KPT+
បៃតង ជាពណ៌នៃភាពសុខដុម និងភាពសម្បូរបែប
ពណ៌បៃតង ជាពណ៌តំណាងឲ្យភពផែនដីនិងបរិស្ថានស្រស់បំព្រង។ ក្រៅពីនោះ ពណ៌បៃតងតំណាងជីវិតមនុស្ស និងអត្តចរិតមួយចំនួនរបស់ពួកគេថែមទៀត។ វាជាពណ៌នៃការលូតលាស់ ភាពរឹងមាំ ភាពជឿជាក់ តុល្យភាព និងភាពស្ងប់ស្ងាត់។ អ្នកស្រឡាញ់ពណ៌បៃតង ជាអ្នកស្រឡាញ់ធម្មជាតិ និងស្រឡាញ់គ្រួសារផងដែរ។ គេជាមនុស្សមានការអាណិតអាសូរ សប្បុរស ស្មោះត្រង់ សីលធម៌ខ្ពស់ ចេះសម្របខ្លួន ពូកែលើកទឹកចិត្តនិងជាមនុស្សដែលច្រើនតែវោហារបាន។
ទន្ទឹមនឹងភាពវិជ្ជមាន ពណ៌បៃតងក៏តំណាងឲ្យភាពអវិជ្ជមានមួយចំនួនដូចជា សម្ភារនិយម ភាពព្រងើយកន្តើយ ច្រណែន អាត្មានិយម លោភលន់ និងឆាប់ឈ្លក់វង្វេង។
ទោះយ៉ាងណា ពណ៌បៃតងមានអត្ថន័យផ្សេងគ្នាតាមបម្រែបម្រួលរបស់វាផងដែរ ដែលភាពប្រែប្រួលនោះរួមមាន៖
ពណ៌បៃតង (Grass green)៖ ពណ៌នេះ ជាពណ៌តំណាងឲ្យលុយកាក់។ ចំពោះមនុស្សវាបង្ហាញពីទំនុកចិត្តលើខ្លួនឯង ការស្រឡាញ់ធម្មជាតិ និងពោរពេញដោយសុខភាពល្អ។
ពណ៌បៃតងស្លេក (Pale green)៖ ជាពណ៌នៃការលូតលាស់ថ្មីរបស់រុក្ខជាតិ។ វាបង្ហាញពីភាពក្មេងខ្ចីរបស់យុវវ័យដែលគ្មានបទពិសោធន៍ និងជាពណ៌តំណាងឲ្យទស្សនៈថ្មីដើម្បីចាប់ផ្ដើមអ្វីថ្មីៗ។
ពណ៌បៃតងស្លាបកំភេន (Emerald green)៖ ជាពណ៌នៃការបំផុសគំនិតនិងការលើកស្ទួយកិត្តិយស។ វាបង្ហាញពីភាពរុងរឿងនៃជីវិត។
ពណ៍បៃតងក្រម៉ៅ (Jade green)៖ ជាពណ៌នៃការជឿទុកចិត្ត ការរក្សាការសម្ងាត់ យុទ្ធសាស្ត្រ និងការទូត។ ពណ៌បៃតងនេះបង្ហាញពីទឹកចិត្តសប្បុរសដែលផ្ដល់ឲ្យដោយមិនរំពឹងអ្វីត្រឡប់មកវិញ។ វាក៏ជាពណ៌នៃប្រាជ្ញា ការយល់ដឹង និងភាពស្ងប់នៃផ្លូវធម៌។
ពណ៌បៃតងកំបោរ (Lime green)៖ ជាពណ៌នៃអ្នកចំណូលតន្រ្តី និងពេញនិយមបំផុតពីក្រុមមនុស្សវ័យក្មេង។ វាជាពណ៌ដែលបង្កើតអារម្មណ៍ប្រុងប្រយ័ត្ន និងការលុបបំបាត់គំនិតអវិជ្ជមាន។
ពណ៌បៃតងចាស់ (Dark green)៖ ជារឿយៗវាត្រូវបានប្រើដោយអ្នកជំនួញដែលមានទ្រព្យសម្បត្ដិ និងតំណាងមនុស្សមានមហិច្ឆតាធំ។ បន្ថែមពីលើនេះ ពណ៌បៃតងចាស់បង្ហាញពីភាពលោភលន់ និងភាពអាត្មានិយមផងដែរ។
ស៊ីលៀប (Aqua)៖ ជាពណ៌តំណាងឲ្យស្មារតីស្ងប់សុខ ការការពារ និងការព្យាបាលផ្លូវអារម្មណ៍។
ពណ៌ស្លឹកអូលីវ (Olive green)៖ ចំពោះមនុស្សដែលនិយមពណ៌នេះ បង្ហាញថា គេចូលចិត្តនឹងការបោកបញ្ឆោតអ្នកដទៃ ការផិតក្បត់ និងការបន្ទោសអ្នកដទៃចំពោះបញ្ហារបស់ខ្លួន។
ពណ៌ត្រួយចេក (Yellow green)៖ ពណ៌នេះបង្ហាញពីមនុស្សដែលមានភាពកំសាក ចូលចិត្តបង្កជម្លោះ និងភ័យខ្លាចច្រើន៕
ប្រែសម្រួល៖ សន្យា
ប្រភព៖ Empowered
ចុចអាន៖ពណ៌លឿង តំណាងឲ្យខួរក្បាលវៀងវៃនិងគំនិតសុទិដ្ឋិនិយម
ចុចអាន៖បកស្រាយអត្ថន័យពណ៌ផ្កាឈូក
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៤ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ