KPT+

នេះជាចំណុចល្អ និងមិនល្អ សម្រាប់ប្ដីប្រពន្ធគ្មានកូន

បានផុស

៤ years មុន

នៅ

ថ្ងៃអង្គារ ២៤ សីហា ២០២១

ដោយ

Sonya

រៀបការថ្មីថ្មោង ច្បាស់ជាគិតពីផែនការគ្រួសារ រៀបចំស្ថានភាពហិរញ្ញវត្ថុ និងការយកកូន។ ប៉ុន្តែ បើរៀបការយូរឆ្នាំហើយ នៅតែគ្មានកូន ច្បាស់ជាមិនស្រណុកចិត្តប៉ុន្មានទេ។ ខាងក្រោមនេះ ជាគុណវិបត្តិ និងគុណសម្បត្តិ ពេលមិនមានកូន។

១- គុណវិបត្តិមិនមានកូន

The secret to a happy marriage: flexible roles

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

– សង្គមរើសអើង៖ មនុស្សជាច្រើន មិនដែលខ្វល់ថាយើងមានកូន ឬអត់នោះទេ ប៉ុន្តែគេនឹងសួរថា តើយើងចង់មានកូនប៉ុន្មាន? ពេលណាយក? ហេតុនេះហើយ វានឹងជារឿងកម្សត់មួយសម្រាប់ស្រីៗ ដែលជ្រើសរើសជីវិតមិនមានកូន ដែលគេច្រើនរាប់ថា ជាមនុស្សយកតែចិត្តខ្លួនឯង (Self-absorbed) ឬគំនិតក្មេងខ្ចី សម្រាប់ផ្លូវជីវិត និងតម្រូវការជីវិត ជាងតួនាទីបន្តពូជ បង្កកំណើតដែលជាធម្មជាតិរបស់សត្វលោក។ ទោះបីជាក្នុងវប្បធម៌បើកចំហ គ្រប់គ្នាសុទ្ធតែមានសិទ្ធិសម្រេចចិត្តរៀងៗខ្លួន ចង់ទទួលយកការរស់នៅមាន ឬគ្មានកូនក៏ដោយ ក៏ស្រីៗភាគច្រើននៅមានអារម្មណ៍ឯកា នៅពេលមិត្តភក្ដិចូលចិត្តនិយាយគ្នាលេងពីរឿងយកកូន និងបញ្ហាចិញ្ចឹមកូន។

Asian senior couple using mobile phone at home. asian senior chinese grandparents, husband and wife happy after wake up, watching movie lying on bed in bedroom at home in the morning concept.

– ឯកានៅវ័យចាស់៖ គ្មានកូន មានន័យថា យើងត្រូវពឹងពាក់លើខ្លួនឯងឲ្យបានខ្លាំងក្លាបំផុត ហើយត្រូវមានផែនការប្រយ័ត្នប្រយែងទៅថ្ងៃអនាគត ជាពិសេសទាក់ទងនឹងសុខភាព ក៏ដូចជាបញ្ហាហិរញ្ញវត្ថុ។ យោងតាមអ្នកចិត្តវិទ្យា អ្នកគ្មានកូន ងាយនឹងមានអារម្មណ៍ឯកោ បាក់ទឹកចិត្តអំឡុងពេលឈានដល់វ័យចំណាស់។

២- គុណសម្បត្តិមិនមានកូន

– ស្ថិរភាពហិរញ្ញវត្ថុ៖ មានកូនម្នាក់ គឺត្រូវកាត់ប្រាក់ខែដល់ទៅ ៥ ភាគរយ? យោងតាមលោក Kevin Miller អ្នកស្រាវជ្រាវនៃសមាគមមហាវិទ្យាល័យស្ត្រីនៅអាមេរិក បង្ហាញថា ឱកាសទទួលបានការងារ និងប្រាក់ខែចំពោះមនុស្សស្រីមានកូន គឺតិចតួច។ ក្នុងអត្ថបទបង្ហាញមួយទៀតបោះពុម្ពផ្សាយដោយការិយាល័យស្រាវជ្រាវសេដ្ឋកិច្ចជាតិ បង្ហាញថា មានកូនម្នាក់ ស្រីៗមានជំនាញប្រាក់ខែខ្ពស់ ត្រូវចំណាយប្រាក់ប្រមាណ ២៣០.០០០ដុល្លារ ពេញមួយជីវិតរបស់នាង សម្រាប់ចិញ្ចឹមបីបាច់កូន ខណៈចំពោះស្រីៗមានជំនាញទាប និងប្រាក់ខែតិចតួច ក៏ការចំណាយប្រហែល ៤៩.០០០ ដុល្លារ។

Style Theory: Singapore couple redress Southeast Asian fashion rentals

– ពេលវេលា សេរីភាព និងឱកាសពង្រីកសមត្ថភាពខ្លួនឯង៖ ប្រសិនគ្មានកូន គឺមិនមានឧបសគ្គរារាំងឡើយផ្លូវឆ្ពោះទៅកាន់ជោគជ័យរបស់យើងដូចគ្នា។ គ្មានអ្វីដែលទប់ស្កាត់ក្ដីស្រមៃ និងគោលដៅយើងទេ ទោះបីជាយើងចង់ត្រលប់ទៅរៀនដើម្បីបន្ថែមជំនាញទី ២ ទិញផ្ទះលំហែ ឬទទួលបានការងារដែលប៉ងប្រាថ្នាណាមួយក៏ដោយ។ ជីវិតគ្មានកូន ជួយឲ្យស្រីៗមានជីវិតរស់នៅធំទូលាយ ទាំងការជ្រើសរើស ផ្ដល់ថាមពលបន្ថែម ពេលវេលា និងគម្លាត។ ក្នុងការសិក្សាលើមនុស្ស ៥០០០នាក់ របស់សាកលវិទ្យាល័យ OPEN នៅអង់គ្លេស និងអាមេរិក រកឃើញថា ជីវិតប្តីប្រពន្ធគ្មានកូន បង្ហាញពីការពេញចិត្តខ្ពស់ទៅលើទំនាក់ទំនង និងជីវិតស្នេហា ជាជាងជីវិតប្តីប្រពន្ធដែលក្លាយជាប៉ាម៉ាក់គេ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ស្រីៗអាយុតិច មានកូនឆ្លាតជាងអ្នកអាយុច្រើន ព្រោះហេតុផលបែបនេះ

ចុចអាន៖ វិធីសាស្ត្រត្រឹមត្រូវ ជួយកូនៗឱ្យគេចផុតពីសម្ពាធ ដោយសារកូវីដ-១៩

Related Topics:ប្ដីប្រពន្ធ