាពិសេសពួកគេរៀនអ្វីដែលថ្មីៗជានិច្ច ៕

ប្រែសម្រួល៖ សន្យា
ប្រភព៖ Lifehack

ចុចអាន៖ចង់ថតរូបបានល្អ ដូចអ្នកមានអាជីព? កាំមេរ៉ាល្អមិនគ្រប់ទេ រៀន៦ចំណុចនេះសិន

ចុចអាន៖ចំណុចគួរពិចារណាមុនចង់ចាប់ផ្តើមធ្វើ vlog

Related Topics:លុយ