KPT+

ពិតអត់? អ្នកស្រឡាញ់ពណ៌ខៀវមានការទទួលខុសត្រូវខ្ពស់!

បានផុស

៤ years មុន

នៅ

ថ្ងៃសុក្រ ២០ វិច្ឆិកា ២០២០

ដោយ

សាង ស្រីល័ក្ខ

ចិត្តវិទូលើកឡើងថា ពណ៌ខៀវ ជាពណ៌តំណាងការជឿទុកចិត្ត ការទទួលខុសត្រូវ និងភាពស្មោះត្រង់។

បើតាមទស្សនៈអ្នកចិត្តវិទ្យាពណ៌ បានឲ្យដឹងថា មនុស្សនិយមចូលចិត្តពណ៌ខៀវ ជាបុគ្គលដែលអាចទុកចិត្តបាន និងមានទំនួលខុសត្រូវខ្ពស់។

ពណ៌នេះ ត្រូវបាននិមិត្តរូបឲ្យសន្តិភាពក្នុងសង្គម រីឯចំពោះមនុស្ស វាតំណាងសុភមង្គលផ្លូវចិត្តយ៉ាងជ្រាលជ្រៅ។

ចិត្តវិទូបន្ថែមថា អ្នកអាចពឹងផ្អែកលើមនុស្សស្រឡាញ់ពណ៌ខៀវបានគ្រប់ពេល ព្រោះគេជាបុគ្គលចូលចិត្តឲ្យមនុស្សម្នាទទួលបានភាពសុខសាន្ត ហើយគេរមែងសម្រាលទុក្ខលំបាករបស់អ្នកដទៃអស់ពីលទ្ធភាពខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មិនថាទាំងកន្លែងរស់នៅនិងកន្លែងធ្វើការនោះទេ បុគ្គលនេះតែងតែមានសណ្តាប់ធ្នាប់ របៀបរៀបរយ និងមានទិសដៅជីវិតច្បាស់លាស់ណាស់។

ក្រៅពីចូលចិត្តសន្តិភាពនិងភាពស្ងប់ស្ងាត់ មនុស្សប្រភេទនេះរមែងរកពេលឲ្យខ្លួនបានសម្រាកលំហែកាយ ព្រោះវាធ្វើឲ្យគេកាត់បន្ថយភាពតានតឹង បង្កើតអារម្មណ៍ធូរស្រាល និងបើកចិត្តឲ្យមានសេរីភាព។

មនុស្សដែលស្រឡាញ់ពណ៌ខៀវ មានស្មារតីការលះបង់ខ្លាំងចំពោះក្ដីសុខអ្នកជុំវិញខ្លួន។ បើជាសិស្ស គេខិតខំសិក្សាណាស់ បើជាសាសនិក គេប្រតិបត្តិជំនឿរបស់ខ្លួនបានយ៉ាងខ្ជាប់ខ្ជួន ហើយបើជាបុគ្គលិកស្ថាប័ន គេសង្វាតប្រឹងប្រែងធ្វើការមែនទែន។

ចំណុចពិសេសនៃមនុស្សចំណូលពណ៌ខៀវ គឺចេះបត់បែនទៅតាមការផ្លាស់ប្តូរបានរហ័ស ក៏ដូចជាហ៊ានប្រឈមមុខគ្រប់បញ្ហា។