KPT+

មូលហេតុដែលបណ្ដាលឲ្យភ្នែកស្ងួត និងវិធីកាត់បន្ថយ

បានផុស

៤ years មុន

នៅ

ថ្ងៃចន្ទ ២៦ កក្កដា ២០២១

ដោយ

បញ្ហាសុខភាពភ្នែក ជាទូទៅមនុស្សជាច្រើនតែងមើលរំលង ឬមិនអើពើគិតថាធម្មតា យូរៗទៅ វាអាចបណ្ដាលឲ្យមានជំងឺភ្នែកស្ងួត ដោយសារយើងតែងប្រើប្រាស់ភ្នែកច្រើន ជាមួយឧបករណ៍ឌីជីថល ក៏ដូចជាបញ្ហាអាយុជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តើរោគសញ្ញាអ្វីខ្លះតែងកើតមានទៅជាជំងឺភ្នែកស្ងួត

សាស្ត្រាចារ្យ Gwalin Nomanon នៃផ្នែករោគភ្នែកនៃមហាវិទ្យាល័យវេជ្ជសាស្ត្ររបស់មន្ទីរពេទ្យ Ramathibodi នៃសាកលវិទ្យាល័យ Mahidol បាននិយាយថា កត្តាហានិភ័យនៃភ្នែកស្ងួត គឺបណ្ដាលមកពីអាយុកាន់តែកើនឡើង។ ជាពិសេសគឺមនុស្សស្រី ងាយនឹងភ្នែកស្ងួតជាងបុរស ដោយសារតែ មនុស្សស្រីច្រើនប្រើក្រសែភ្នែកដើម្បីសម្លឹងមើលឧបករណ៍ឌីជីថល ក្នុងរយៈពេលយូរ ដូចជា កុំព្យូទ័រ ទូរស័ព្ទ និងពាក់ឡែនភ្នែកជាប្រចាំអស់រយៈពេលយូរក្នុងមួយថ្ងៃៗជាដើម។

ជាពិសេសគឺ ផលប៉ះពាល់ពីជំងឺ និងថ្នាំដែលត្រូវបានគេយកទៅព្យាបាលជំងឺមូលដ្ឋាន ដូចជា អាឡ័កស៊ី ការធ្លាក់ទឹកចិត្ត ជំងឺទឹកនោមផ្អែម ឬជំងឺលើសឈាមជាមួយនឹងថ្នាំបញ្ចុះទឹកនោម សុទ្ធតែជារោគសញ្ញាស្ងួតភ្នែក ។

វិធីការពារជំងឺភ្នែកស្ងួត

ជៀសវាងការប្រើប្រាស់ឧបករណ៍ឌីជីថល ក្នុងរយៈពេលយូរ។ ប្រសិនបើមើលឧបករណ៍ឌីជីថលរយៈពេលយូរ សូមបិទភ្នែករៀងរាល់ ២០ នាទីម្ដង ឬសម្លឹងមើលវត្ថុដែលមានចម្ងាយយ៉ាងតិច ៦ ម៉ែត្រ។

ជៀសវាងការប៉ះទង្គិចជាប់នឹងភ្នែក ឬប្រឈមនឹងខ្យល់បក់ខ្លាំង ដូចជាដេកដោយប្រើកង្ហារឬម៉ាស៊ីនត្រជាក់ប៉ះត្រូវភ្នែកផ្ទាល់ ។

ជៀសវាងការធ្វើដំណើរឬទៅកន្លែងមានខ្យល់ខ្លាំង ក្នុងរយៈពេលយូរ ឬការបំពុលពីបរិយាកាសខ្ពស់។

ជៀសវាងការប្រើថ្នាំដែលមិនចាំបាច់។

ហាមព្រិចភ្នែកញឹកញាប់ពេក។

វ៉ែនតាមិនគួរពាក់លើសពី ៨ ម៉ោងក្នុងមួយថ្ងៃឡើយ។

ផឹកទឹកស្អាតឲ្យគ្រប់គ្រាន់ ពី ៦ ទៅ ៨ កែវក្នុងមួយថ្ងៃ និងគេងឲ្យបានគ្រប់គ្រាន់ ៕

ប្រែសម្រួល៖ សាង ស្រីល័ក្ខ

ចុចអាន៖ជំងឺភ្នែកស្ងួតកើតយ៉ាងដូចម្តេច

ចុចអាន៖មិនចង់ក្លាយជាអ្នកចែកចាយកូវីដ ទៅកាន់អ្នកដទៃ ម៉ាស់ពាក់រួចមិនមែនចេះតែបោះចោលតាមចិត្តចង់ទេ