KPT+

វិធីធ្វើឲ្យប្រលោមលោកយើងមានលក្ខណៈផ្ទាល់ខ្លួន

បានផុស

៤ years មុន

នៅ

ថ្ងៃពុធ ២៥ សីហា ២០២១

ដោយ

លក្ខណៈផ្ទាល់ខ្លួនពិតជាសំខាន់ណាស់ សឹងនៅគ្រប់ទិដ្ឋភាពអាជីព។ រឹតតែសំខាន់ទៅទៀត ពេលយើងក្លាយជាអ្នកនិពន្ធ។ ដើម្បីសរសេររឿងប្រឌិតបានល្អ រឿងនីមួយៗ គួរតែមានលក្ខណៈសម្បត្តិធានាភាពមិនច្រំដែល មិនមានអារម្មណ៍ថា ធ្លាប់បានអានរួច និងមិនប្រើការស្រាវជ្រាវដដែល ឬហួសសម័យកាលមកចងក្រង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនិពន្ធ ម៉ីសន សុធារី តែងយកចិត្តទុកដាក់លើរចនាសម្ព័ន្ធរឿង ដោយគាត់ទម្លាប់ដំឡើងប្រលោមលោកថ្មីនីមួយៗ ដោយយកចិត្តទុកដាក់ លើភាពខុសប្លែក និងសួរយោបល់មនុស្សច្រើនគ្នា។ ពិសេសគាត់តែងកែប្រែការនិយាយ និងសកម្មភាពថ្មីៗជានិច្ចពីខ្សែរឿងមួយទៅកាន់រឿងមួយទៀត។

«យើងអាចបង្កើតការភ្ជាប់អារម្មណ៍ ជក់ចិត្ត ពីវគ្គមួយទៅផ្នែកមួយទៀតធ្វើឲ្យយើងអានមានអារម្មណ៍ថា នៅក្នុងសាច់រឿងជាមួយតួអង្គ មិនថាពេលពួកគេលំបាកឬជោគជ័យ! អ្នកនិពន្ធជាច្រើនអនុវត្តិតាមវិធីទុកឲ្យចំណុចកំពូលខ្លាំងបំផុតនៅមាតិកាជំពូកក្រោយគេ គេហៅថាឆាកធំ កៀកនឹងទីបញ្ចប់តែនៅក្នុងបេះដូងមេគង្គ ខ្ញុំអត់បញ្ចប់ដោយឆាកធំទេ នេះជាវិធីសាស្ត្ររបស់ខ្ញុំហើយវាមិនដែលខុសច្បាប់ឡើយ(សើច)!» អ្នកស្រីពន្យល់ក្រុម។

អ្នកនិពន្ធរូបនេះក៏បាននិយាយផងដែរថា ការសរសេរប្រលោមលោកមិនមែនទៅប្រណាំងជាមួយអ្នកអានមិនឲ្យគេស្មានត្រូវ ហើយគិតថាជោគជ័យនោះទេ អ្នកអានមិនមែនល្ងឹតល្ងង់ឡើយ។ គេអានកាន់តែច្រើនចំណេះកាន់តែកើន។

«មានបញ្ហាអីបើគាត់ទាយត្រូវ? កាន់តែសប្បាយចិត្តជាមួយគ្នា! សំខាន់មិនមែនគាត់មកអានរឿងព្រោះទាយមិនដែលត្រូវនោះទេ ភាគច្រើនពួកគាត់ចូលចិត្តភាពភ្ញាក់ផ្អើល និងសមចិត្ត! សមចិត្តនៅទីនេះ មិនមែនមានន័យថា តួជួបគ្នា ឬ HappyEnding ជានិច្ចទេ តែត្រូវមានហេតុផលសំអាងត្រឹមត្រូវ!»