KPT+
មុនប្រើរំពាត់អប់រំកូន ឪពុកម្ដាយត្រូវដឹងចំណុចទាំងនេះសិន
ប៉ាម៉ាក់ពិតជាមិនសប្បាយចិត្ត ឬអាចខឹងកូនទៀតផងពេលកូនធ្វើអ្វីមួយមិនត្រូវចិត្ត ឬមិនធ្វើតាមការណែនាំរបស់ខ្លួន។ សម្រាប់ប៉ាម៉ាក់ខ្លះអាចទប់ចិត្ត និងកែសម្រួលស្ថានការដោយណែនាំកូនបែបអហិង្សា តែក៏មានប៉ាម៉ាក់ខ្លះអាចចង់ដាក់ទណ្ឌកម្មកូនដោយប្រើរំពាត់ក៏មាន។ យ៉ាងណា បើប៉ាម៉ាក់គិតថាចង់ប្រើរំពាត់ដាក់ទណ្ឌកម្មកូន ត្រូវដឹងរឿងទាំងនេះសិន។
១. តើពិតជាចាំបាច់ត្រូវប្រើរំពាត់?
មុនសម្រេចចិត្តប្រើរំពាត់អប់រំកូន តើប៉ាម៉ាក់បានប្រើអស់វិធីបែបអហិង្សាហើយឬនៅ? ប៉ាម៉ាក់បានអប់រំណែនាំកូនផ្ទាល់មាត់ ផ្ដល់ជាឧទាហរណ៍ និងប្រាប់ពីផលវិបាកផ្សេងៗ ដែលកូនគួរដឹងហើយឬយ៉ាងណា។ បើវិធីនេះមិនមានប្រសិទ្ធភាព ប៉ាម៉ាក់ទំនងជាគិតចង់ប្រើរំពាត់ម្ដង តែថាការប្រើរំពាត់ មានប្រទេសមួយចំនួនចាត់ទុកថាជាអំពើខុសច្បាប់។ ថ្វីបើប្រទេសខ្លះមិនចាត់ទុកថាខុសច្បាប់ តែក៏ត្រូវគេចាត់ទុកជាការរំលោភបំពានលើរាងកាយ ហើយសហគមន៍មិនអាចទទួលយបានដែរ។ ម្យ៉ាង ការប្រើអំពើហិង្សាលើកូន អាចជ្រុលដៃបង្កជាអំពើហិង្សាធ្ងន់ធ្ងរ នោះប៉ាម៉ាក់ក៏អាចនឹងមានអារម្មណ៍ស្ដាយក្រោយវិញដែរ។
២. អប់រំដោយហិង្សាប៉ះពាល់អារម្មណ៍កូន
ការសិក្សាជាច្រើនបានរកឃើញថាការប្រើរំពាត់វាយអប់រំកូនមិនបានធ្វើឲ្យកូនកែប្រែឥរិយាបថនោះទេ តែធ្វើឲ្យកូនមានឥរិយាបថកាន់តែអាក្រក់ទៅវិញ។ បន្ទាប់ពីត្រូវរំពាត់កូនអាចមានអារម្មណ៍ថាមិនមានអ្នកស្រឡាញ់ និងដូចត្រូវគេបោះបង់ចោល។ ជំនួសឲ្យការកែប្រែឥរិយាបថពីមិនល្អមកល្អ ក្មេងអាចព្យាយាមលាក់កំបាំងកំហុសឆ្គងរបស់ខ្លួនធ្វើទាក់ទងនឹងឥរិយាបថមិនល្អរបស់ខ្លួនទៅវិញ។
ការសិក្សាបង្ហាញថាក្មេងដែលរងអំពើហិង្សាដោយការវាយដំច្រើនមានចំណុចមួយចំនួនដូចខាងក្រោម៖
- ផ្នែកពណ៌ប្រផេះក្នុងខួរក្បាលមានតិច(ទាក់ទងនឹងដំណើរការព័ត៌មានផ្សេងៗក្នុងខួរក្បាល)
- សមត្ថភាពរៀនសូត្រទាប
- មានបញ្ហាផ្លូវចិត្ត ដូចជាថប់បារម្ភ និងបាក់ទឹកចិត្ត
- ផឹកគ្រឿងស្រវឹង ឬប្រើថ្នាំញៀនខុសច្បាប់
- មិនទុកចិត្តអ្នកដទៃ
- ពេលធំឡើងក្លាយជាប្តី ឬប្រពន្ធចូលចិត្តប្រើហិង្សា
- អាចប្រព្រឹត្តអំពើខុសច្បាប់
- ស្លាប់នៅវ័យក្មេង។
បើសិនជាយើងមិនចង់ឃើញកូនស្ថិតក្នុងចំណុចទាំងនេះ សូមពិចារណាឡើងវិញចំពោះការដាក់ទណ្ឌកម្មកូនដោយប្រើរំពាត់ ឬទម្រង់ហិង្សាផ្សេងៗ។
៣. កុំវាយកូននៅមុខអ្នកផ្សេង
បើប៉ាម៉ាក់គិតថាត្រូវតែអប់រំដោយរំពាត់ទើបកូនធ្វើតាម ឬកែប្រែឥរិយាបថ ប៉ាម៉ាក់កុំវាយកូននៅមុខអ្នកដទៃ ឬសូម្បីតែនៅមុខកូនផ្សេងទៀត។ ការត្រូវប៉ាម៉ាក់វាយនៅមុខអ្នកដទៃ អាចធ្វើកូនមានអារម្មណ៍ខ្មាសគេ ឬខឹងខ្លាំងជាដើម។ ការធ្វើឲ្យកូនខ្មាសគេខ្លាំង អាចធ្វើឲ្យក្មេងមានឥរិយាបថមិនល្អកាន់តែខ្លាំងទៅវិញ មិនបានជួយឲ្យគេកែប្រែឥរិយាបថនោះទេ។
៤. ផ្ដល់ការព្រមានចុងក្រោយមុនប្រើរំពាត់
ការប្រើរំពាត់ ឬទម្រង់ហិង្សាផ្សេងទៀត សម្រាប់អប់រំកូនអាចធ្វើឲ្យកូនតូចចិត្ត ខឹង ភ័យ ឬតក់ស្លុត។ ប៉ាម៉ាក់ខ្លួនឯងត្រូវតែយល់ពីប្រតិកម្មដែលអាចកើតមានលើកូន បើសិនជាពិតជាចង់ប្រើរំពាត់មាន។
យ៉ាងណា ដូចដែលបាននិយាយអ៊ីចឹង ជាធម្មជាតិកូននឹងយំមុនពេល អំឡុងពេល និងក្រោយពេលប៉ាម៉ាក់វាយ ដែលហេតុនេះហើយបានជាមានការណែនាំមិនឲ្យប្រើរំពាត់ ឬទម្រង់នៃហិង្សាផ្សេងៗសម្រាប់អប់រំកូន។
បើគ្មានជម្រើសគិតថាត្រូវតែប្រើរំពាត់ ប៉ាម៉ាក់សូមផ្ដល់ឱកាសចុងក្រោយឲ្យកូន ដោយផ្ដល់ជាការព្រមានចុងក្រោយមួយ បើកូនមិនធ្វើតាម ឬកែប្រែចាំប៉ាម៉ាក់សម្រេចចិត្តជាថ្មី។ ប៉ាម៉ាក់អាចព្រមានកូនថា «បើកូនមិនប្រមូលរបស់លេងទុកដាក់ត្រឹមត្រូវទេ កូននឹងត្រូវរំពាត់មិនខាន» ការព្រមានបែបនេះ អាចធ្វើឲ្យកូនធ្វើតាម ដោយខ្លាចថាត្រូវរងទណ្ឌកម្ម៕
អត្ថបទផ្ដល់សិទ្ធិ៖ Hello គ្រូពេទ្យ
ចុចអាន៖ ពេលកូនខឹង ស្រែកយំម្ដងៗ ឪពុកម្ដាយចូលទៅលួងភ្លាម មិនមែនជាវិធីអប់រំកូនល្អទេ
ចុចអាន៖ កុំចេះតែវាយ ស្រែកដាក់កូន ប្រយ័ត្នស្ដាយក្រោយ ព្រោះហេតុផលនេះ
-
សន្តិសុខសង្គម២ ថ្ងៃ ago
«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
សន្តិសុខសង្គម៥ ថ្ងៃ ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានអន្ដរជាតិ៤ ថ្ងៃ ago
ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
សន្តិសុខសង្គម៧ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ជីវិតកម្សាន្ដ២ ថ្ងៃ ago
G-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ជីវិតកម្សាន្ដ៥ ថ្ងៃ ago
ផ្ទុះការចាប់អារម្មណ៍នឹងយុវតីម្នាក់ សំឡេងពីរោះ ច្រៀងស្រដៀងនឹងរាជិនីសំឡេងសារិកាមាស ប៉ែន រ៉ន
-
ចរាចរណ៍២ ថ្ងៃ ago
ផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត
-
ព័ត៌មានជាតិ២ ថ្ងៃ ago
ករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង