KPT+
ចង់ស្អាត បកស្បែក ឬចាក់ថ្នាំឲ្យស្បែកស ប្រឈមនឹងជំងឺមហារីកខ្ពស់ណាស់
បកស្បែក ឬចាក់ថ្នាំស្បែកឲ្យស ជាវិធីមួយដើម្បីជួយឲ្យស្បែកភ្លឺថ្លាលឿន ប៉ុន្តែមានដឹងទេថា នៅក្នុងថ្នាំបកស្បែក ឬថ្នាំចាក់ឲ្យស្បែកសទាំងអស់នោះមានផ្ទុកសារធាតុគីមីអ្វីខ្លះ ហើយសុខភាពយើងនឹងប៉ះពាល់បែបណាបើយើងប្រើវាទៅ?
ការពេញនិយមបកស្បែកឲ្យស និងប្រើផលិតឲ្យស្បែកសខុសពីសម្បុរធម្មជាតិកំពុងពេញនិយមក្នុងស្រទាប់យុវវ័យ ព្រោះតែចង់ស្អាត ដោយមិនគិតដល់បញ្ហាប៉ះពាល់ដល់សុខភាពនោះទេ។ នេះបើតាមការឲ្យពីលោកវេជ្ជបណ្ឌិត ច័ន្ទ រស្មី ឯកទេសជំងឺទូទៅ។
លោកបន្តថា ការនិយមបកស្បែក ឬចាក់ថ្នាំឲ្យស្បែកសនោះអាចបណ្ដាលឲ្យកើតជំងឺសើស្បែក និងជំងឺមហារីកស្បែកផងដែរ។ ក្នុងករណីដែលយើងបកស្បែក ឬចាក់ថ្នាំឲ្យស្បែកស ហើយមិនបានថែទាំស្បែកឲ្យបានត្រឹមត្រូវទេនោះ ស្បែករបស់យើងងាយរងការរលាកពីពន្លឺព្រះអាទិត្យ ព្រោះស្បែកនោះខ្សោយជាងស្បែកធម្មតា។ ម៉្យាងវិញទៀត ពន្លឺព្រះអាទិត្យមានកាំរស្មី UV ដែលនាំឲ្យកើតជំងឺមហារីកស្បែកបាន។ លើសពីនេះ ការបកស្បែកមួយចំនួន មិនដឹងថា ធ្វើតាមបច្ចេកទេសមកពីណាឲ្យប្រាកដ ពោលគឺចេះតែធ្វើតាមការនឹកឃើញ និងត្រាប់តៗគ្នា។
វេជ្ជបណ្ឌិត ដដែលបន្តថា ចំពោះថ្នាំធ្វើឲ្យស្បែកសវិញ មានច្រើនប្រភេទ ហើយបច្ចុប្បន្ន មានឡេលាយ ថ្នាំបកស្បែក ឬចាក់ថ្នាំឲ្យស្បែកសក្នុងរយៈពេលខ្លីនោះដែលបានដាក់លក់នៅតាមទីផ្សារភាគច្រើន មានលាយសារធាតុមួយចំនួនគេមិនបានប្រាប់យើងឲ្យដឹង ដែលក្នុងនោះអាចមានលាយសារធាតុដូចជា បារត អាស៊ីដខ្សោយ ថ្នាំប្រឆាំងការរលាក និងសារធាតុគីមីកាត់មួយចំនួនទៀតដែលនាំឲ្យកើតជំងឺសើស្បែក និងមហារីកស្បែក ព្រោះថាសារធាតុទាំងនោះ បណ្ដាលឲ្យស្បែកបាត់បង់ភាពការពារ។
ជាចុងក្រោយ លោកវេជ្ជបណ្ឌិតបានបន្ថែមថា រាល់អ្នកដែលនិយមបកស្បែក ឬចាក់ថ្នាំឲ្យស្បែកស អាចប្រឈមជាមួយនឹងជំងឺសើស្បែក ជាពិសេសគឺជំងឺមហារីកស្បែក ច្រើនជាងមនុស្សដែលអត់បកស្បែក ឬចាក់ថ្នាំឲ្យស្បែកស៕
អត្ថបទផ្ដល់សិទ្ធិ៖ Hello គ្រូពេទ្យ
ចុចអាន៖ គ្រោះថ្នាក់ធ្ងន់ធ្ងរ! វីតាមីនចាក់ក្នុងសរសៃឈាមឲ្យស្បែកស អាចបណ្ដាលឲ្យបាត់បង់ជីវិត បើសង្គ្រោះមិនទាន់
រូបភាពរលំបាក់អគារគួររន្ធត់នៅថៃ ប៉ុន្តែអាជ្ញាធរបញ្ជាក់ថា ចំនួនអ្នកស្លាប់មាន៩នាក់ដល់ពេលនេះ
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
-
ព័ត៌មានអន្ដរជាតិ១២ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២២ ម៉ោង agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?