KPT+
សង្កេតឃើញសញ្ញា ៤ នេះបញ្ជាក់ថា អ្នកកំពុងមានស្នេហាងប់ងល់ខុសរបៀប
ខាងក្រោមនេះជាសញ្ញាបញ្ជាក់ថាអ្នកស្រឡាញ់គេជ្រុលពេកហើយ និងគួរតែដកឃ្លាមួយជំហានមកវិញ ដើម្បីពិចារណាម្ដងទៀត!
១. ផ្ដោតលើគេជាងខ្លួនឯង
![14 Bae suzy ideas | bae suzy, suzy, bae](https://i.pinimg.com/originals/2b/3e/12/2b3e1230f3ce930b5e5b0e4adec8cafe.jpg)
ផ្តោតលើគេខ្លាំងពេក មិនថានៅជាមួយបងប្អូន ឬមិត្តភក្តិ គិតតែពីរំលឹករឿងផ្សេងៗរបស់គេ ចូលគ្រប់ប្រធានបទសន្ទនា។ និយាយពីគ្នាខ្លះ មិនជាបញ្ហានោះទេ ប៉ុន្តែបើនិយាយពីមនុស្សដែលខ្លួនស្រឡាញ់គ្រប់ពេល គ្រប់ទីកន្លែង បូករួមទាំងការលើកសរសើរមិនសមហេតុផលផងនោះ អ្នកប្រហែលជាបុគ្គលងប់ងល់ស្នេហាជ្រុលពេកហើយ។
២. នៅមិនសុខពេលអវត្តមានគេ
![Pin oleh Bae Suzy Skuukzky di Bae Suzy | Foto perkawinan, Selebritas, Aktor](https://i.pinimg.com/originals/2e/59/9b/2e599bc7beaab588db9a2552f2438624.jpg)
អារម្មណ៍ស្មុគពេលគ្មានគេ អាចជារឿងធម្មតាដែលមនុស្សនឹកគ្នាតែងតែមានគ្រប់គ្នា។ ប៉ុន្តែក្នុងខ្លួនរសាប់រសល់មិនស្រណុក មិនអាចរស់មួយថ្ងៃបាន បើមិនជួបមុខគេ ទាំងនេះច្បាស់់ណាស់ថាអ្នកមិនបានគិតពីខ្លួនឯងខ្លាំងជាងអ្នកដទៃដូចមុនទៀតទេ ពោលគឺគ្រប់ដង្ហើមចេញចូលគិតដល់តែគេប៉ុណ្ណោះ។
៣. ប្រចណ្ឌគេហួសហេតុ
![](https://www.kampucheathmey.com/wp-content/uploads/2021/07/8a16fb7d1fb66ed58ae8faceebd95bf-844x1024.jpg)
ប្រចណ្ឌខ្លាំងហួសហេតុ ពេលឃើញគេនិយាយជាមួយសង្សាចាស់ ឬមិត្តរួមការងារ និងពេលខ្លះសូម្បីបងប្អូនគេ ក៏មុខក្រញូវមិនឱ្យគេជជែកជាមួយដែរ។ ការប្រចណ្ឌច្រណែនខុសរឿង ទាំងជាមួយមិត្តភក្តិស្រីៗ ឬអ្នកឯទៀត វាមិនមែនជារឿងធម្មតានោះទេ។ បើមានចរិតនេះ អ្នកមិនត្រឹមតែចាត់ទុកជាមនុស្សងងឹតងងុលប៉ុណ្ណោះទេ ថែមទាំងជាជំពូកមនុស្សចិត្តចង្អៀត ពិបាកឱ្យដៃគូរួមរស់ជាមួយ។
៤. ប្រើពេលតិចដើម្បីស្គាល់គ្នា
![](https://www.kampucheathmey.com/wp-content/uploads/2021/07/8d83d5ac3101e86c26ca1e68b2c28c4-728x1024.jpg)
ទើបតែចាប់ផ្តើមស្រឡាញ់គ្នាមិនបានប៉ុន្មានអាទិត្យស្រួលបួល ចាប់ផ្តើមព្រមព្រៀងធ្វើសង្សារ និងមិនទាន់បានប៉ុន្មានខែផង ក៏រៀបចំផែនការជីវិតចង់រៀបការ នោះជាសញ្ញាថាអ្នកមានស្នេហាភ្លើងចំបើង និងស្រឡាញ់ខុសរបៀប។ ប្រាកដណាស់ នរណាក៏ចង់រៀបការជាមួយមនុស្សដែលខ្លួនកំពុងស្រឡាញ់ និងរស់នៅជាមួយគ្នាក្នុងថ្ងៃអនាគតដែរ តែជីវិតពិតវាមានច្រើនជាងនេះ។ ការប្រញាប់ប្រញាល់ភ្ជាប់ទំនាក់ទំនងទាំងមិនទាន់ស្គាល់ចិត្តថ្លើមគ្នាច្បាស់ នឹងនាំឱ្យជីវិតគូខ្វះសុភមង្គលក្រោយអាពាហ៍ពិពាហ៍៕
ប្រែសម្រួល៖ សន្យា
ប្រភព៖ Bright Side
ចុចអាន៖ មូលហេតុដែលស្នេហាសម័យនេះ ងាយបរាជ័យឈានទៅដល់ការលែងលះគ្នា
ចុចអាន៖ ទម្លាប់អាក្រក់ ៤ ចំណុចរបស់ភរិយា មិនគួរឱ្យស្វាមីដឹងជារៀងរហូត
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានអន្ដរជាតិ៥ ថ្ងៃ ago
១១ខែ វៀតណាម រញ្ជួយដី ៤៥៨លើក
-
ចរាចរណ៍៥ ថ្ងៃ ago
អ្នកជិះម៉ូតូ កង់ ឆ្លង់កាត់ចន្លោះសួនច្បារពុះចែកទ្រូងផ្លូវជាតិលេខ៣បង្កគ្រោះថ្នាក់ញឹកញាប់ដល់អ្នកដទៃ
-
ព័ត៌មានជាតិ៥ ថ្ងៃ ago
សត្វព្រៃជិតផុតពូជបំផុតជាច្រើនប្រភេទ បង្ហាញវត្តមាននៅតំបន់ប្រើប្រាស់ច្រើនយ៉ាងសំឡូត
-
សុខភាព៣ ថ្ងៃ ago
ផ្លែឈើ៤មុខ គ្រោះថ្នាក់ខ្លាំងសម្រាប់អ្នកជំងឺខ្សោយតម្រងនោមធ្ងន់ធ្ងរ
-
ព័ត៌មានអន្ដរជាតិ៤ ថ្ងៃ ago
គ្រូទាយល្បីឈ្មោះ២រូប សុទ្ធតែទាយរឿងដែលគ្មាននរណាចង់ឲ្យកើត នៅឆ្នាំក្រោយ
-
បច្ចេកវិទ្យា១ សប្តាហ៍ ago
ផ្ទុះការភ្ញាក់ផ្អើលខ្លាំងចំពោះវត្តមាន ហុងដា SCOOPY ស៊េរីថ្មី របស់ក្រុមហ៊ុនអិនស៊ីអិច ទើបតែចេញក្តៅៗ
-
ជីវិតកម្សាន្ដ៧ ថ្ងៃ ago
អ្នកនាង ខាត់ សុឃីម សោកស្តាយចំពោះមរណភាពតារាចម្រៀងប្រុសម្នាក់ គាំងបេះដូងស្លាប់ទាំងវ័យក្មេង
-
សន្តិសុខសង្គម១ សប្តាហ៍ ago
Update៖ អ្នកកាសែតដែលត្រូវខ្មាន់កាំភ្លើងបាញ់ប្រហារនៅស្រុកជីក្រែង បានបាត់បង់ជីវិតហើយ ក្រោយបញ្ជូនដល់មន្ទីរពេទ្យជាង១ថ្ងៃ