KPT+

៥ វិធី ដោះស្រាយបញ្ហានៃវិបត្តិកូវីដគ្រប់ប្រភេទ ដែលមនុស្សគ្រប់គ្នាកំពុងភ័យខ្លាច បានយ៉ាងប្រសើរ

បានផុស

៤ years មុន

នៅ

ថ្ងៃចន្ទ ១២ កក្កដា ២០២១

ដោយ

អង្គការសុខភាពពិភពលោក (WHO) បានរាយការណ៍នៅដើមឆ្នាំ ២០២០ ថា មុនពេលមានវិបត្តិកូវីដ ប្រជាជនប្រមាណ ២៦៤ លាននាក់ រស់នៅក្នុងស្ថានភាពតានតឹង និងធ្លាក់ទឹកចិត្តទូទាំងពិភពលោក។ ស្របពេលកូវីដកំពុងរាតត្បាត អ្នកជំងឺទាំងនេះ អាចនឹងមានបញ្ហាឡើងវិញ។

នេះជាវិធីដោះស្រាយជាមួយស្ថានភាពពិបាក ដែលបានណែនាំដោយពេទ្យផ្នែកចិត្តសាស្ត្រ។

១ រក្សាបច្ចុប្បន្នភាព

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយព័ត៌មានដែលចាំបាច់ វាជាអ្វីដែលមនុស្សគ្រប់គ្នាឲ្យតម្លៃ ហើយពេលខ្លះអាចមានច្រើនពេក បណ្ដាលឲ្យមានការវាយប្រហារភ័យស្លន់ស្លោ ឬថប់បារម្ភជាដើម។ ដូច្នេះដើម្បីទប់ទល់នឹងស្ថានការណ៍នេះ តាមដែលអាចធ្វើបានយកល្អគួរតែតាមដានព័ត៌មានតាមភាពចាំបាច់ និងជ្រើសរើសធ្វើតាមតែប្រភពដែលអាចទុកចិត្តបាន ដូចជាក្រសួងសុខាភិបាល ឬការប្រកាសរបស់រដ្ឋាភិបាល ដែលនឹងកាត់បន្ថយលទ្ធភាពនៃព័ត៌មានក្លែងក្លាយ។

២ អនុវត្តតាមការណែនាំយ៉ាងតឹងរឹង

អនុវត្តតាមអនុសាសន៍របស់ក្រសួងសុខាភិបាល ដូចជាគំលាតសង្គម កុំទៅបន្ទប់បិទជិត មានម៉ាស៊ីនត្រជាក់ កុំទៅកន្លែងមនុស្សច្រើនប្រមូលផ្ដុំគ្នា។ ឧស្សាហ៍ហូបទឹកក្តៅ ឬវីតាមីន C បំប៉នរាងកាយ និងលាងដៃឲ្យបានញឹកញាប់ ពាក់ម៉ាសពេលចេញក្រៅ ហើយត្រូវជៀសវាងការប៉ះពាល់។ ទាំងនេះកាត់បន្ថយលទ្ធភាពនៃការឆ្លងមេរោគ និងជួយដោះស្រាយស្ថានភាពឲ្យបានល្អប្រសើរ។

៣ តាមដានរោគសញ្ញារាងកាយនិងផ្លូវចិត្តជាទៀងទាត់

តាមដានរោគសញ្ញារាងកាយនិងផ្លូវចិត្ត ដូចជាការធ្លាក់ទឹកចិត្ត ឬជំងឺគេងមិនលក់ជាដើម។ ការផឹកស្រាច្រើនក៏ដូចជាឥរិយាបថដែលអាចជះឥទ្ធិពលអវិជ្ជមានដល់សុខភាពផ្លូវចិត្ត និងរាងកាយត្រូវតែកាត់បន្ថយ។ វាចាំបាច់ក្នុងការសង្កេតដោយយកចិត្តទុកដាក់ ព្រោះរោគសញ្ញាទាំងនេះ អាចត្រូវបានព្យាបាលយ៉ាងងាយស្រួល ក្នុងស្ថានភាពនេះ ហើយប្រសិនបើអាកប្បកិរិយាទាំងនេះប៉ះពាល់ដល់មុខងារឬទំនាក់ទំនងការងាររបស់ពួកគេ សូមស្វែងរកការយកចិត្តទុកដាក់ខាងវេជ្ជសាស្ត្រភ្លាមៗ។

៤ ព្យាយាមរស់នៅដូចធម្មតាតាមដែលអាចធ្វើទៅបាន

ជាការពិតក្នុងពេលកូវីដកំពុងរាតត្បាត មនុស្សគ្រប់គ្នាពិបាកក្នុងការព្យាយាមរស់នៅធម្មតាក្នុងស្ថានភាពបែបនេះណាស់។ ប៉ុន្តែប្រសិនបើអ្នកព្យាយាមរស់នៅឲ្យបានធម្មតាតាមដែលអាចធ្វើទៅបាន វានឹងមានឥទ្ធិពលវិជ្ជមានលើខ្លួនយើង។ សម្រាប់មនុស្សមួយចំនួន ដែលអាចមានផលប៉ះពាល់ពីការងារដូចជាត្រូវបញ្ឈប់ ឬត្រូវកាត់បន្ថយ ពួកគេត្រូវបន្តថែរក្សាស្ថានភាពផ្លូវចិត្តឲ្យបានល្អ។ កុំផ្តោតលើអ្វីដែលអាក្រក់ ប៉ុន្តែងាកទៅរកខ្លួនឯង ហើយបន្តដំណើរទៅមុខទៀត។

៥ កុំបណ្ដោយឲ្យភាពតានតឹងហួសហេតុពេកឬឃុំគ្រងយើងបាន

ភាពតានតឹងផ្លូវអារម្មណ៏ ក៏អាចធ្វើឲ្យស្ថានភាពកាន់តែធ្ងន់ធ្ងរ។ ជាពិសេសនៅពេលមានភាពតានតឹងកាន់តែខ្លាំង ឬនៅយូរអង្វែង នោះអាចរួមចំណែកដល់ការធ្លាក់ទឹកចិត្តកាន់តែធ្ងន់ធ្ងរលើសមុន។ ការអស់សង្ឃឹមឬគ្មានទំនាក់ទំនងសង្គមនាំឲ្យមានការវិនិច្ឆ័យនៃជំងឺខុស សម្រាប់ជីវិតបានយ៉ាងងាយស្រួល។

ការដោះស្រាយបញ្ហាកូវីដ គឺជាបញ្ហាប្រឈមសម្រាប់មនុស្សជាច្រើន ជាពិសេសអ្នកដែលមានភាពតានតឹង។ ប៉ុន្តែកុំភ្លេចថាអ្នកដែលអាចគ្រប់គ្រងស្ថានការណ៍បានល្អ ក្នុងពេលមានស្ថានភាពបែបនេះ គឺមិនសូវមានឥទ្ធិពលអាក្រក់លើរាងកាយ ដូចអ្នកដែលមិនបានយកចិត្តទុកដាក់ដោះស្រាយវាទេ៕

ប្រែសម្រួល៖ សាង ស្រីល័ក្ខ

ចុចអាន៖ខណៈគ្រប់គ្នាស្នាក់នៅផ្ទះ ក្រុមមនុស្សទាំងនេះកំពុងធ្វើការងារប្រឈមហានិភ័យខ្លាំងជាមួយកូវីដ

ចុចអាន៖កុំគិតថាមិនអី! សញ្ញាគ្រោះថ្នាក់នៃជំងឺធ្លាក់ទឹកចិត្តពីការងារ និងវិធីដោះស្រាយទាន់ពេលវេលា