KPT+
អ្នកនិយមពណ៌លឿង តំណាងឲ្យខួរក្បាលវាងវៃនិងគំនិតសុទិដ្ឋិនិយម
ពណ៌លឿង ជាពណ៌មួយឆើតឆាយស្រស់ស្អាត និងមើលទៅមានភាពស្រស់ថ្លាគួរឲ្យទាក់ទាញ។ មួយរយៈពេលចុងក្រោយនេះ ពណ៌លឿងត្រូវបានមនុស្សម្នានិយមចូលចិត្ត និងជ្រើសរើសប្រើប្រាស់សម្ភារផ្សេងៗដែលមានពណ៌នេះយ៉ាងក្រាស់ក្រែល។
តើYellow lover តើធ្លាប់ដឹងពីអត្ថន័យនៃពណ៌នេះបានកម្រិតណាដែរ?
១. លក្ខណៈទូទៅនៃពណ៌លឿង
វិជ្ជមាន៖ ជាពណ៌ដែលជានិមិត្តរូបនៃគំនិតសុទិដ្ឋិនិយម ភាពរីករាយ ភាពជឿជាក់ ការច្នៃប្រឌិត ការសិក្សា ការវិភាគប្រកបដោយប្រាជ្ញានិងភាពច្បាស់លាស់ត្រឹមត្រូវ។
អវិជ្ជមាន៖ ទន្ទឹមនឹងចំណូចល្អ វាក៏ជានិមិត្តរូបនៃការរិះគន់ ការថ្កោលទោស ការវិភាគជ្រុលហួសហេតុ គ្មានភាពអត់ធ្មត់ ខ្ជិលច្រអូស ភាពស្មុគស្មាញ ចិត្តកំសាក ការវង្វេងស្មារតី គ្មានមនោសញ្ចេតនា និងខ្វះធម៌មេត្តា។
២. តំណាងរបស់ពណ៌លឿង
ពណ៌លឿងតំណាងឲ្យ ៣ យ៉ាងខាងក្រោម!
គំនិតនិងបញ្ញា៖ ពណ៌លឿងត្រូវបានអ្នកចិត្តវិទ្យាពណ៌ យកប្រើសម្រាប់រំញោចផ្លូវចិត្ត ដោយធ្វើឲ្យខួរក្បាលសកម្ម។
សុភមង្គល និងភាពសប្បាយរីករាយ៖ ពណ៌លឿងជួយបង្កើតភាពរីករាយសម្រាប់ជីវិតហើយអាចដាស់មនុស្សឲ្យកាន់តែមានទំនុកចិត្ត និងគំនិតសុទិដ្ឋិនិយមកាន់តែខ្លាំងឡើង។
ការប្រាស្រ័យទាក់ទងនៃគំនិតថ្មី៖ វាក៏ត្រូវបានភ្ជាប់នឹងការបញ្ចេញមតិយោបល់នានា និងការបញ្ចូលគំនិតរួមគ្នាបង្កើតជារបស់ថ្មីមួយ។
៣. ឥទ្ធិពលនៃពណ៌លឿង
ពណ៌លឿងមានឥទ្ធិពលទៅលើរឿងធំៗដូចជា៖
ការច្នៃប្រឌិត ជាពណ៌នៃការបង្កើតថ្មីៗ ប្រកបដោយការប្រឌិតខ្ពស់។
ការសម្រេចចិត្តរហ័ស ពណ៌លឿងជួយឲ្យការគិតបានច្បាស់ និងធ្វើការសម្រេចចិត្តរហ័ស។
កាត់បន្ថយការថប់បារម្ភ ពណ៌នេះធ្វើឲ្យមនុស្សទទួលអារម្មណ៍មានស្ថិរភាព និងបន្ថយភាពថប់បារម្ភក្នុងចិត្ត។
សំខាន់ ពណ៌លឿងមានទំនាក់ទំនងជាមួយនឹងខួរក្បាល ច្រើនជាបេះដូង ហេតុនេះវាជួយឲ្យការវិភាគមានភាពស៊ីជម្រៅ។
៤. អត្ថន័យបម្រែបម្រួលនៃពណ៌លឿង
ពណ៌លឿងខ្ចី តំណាងគំនិតភ្លឺថ្លា ការបើកចំហចិត្ត និងការប្រុងប្រយ័ត្ន។
ពណ៌លឿងចាស់ បង្ហាញពីទំនោរទៅរកការធ្លាក់ទឹកចិត្ត និងភាពស្រពេចស្រពិលខ្វះសេចក្តីស្រឡាញ់។
ពណ៌លឿងបែកទឹកក្រូច បង្ហាញពីភាពជាខ្លួនឯង រស់ទីពឹងខ្លួន និងសណ្តាប់ធ្នាប់របៀបរៀបរយនៃជីវិត។
ពណ៌លឿងបែកត្នោត វាជាសញ្ញានៃទំនាក់ទំនងពិតប្រាកដ ឬអារម្មណ៍មិនស្ថិតស្ថេរជាមួយនឹងអ្វីមួយ។ អត្ថន័យម្យ៉ាងទៀតនៃពណ៌នេះ អាចជាការបោកបញ្ឆោត និងភាពគ្មានទំនួលខុសត្រូវផងដែរ។
ពណ៌លឿងបែកទឹកមាស ជាពណ៌របស់អ្នកឯកោ និងជាសញ្ញានៃអារម្មណ៍ចង់ដឹងចង់ឃើញ៕
ប្រែសម្រួល៖ សន្យា
ប្រភព៖ empowed
ចុចអាន៖ទម្លាប់ខ្លះ ដែលប្រៀបដូចកំពុងដុតកម្ទេចចោលចំណូលដែលរកបានដោយពិបាក
ចុចអាន៖អ្នកមានបីប្រភេទ ប្រាប់ពីវិធីបង្កើនទ្រព្យសម្បត្តិរបស់ពួកគេ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៤ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ