KPT+

មូលហេតុដែលស្នេហាសម័យនេះ ងាយបរាជ័យឈានទៅដល់ការលែងលះគ្នា

បានផុស

៤ years មុន

នៅ

ថ្ងៃអង្គារ ៦ កក្កដា ២០២១

ដោយ

ស្នេហាដែលងាយបង្កើតឬឃើញភ្លាមស្រលាញ់ភ្លែត ហាក់ដូចជារឿងធម្មតានៅក្នុងសង្គមទំនើប ដែលស្ត្រីនិងបុរសជួបមនុស្សជាច្រើន។ អ្នកខ្លះស្គាល់គ្នាមិនទាន់ដឹងអីក៏ឈានចូលទៅទំនាក់ទំនងអាពាហ៍ពិពាហ៍យ៉ាងរហ័ស។

គូស្វាមីភរិយាខ្លះក៏យូរអង្វែង ខ្លះក៏រៀបការហើយនៅជាមួយគ្នាមួយរយៈ ក៏បានប្រកាសចែកផ្លូវគ្នា។ មិនដូចកាលពីអតីតកាលដែលស្នេហាម្នាក់ៗ ឈានដល់អាពាហ៍ពិពាហ៍ បង្កើតគ្រួសារ ហើយត្រៀមខ្លួនប្រឈមមុខនឹងបញ្ហាទាំងអស់ជាមួយគ្នា។

ប៉ុន្តែសង្គមកាន់តែស្មុគស្មាញ មនុស្សនៅក្នុងសង្គមផ្លាស់ប្ដូរទៅតាមនោះ។ ហើយនេះគឺជាហេតុផលមួយចំនួនដែលធ្វើឲ្យគូស្វាមីភរិយាសម័យថ្មី មិនអាចរស់នៅជាមួយគ្នាបានដូចកាលពីអតីតកាល។

១ ម្នាក់ៗឯករាជ្យនិងម្ចាស់ការលើខ្លួនឯង

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្នេហាសម័យនេះនៅមិនបានយូរ ដោយសារម្នាក់ៗខ្លាំងរៀងៗខ្លួន មិនចេះអត់អោនឲ្យគ្នាទៅវិញទៅមក។ ស្នេហាមួយនៅបានយូរមិនងាយរកាំរកូស ភាគីទាំងសងខាងត្រូវកាត់បន្ថយភាពផ្ទាល់ខ្លួនរៀងៗខ្លួន ហើយងាកទៅរកការយោគយល់ លះបង់ឬធ្វើសម្បទានច្រើនជាងនេះ ជាមួយមនុស្សជាទីស្រឡាញ់។

២ ខ្មាសគេខ្លាំងដែលខ្លួនគ្មានអ្នកស្រលាញ់

អ្នកខ្លះដោយសារតែចង់បានសង្សារ ព្រោះតែមិត្តភ័ក្ដិចំអកឡកឡឺយឬខ្លួនមានវ័យកាន់តែជ្រេជាដើម។ នេះមិនមែនជាស្នេហាពិតឡើយ យើងគ្រាន់តែរកមនុស្សដើម្បីបំពេញនូវភាពខ្វះខាតរបស់ខ្លួន ដែលទាមទារឲ្យជីវិតនេះពេញលេញដូចគេឯង។ ទំនាក់ទំនងអស់នេះ នឹងមានតែមួយឆាវ យូរៗទៅអ្នកទាំងពីរនឹងរងទុក្ខ ឬមានតែសុភមង្គលក្លែងក្លាយ។

៣ គិតថាខ្លួនឯងមានជម្រើសច្រើន

អ្នកខ្លះអាងថាខ្លួនស្អាត សង្ហាឡូឆាយ មានមួយមិនស្កប់ចង់បានបន្ថែមទៀត មានជម្រើសច្រើនដែលគេហៅថាកង់សាគួរ។ ភាពលោភលន់ក្នុងទំនាក់ទំនង ដោយហេតុផលអ្វីក៏ដោយ ថ្ងៃណាមួយវានឹងចាកឆ្ងាយពីមនុស្សប្រភេទនេះ។ចងចាំថា ស្នេហាជាការស្រលាញ់រវាងបុគ្គលនិងបុគ្គល មិនមែនគិតថាខ្លួនឯងអស្ចារ្យ ស្អាត ឆ្លាត ពូកែ ឯករាជ្យលើសគេទេ។ បើបែបនេះ ស្នេហានោះនឹងឈានទៅរកការបែកបាក់ មើលមុខគ្នាមិនត្រូវ។

៤ ខ្លាចពេករើសប្រញាប់ៗក៏ខុសមនុស្ស

សម័យទំនើបនេះ មនុស្សដែលធ្លាប់ខូចចិត្តម្ដងហើយ តែងខ្លាចមិនហ៊ានស្រលាញ់នរណាម្នាក់ ខ្លាចក្នុងការសន្យា ខ្លាចការខកចិត្ត ដោយសារសេចក្តីស្រឡាញ់ រហូតឈានទៅរកទំនាក់ទំនងដែលមិនល្អ។ ដល់ពេលមានបញ្ហាទើបដឹងថាខកខ្លួនខកចិត្តនិយាយលែងចេញ។

៥ រើសដើម្បីបញ្ចប់រឿងឬចង់ឈ្នះនរណាម្នាក់

ស្នេហាលើលោកនេះពិបាកយល់ណាស់! អ្នកខ្លះឃើញស្រលាញ់គ្នាបែបនេះ បែបនោះ ឬទំរាំបានជួបគ្នាសុទ្ធតែមានហេតុផលផ្សេងៗគ្នា។ ស្នេហាមិនមែនរើសដើម្បីបញ្ចប់រឿងឬចង់ឈ្នះនរណាម្នាក់ឡើយ! កុំរអ៊ូ កុំបន្ទោសខ្លួនមកពីអ៉ីចេះមកពីអ៉ីចុះ បានទៅចឹង។ ត្រូវមើលលើហេតុផលដើមរឿង ដែលធ្វើឲ្យស្នេហាយើងមិនសមប្រកបដូចគេ។

៦ ស្រលាញ់ព្រោះតែចំណង់តណ្ហា

ស្នេហានិងការរួមភេទ គឺខុសគ្នា។ នៅសម័យចាស់ៗជំនាន់ឪពុកម្ដាយយើង ស្នេហាបាននាំមកនូវបំណងប្រាថ្នារបស់បុរសស្ត្រី និងការកសាងគ្រួសារល្អ។ ប៉ុន្តែបច្ចុប្បន្ននេះ បំណងប្រាថ្នារបស់បុរសនិងស្ត្រីអាចកើតឡើងតែមួយយប់គឺចប់។

នេះក៏ដោយសារចំណង់មានរៀងៗខ្លួន លែងស្គាល់ល្អអាក្រក់ ហើយក៏ចាប់ផ្ដើមជាមួយគ្នាដោយការដោះដូរផលប្រយោជន៍រៀងខ្លួនប៉ុណ្ណោះ៕

ប្រែសម្រួល៖ សាង ស្រីល័ក្ខ

ប្រភព ៖sanook

ចុចអាន៖កុំរឹតត្បិតសេរីភាពមនុស្សដែលយើងស្រឡាញ់ពេក ចុងក្រោយប្រយ័ត្នទឹកភ្នែក

ចុចអាន៖ដោយសារមូលហេតុ ៥ នេះសោះ ទើបនារីវ័យជ្រេមួយចំនួនមិនទាន់សម្រេចចិត្តរៀបការ