KPT+

តើអ្នកគួរសន្សំប្រាក់ ឬវិនិយោគលើប្រាក់របស់អ្នក?

បានផុស

៤ years មុន

នៅ

ថ្ងៃអង្គារ ២៤ វិច្ឆិកា ២០២០

ដោយ

សាង ស្រីល័ក្ខ

ខាងក្រោមនេះ គឺការណែនាំ ដែលអាចជួយអ្នកឲ្យរកវិធី ដើម្បីកសាងការសន្សំសំចៃ និងវិធីល្អបំផុតក្នុងការវិនិយោគលើប្រាក់។

១. បង្កើតមូលនិធិបន្ទាន់ណាមួយ

មូលនិធិបន្ទាន់មានន័យថា ប្រសិនបើមានហានិភ័យអ្វីដែលយើងស្មានមិនដល់ មូលនិធិនេះ អាចជួយបាន។ ជាទូទៅគឺត្រូវចំណាយប្រាក់ក្នុងការរស់នៅរយៈពេលបីខែ នៅក្នុងគណនីសន្សំ ដែលអាចចូលបានភ្លាមៗ។ នេះគួររាប់បញ្ចូលទាំងថ្លៃឈ្នួលផ្ទះ អាហារ ថ្លៃសាលា និងការចំណាយសំខាន់ៗផ្សេងទៀត។

២. រក្សាការសន្សំ

បើអ្នកមានមូលនិធិបន្ទាន់ វាជាការប្រសើរណាស់ ដែលអាចសន្សំបានយ៉ាងហោចណាស់ ១០% នៃប្រាក់ចំណូលរបស់អ្នក ក្នុងមួយខែ ឬច្រើនតាមដែលអាចធ្វើបាន។

កំណត់គោលដៅសន្សំ ហើយទុកឲ្យល្មមដើម្បីទិញអ្វីដែលអ្នកចង់បាន។ វាអាចជាប្រាក់កក់ផ្ទះ ពិធីមង្គលការ ឬដំណើរកម្សាន្ត។

៣. ដឹងថាពេលណាមិនគួរសន្សំ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពេលវេលាតែមួយគត់ដែលអ្នកមិនគួរសន្សំ ឬវិនិយោគ គឺប្រសិនបើមានរបស់សំខាន់ៗ ដែលអ្នកត្រូវធ្វើជាមួយលុយរបស់អ្នក។ ឧទាហរណ៍ បើអ្នកកំពុងតែជាប់បំណុលជាមួយគេ កុំទាន់អាលសន្សំឲ្យសោះ។

៤. តើអ្នកត្រៀមខ្លួនដើម្បីវិនិយោគហើយឬនៅ?

វាអាស្រ័យលើគោលដៅរបស់អ្នក ជាពិសេសប្រសិនបើរយៈពេលវែង ខ្លី ឬរយៈពេលមធ្យម។ ទោះយ៉ាងណា មុនពេលអ្នកចង់វិនិយោគលើប្រាក់ អ្នកក៏ត្រូវស្វែងយល់ពីគោលដៅនៃ រយៈពេលនីមួយៗរបស់វាផងដែរ។

– គោលដៅរយៈពេលខ្លី គឺជាអ្វីដែលអ្នកគ្រោងនឹងធ្វើក្នុងរយៈពេល ៥ ឆ្នាំខាងមុខ។ ច្បាប់ទូទៅគឺត្រូវសន្សំទៅក្នុងប្រាក់បញ្ញើ ដូចជាគណនីធនាគារ។

ទីផ្សារភាគហ៊ុនអាចនឹងកើនឡើង ឬធ្លាក់ចុះ ក្នុងរយៈពេលខ្លី បើអ្នកវិនិយោគតិចជាង ៥ ឆ្នាំ អ្នកនឹងខាតបង់។

– គោលដៅរយៈពេលមធ្យម គឺជារឿងដែលអ្នកគ្រោងនឹងធ្វើក្នុងរយៈពេល ៥ ទៅ១០ ឆ្នាំខាងមុខ។ ដូចជាបញ្ញើសាច់ប្រាក់ ពេលខ្លះអាចជាចម្លើយដ៏ល្អបំផុត ប៉ុន្តែវាអាស្រ័យលើហានិភ័យដែលអ្នកសុខចិត្តចំណាយប្រាក់របស់អ្នក ដើម្បីទទួលបានផលចំណេញមកវិញ ពីការវិនិយោគ។

– គោលដៅរយៈពេលវែង ជាគោលដៅដែលអ្នកមិនត្រូវការប្រាក់ សម្រាប់ ១០ ឆ្នាំ ឬច្រើនជាងនេះឡើយ។

ដូចគ្នានេះដែរ ទីផ្សារភាគហ៊ុនមាននិន្នាការ ធ្វើបានល្អជាងសាច់ប្រាក់ ក្នុងរយៈពេលវែង ដែលផ្ដល់ឱកាសសម្រាប់ប្រាក់ចំណេញកាន់តែច្រើន លើប្រាក់ដែលបានវិនិយោគក្នុងរយៈពេលណាមួយ។

អ្នកអាចបន្ថយកម្រិតហានិភ័យ ដែលអ្នកមាន នៅពេលអ្នកវិនិយោគ ដោយការផ្សព្វផ្សាយប្រាក់របស់អ្នក ឆ្លងកាត់ប្រភេទនៃការវិនិយោគផ្សេងៗគ្នា៕

ប្រែសម្រួល ៖ សាង ស្រីល័ក្ខ

ចុចអាន៖បើបានទៅលេងនៅប្រទេសកូរ៉េខាងត្បូង រឿង ១០ យ៉ាងនេះហាមធ្វើដាច់ខាត

ចុចអាន៖ជីវិតកម្សត់មុនជោគជ័យនៃកំពូលតារាទូរទស្សន៍ ELLEN DEGENERE

Related Topics:ការសន្សំប្រាក់