KPT+
តិចនិកលើកទឹកចិត្តខ្លួនឯង ធ្វើម៉េចឲ្យមានសុខភាពល្អ
សម័យកាន់តែទំនើប ការរស់នៅកាន់តែស្រួល របស់ហូបកាន់តែសម្បូរបែប ជីវិតមនុស្សក៏កាន់តែប្រឈមនឹងជំងឺច្រើនណាស់ដែរ។ បើចង់បញ្ចៀសបញ្ហាសុខភាពនានា យើងត្រូវចេះកំណត់គោលដៅឲ្យច្បាស់លាស់ បើមិនអ៊ីចឹងធានាមានអ្នកបោះបង់ ទាំងដែលបានចាប់ផ្ដើម ហើយចុងក្រោយ ចិញ្ចឹមជំងឺពេញមួយជីវិត។
១- កំណត់កត្តាលើកទឹកចិត្តខាងក្នុងខ្លួន
និយាយឲ្យស្រួលស្ដាប់ គឺធ្វើដើម្បីអ្វី? ហើយគោលដៅនោះ ត្រូវមានលក្ខណៈយូរអង្វែង មិនមែនមួយឆាវចម្អិនកំពឹសទេ។
ឧទាហរណ៍ ការចង់ស្រកគីឡ ដើម្បីមានសុខភាពល្អ មានកម្លាំងធ្វើការបានកាន់តែល្អ ជាដើមនោះ គឺសុទ្ធជាការលើកទឹកចិត្តខាងក្នុងខ្លួន បើធៀបការព្យាយាមចង់គីឡូ ដើម្បីគ្រាន់តែមានរាងស្អាតត្រៀមចូលរោងការតែប៉ុណ្ណឹងនោះទេ។
២- បង្កើតគោលដៅតាមរូបមន្ត SMART
SMART មកពីពាក្យ (Specific, Measurable, Achievable, Relevant and Time-related ) មានន័យថា ជាក់លាក់ អាចវាស់ស្ទង់ អាចសម្រេចបាន ភាពជាប់ទាក់ទង និងពេលវេលា ដែលត្រូវចាត់ទុក ជាតិចនិកកំណត់គោលដៅមានប្រសិទ្ធភាព។ ត្រូវប្រាកដថា គោលដៅយើងបានកំណត់ ត្រូវលេចរូបរាង និងត្រឹមត្រូវ ច្បាស់លាស់ អាចវាស់វែងជាមួយពេលវេលា និងត្រូវភ្ជាប់ទំនាក់ទំនងការជំរុញទឹកចិត្តពីខាងក្នុងខ្លួន។
រូបមន្ត SMART មានលក្ខណៈសាមញ្ញ អាចចាប់ផ្តើមពីការឡើងជណ្ដើរជើងនៅកន្លែងធ្វើការ ឲ្យបាន ៥ ថ្ងៃ/សប្តាហ៍ តាមដានភាពរីកចម្រើនក្នុងគោលដៅដាក់ចេញ ដែលជាកត្តាជំរុញឲ្យយើង អាចបន្តធ្វើអនុវត្ត។ ដោយសារជាធម្មតាយើងខ្លួនឯង ជាអ្នកបង្កើតទម្លាប់រស់នៅប្រចាំថ្ងៃ ហេតុនេះ បញ្ចូលគោលដៅសុខភាពទៅក្នុងទម្លាប់ប្រចាំថ្ងៃ (ឧ. ដើរ ១៥-៣០ នាទី/ថ្ងៃ ក្រោយចេញពីធ្វើការ) ជារឿងប្រសើរមួយ ហើយវានឹងក្លាយជាផ្នែកក្នុងជីវិត ជាជាងការយកពេលវេលាទៅធ្វើរឿងអត់ប្រយោជន៍។
ដើម្បីកំណត់គោលដៅត្រឹមត្រូវមួយ ត្រូវដឹងខ្លួនឯង ចង់ផ្លាស់ប្តូរអ្វី ដើម្បីឲ្យសុខភាពល្អ ចង់ចាប់ផ្តើមពីអ្វី ដើម្បីទទួលបានលើកទឹកចិត្តពីខាងក្នុង។ យើងគួរចាប់ផ្តើមជាមួយអ្វីយើងប្រាកដថា អាចធ្វើបាន។
៣- ជ្រើសរើសទម្លាប់ណាយើងចូលចិត្ត
ទោះមិនចូលចិត្តទម្លាប់សម្រាប់គោលដៅសុខភាពក្តី គួរប្តេជ្ញាចិត្តថែរក្សាទម្លាប់ឲ្យបាន ដោយជ្រើសរើសទម្លាប់ ឬសកម្មភាពសាមញ្ញណាមួយយើងចូលចិត្ត។ ទម្លាប់ហាត់ប្រាណ ជួយបង្កើនអ័រម៉ូន អង់ដូហ្វីន (Endorphins ) នាំឲ្យយើងមានអារម្មណ៍ និងគំនិតវិជ្ជមាន ដើម្បីបន្តអនុវត្តគោលដៅសុខភាពសម្រាប់ជីវិត។
កំណត់សកម្មភាពសប្បាយៗបញ្ចូលទៅក្នុងទម្លាប់សុខភាព ដូចជា ស្តាប់ចម្រៀង ពេលកំពុងដើរលើម៉ាស៊ីនហាត់ប្រាណ ឬហាត់ប្រាណតាមការណែនាំលើ YouTube ក៏ជារឿងល្អ។
៤- ត្រៀមប្រឈមមុខនឹងបរាជ័យ
យើងគ្រប់គ្នាសុទ្ធតែអាចបរាជ័យ ចំពោះការបេ្តជ្ញាបង្កើតទម្លាប់ណាមួយ។ ទោះលទ្ធផលទទួលបាន ទាបជាងអ្វីយើងរំពឹងទុក ក៏ត្រូវបន្ត មិនគួរបោះបង់ចោលទេ។
ការផ្លាស់ប្តូរទម្លាប់ ចាំបាច់ណាស់ ដើម្បីធានាឲ្យមានសុខភាពល្អយូរអង្វែង។ មិនត្រូវឲ្យលេសតិចតួច ធ្វើឲ្យយើងបកក្រោយវិញជាដាច់ខាត ដូចជា ជួបជុំមិត្តភ័ក្ដិ ឬហាត់ប្រាណមិនគ្រប់គ្រាន់ ព្រោះត្រូវត្រៀមខ្លួនសម្រាប់ពិធីអ្វីមួយ សុទ្ធតែអាចធ្វើឲ្យយើងបោះបង់គោលដៅ។ ហេតុនេះ ត្រូវដឹងខ្លួនឯងឲ្យច្បាស់ ហើយបន្តអនុវត្តគោលដៅនៅថ្ងៃបន្ទាប់។
៥- អបអរខ្លួនឯង
ត្រូវចេះសរសើរខ្លួនឯងទទួលស្គាល់ជោគជ័យ ទោះតិចតួចក្ដី។ ព្យាយាមផ្ដោតលើអ្វីយើងគិតថាជាចំណុចខ្វះខាត និងកែលម្អឡើងវិញ កាន់តែជួយឲ្យជំនឿចិត្តយើងមោះមុតខ្លាំងឡើង។
គោលដៅសុខភាពអាចសម្រាប់សុខភាពផ្លូវកាយ ដូចជា សម្រកទម្ងន់ បង្កើនកម្លាំង ល្បឿន ឬថាមពល ពេលខ្លះក៏អាចសម្រាប់សុខភាពផ្លូវចិត្ត ដូចជា គ្រប់គ្រងលើការឈឺចាប់ ភាពតានតឹង អារម្មណ៍ឆេវឆាវ ឬអាចជួយយើងចេះប្រើគំនិតវិជ្ជមាន ឈានទៅរកជោគជ័យថ្មីមួយ ប្រសើរជាងអង្គុយគិតថាខ្លួនឯងបរាជ័យ។
ទោះជាគោលដៅអ្វីក៏ដោយ ត្រូវប្រាកដថា យើងអាចជួយឲ្យខ្លួនឯងប្រសើរជាងមុនបន្តិចម្តងៗ។ លទ្ធផលទទួលបានតិចតួចក្ដី ក៏គួរចាត់ទុកជាជោគជ័យមួយដែរ។
ក្រោយទទួលបានជោគជ័យ រង្វាន់សម្រាប់ខ្លួនយើង អាចជាការថតរូប ឬរក្សាទុកកំណត់ហេតុ គំនិតវិជ្ជមាន ក៏ជាផ្នែកមួយជួយលើកទឹកចិត្តសម្រាប់គោលដៅផ្សេងៗទៀតនាពេលអនាគត៕
អត្ថបទផ្ដល់សិទ្ធិ៖ Hello គ្រូពេទ្យ
ចុចអាន៖ ការងារក៏ស្ដ្រេស ដេកក៏អត់លក់ សំពាធឈាមខ្ពស់ទៀត ប្រយ័ត្នឆាប់ស្លាប់
តុលាការដោះលែង បុគ្គល ពេជ ពិសិដ្ឋ ឱ្យមានសេរីភាពឡើងវិញ បន្ទាប់ពីទទួលស្គាល់កំហុសថាបានប្រមាថថ្នាក់ដឹកនាំរដ្ឋាភិបាល
មីនតោន ដែលអ្នកកាសែតដោះដឹកតាមម៉ូតូឱ្យប៉ូលិស ត្រូវបានស៊ីម៉ាក់ចុះទៅយក÷ មេស៊ីម៉ាក់ ប្រាប់ឱ្យរាយការណ៍ពីបញ្ហាគ្រាប់មិនទាន់ផ្ទុះជាជាងដោះដោយខ្លួនឯង
សម្តេចធិបតី ឱ្យអង្គការចាត់តាំងយុវជនគណបក្សប្រជាជនកម្ពុជានៅក្រៅប្រទេស ជួយស្រាយបញ្ហាដែលខ្មែរនៅក្រៅប្រទេសជួបប្រទះ
លើកទី១ក្នុងឆ្នាំថ្មី សម្ដេចធិបតី បំពេញទស្សនកិច្ចនៅហ្វីលីពីន ដើម្បីផ្ដល់សន្ទុះទំនាក់ទំនងប្រទេសទាំងពីរ
ក្រសួងការងារ ណែនាំកម្មវិធី App ស្វែងរកការងារនៅបរទេសដោយទំនុកចិត្តខ្ពស់ និងសុវត្ថិភាព
ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
នគរបាលបញ្ជាក់់ពីមូលហេតុនៃការឃាត់ខ្លួនអ្នកកាសែតមួយរូបក្រោយដោះមីនតោនដឹកតាមម៉ូតូយកទៅឲ្យសមត្ថកិច្ច
សមត្ថកិច្ចខេត្តសៀមរាប ឃុំខ្លួនបុរស់ម្នាក់ ពីបទឡាយលក់កាំភ្លើងតាមបណ្តាញសង្គម
អ្នកសិល្បៈនិងសាធារណជន សម្តែងក្តីបារម្ភ ក្រោយដឹងដំណឹង នាយ កុយ មានបញ្ហាសុខភាពត្រូវវះកាត់ជាបន្ទាន់
យន្តហោះមួយគ្រឿង ធ្លាក់លើផ្លូវ រួចបុកជាមួយរថយន្តក្រុង នៅ ប្រេស៊ីល
-
សន្តិសុខសង្គម១ ថ្ងៃ agoអ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
សន្តិសុខសង្គម៣ ថ្ងៃ agoBreaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ៣ ថ្ងៃ agoព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ១ សប្តាហ៍ agoការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
សន្តិសុខសង្គម១ សប្តាហ៍ agoUpdate! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ជីវិតកម្សាន្ដ១ ថ្ងៃ agoអតីតស្វាមី រងការចោទ កេងប្រវ័ញ្ចការស្លាប់ Barbie ខណៈមិត្តស្រីទម្លាយថា លោកនិងម្ដាយគឺជាជនបង្ក
-
ព័ត៌មានអន្ដរជាតិ១១ ម៉ោង agoធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ជីវិតកម្សាន្ដ១ សប្តាហ៍ agoបានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច