KPT+

មកដឹង អ្វីគួរ និងមិនគួរធ្វើ មុន-ក្រោយពេលកូនចាក់វ៉ាក់សាំងកូវីដ

បានផុស

៤ years មុន

នៅ

ថ្ងៃសៅរ៍ ៣១ កក្កដា ២០២១

ដោយ

ថ្ងៃទី០១ សីហា ២០២១ នេះ យុទ្ធនាការចាក់វ៉ាក់សាំងកូវីដ-១៩ ដល់កុមារ និងយុវវ័យ ដែលមានអាយុចាប់អាយុ ១២ឆ្នាំ ដល់អាយុក្រោម ១៨ឆ្នាំ នឹងចាប់ផ្ដើមធ្វើឡើងនៅរាជធានីភ្នំពេញ។ ដូចនេះម៉ាក់ប៉ាគួរស្វែងយល់ពីអាការៈ និងរបៀបថែទាំកូនៗក្រោយចាក់វ៉ាក់សាំងកូវីដ-១៩ ដើម្បីដឹងពីអ្វីយើងគួររំពឹងទុក និងអ្វីយើងគួរធ្វើបើអាអូនមានផលរំខាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មជ្ឈមណ្ឌលទប់ស្កាត់ និងប្រឆាំងជំងឺឆ្លងអាមេរិក (CDC) បានឲ្យដឹងថា ការដែលផ្ដល់វ៉ាក់សាំងកូវីដ-១៩ដល់កុមារ និងក្មេងៗវ័យជំទង់ គឺជាមួយជំហានទៀត ការពារសុខភាពក្មេងៗពីការឆ្លង និងកម្ចាត់វីរុសកូវីដ-១៩ឲ្យបានលឿន។ មុនចាក់វ៉ាក់សាំងកូវីដ-១៩ ម៉ាក់ប៉ាគួរតែត្រៀមកូនឲ្យរៀបចំខ្លួន និងអារម្មណ៍ជាមុនដោយ៖

១. និយាយប្រាប់កូនពីអ្វីដែលនឹងត្រូវកើតឡើងពេលចាក់វ៉ាក់សាំង
២. ប្រាប់គ្រូពេទ្យពីបញ្ហាសុខភាព ឬអាឡ័កស៊ីដែលកូនមាន
៣. និយាយលេង បន្លប់អារម្មណ៍កូនកុំឲ្យមានភាពតានតឹង
៤. ឲ្យកូនអង្គុយឲ្យស្រួលបួល មុនពេលចាក់វ៉ាក់សាំង ដើម្បីការពារអាអូនសន្លប់ ឬរបួសអំឡុងពេលចាក់វ៉ាក់សាំង
៥. ជំរុញឲ្យកូនសង្កេតមើលសុខភាពខ្លួនឯងថាមានអ្វីប្លែក ឬមិនស្រួលខ្លួនត្រង់ណា ចៀសវាងអាអូនអាលែកហ្ស៊ី និងត្រូវការព្យាបាលភ្លាមៗ (ក្នុងអំឡុងពេល១៥-៣០នាទី បន្ទាប់ពីចាក់វ៉ាក់សាំងរួច)។

អាការ និងរបៀបថែទាំកូនៗក្រោយចាក់វ៉ាក់សាំងកូវីដ-១៩

ក្រោយចាក់វ៉ាក់សាំងរួច កូនយើងអាចបង្ហាញអាការៈជាផលរំខានខ្លះៗ ដែលជាសញ្ញាធម្មតាបញ្ជាក់ថា រាងកាយរបស់ពួកគេកំពុងបង្កើតអង់ទីករការពារដូចជា៖

លើដៃត្រង់កន្លែងចាក់៖ ឈឺចាប់ ឡើងក្រហម ហើម
លើរាងកាយ៖ ហត់ អស់កម្លាំង ឈឺក្បាល ឈឺសាច់ដុំ ព្រឺសម្បុរ ក្ដៅខ្លួន ឬចង្អោរ។

រាល់អាការៈក្រោយចាក់វ៉ាក់សាំងនេះ អាចបណ្ដាលឲ្យកូនយើងមិនអាចធ្វើសកម្មភាពប្រចាំថ្ងៃមួយចំនួន ប៉ុន្តែវានឹងបាត់ទៅវិញដោយឯកឯងប៉ុន្មានថ្ងៃក្រោយមក។ ប្រសិនបើកូនឈឺចុកចាប់ ឬក្ដៅខ្លួន យើងអាចពិគ្រោះជាមួយគ្រូពេទ្យថា យើងអាចផ្ដល់ថ្នាំបំបាត់ការឈឺចាប់ ឬថ្នាំបំបាត់ក្ដៅខ្លួនឲ្យកូនបានដែរឬទេ។

ក្នុងករណី កន្លែងចាក់វ៉ាក់សាំងកូនឡើងរឹង ឬដូចពងបែក យើងមិនត្រូវយកប្រេងកូឡា ស្អំទឹកកក ទឹកក្ដៅ ឬច្របាច់វាទេ ត្រូវប្រញាប់យកកូនទៅពេទ្យ។ អ្វីដែលសំខាន់មួយទៀតនោះ ម៉ាក់ប៉ាក៏មិនត្រូវផ្ដល់ថ្នាំបញ្ចុះកម្តៅខ្លួនឲ្យកូនមុនពេលចាក់វ៉ាក់សាំងដែរ យកល្អពេលកូនក្ដៅខ្លួនក្រោយចាក់វ៉ាក់សាំង ចាំផ្ដល់ថ្នាំឲ្យកូន៕

អត្ថបទផ្ដល់ដោយ៖Hello Krupet

ចុចអាន៖វ៉ាក់សាំងកូវីដមានសុវត្ថិភាពខ្លាំងចំពោះកុមារ និងជាផ្លូវត្រួសត្រាយទៅរកសភាពដូចដើមវិញ

ចុចអាន៖ខណៈក្មេងៗជិតទទួលវ៉ាក់សាំងកូវីដ ឪពុកម្ដាយត្រូវណែនាំកូនឲ្យអនុវត្តវិធានការទាំងនេះ

ចុចអាន៖វិធី ៥ យ៉ាង ជួយធ្វើឲ្យអ្នករស់នៅក្នុងវិបត្តិរាតត្បាតនេះ បានល្អប្រសើរជាងមុន

Related Topics:ក្មេងៗ