KPT+

ពេលចាស់ទៅមិនចង់ភ្លេចភ្លាំងច្រើន នៅក្មេងត្រូវអនុវត្តទម្លាប់បែបនេះ

បានផុស

៣ years មុន

នៅ

ថ្ងៃពុធ ៨ កញ្ញា ២០២១

ដោយ

Sonya

បញ្ហាភ្លេចភ្លាំងច្រើនកើតលើមនុស្សវ័យចំណាស់ ហើយកាន់តែធ្ងន់ធ្ងរថែមទៀតនោះ គឺសឹងតែបាត់ការចងចាំតែម្ដង ដែលយើងហៅថាវង្វេងវង្វាន់។ វេជ្ជបណ្ឌិត លី ឫទ្ធីគុណ ថា ដើម្បីការពារការភ្លេចភ្លាំងច្រើននៅវ័យចំណាស់ ពេលនៅក្មេងយើងត្រូវមានទម្លាប់ល្អៗមួយចំនួនដូចខាងក្រោម។

១- កុំឲ្យខ្វះវីតាមីន D

Emotional Abuse: The Silent Threat to Elders

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មិនមែនតែមនុស្សចាស់ទេ ក្មេងក៏ដោយឲ្យតែមានបញ្ហាកង្វះជាតិវីតាមីន D នឹងជួបបញ្ហាភ្លេចភ្លាំង ឬវង្វេងវង្វាន់ច្រើន។ ដូច្នេះគួរតែញ៉ាំអាហារណាដែលពោរពេញដោយវីតាមីន D ជាប្រចាំថ្ងៃ ឬអាចទទួលទានគ្រាប់ថ្នាំបន្ថែមក៏បាន។ ចំពោះអាហារវិញមានដូចជា ផ្សិត ទឹកដោះគោ ស៊ុតលឿង ថ្លើម ជាដើម។

២- ខ្លាញ់ត្រី

ពពួកត្រីសមុទ្រដូចជា ត្រីសាលម៉ុន ធូណា ជាអាហារល្អដែលសម្បូរជាតិខ្លាញ់អូមេហ្កា។ អាហារដែលចម្អិនពីត្រីទាំងនេះ ពិតជាអាចជួយដល់ការចងចាំនៅវ័យចំណាស់របស់យើងបាន ប្រសិនបើញ៉ាំបានញឹកញាប់ បូករួមទម្លាប់ល្អៗដទៃទៀត។

៣- ហាត់ប្រាណ និងហ្វឹកហាត់ខួរក្បាលជាប្រចាំ

67,572 Asian Jogging Stock Photos, Pictures & Royalty-Free Images - iStock

លំហាត់ប្រាណងាយៗ អាចជួយធ្វើឲ្យចលនាសរសៃឈាមរត់បានស្រួល និងបង្កើនសមត្ថភាពខួរក្បាល។ ការបង្កើនសមត្ថភាពខួរក្បាលឲ្យសកម្មភាពជាប្រចាំ ដើម្បីជួយពង្រឹងឲ្យខួរក្បាលនៅតែមានភាពរហ័សរហួន អាចចៀសឆ្ងាយពីជំងឺភ្លេចភ្លាំង ហើយហ្គេមដែលល្អដូចជា ផ្គុំរូប ហ្គេមបែបផ្សងព្រេងដែលស្វែងរកច្រកចេញ សុទ្ធតែល្អចំពោះសុខភាពខួរក្បាល។

៤- កុំឲ្យមានការប៉ះទង្គិចក្បាល

ដើម្បីឲ្យខួរក្បាលចងចាំបានល្អ ចំណុចសំខាន់គឺត្រូវការពារក្បាលរបស់យើងមិនឲ្យមានការប៉ះទង្គិច ឬរងរបួសឲ្យសោះ។ មួយវិញទៀតយើងអាចម៉ាស្សាក្បាលថ្នមៗ ដើម្បីឲ្យសរសៃឈាមរត់ស្រួល និងកុំភ្លេចសម្រាកឲ្យបានគ្រប់គ្រាន់ ដើម្បីឲ្យខួរក្បាលគ្មានភាពស្មុគស្មាញ៕

អត្ថបទផ្ដល់សិទ្ធិ៖ Hello គ្រូពេទ្

ចុចអាន៖ អាហារ ៥ ក្រុមនេះជាថ្នាំបំប៉នរាងកាយមនុស្សចាស់ ដើម្បីបង្កើនការការពារប្រឆាំងនឹងកូវីដ

ចុចអាន៖ ក្នុងផ្ទះមានមនុស្សចាស់ និងកូនក្មេង គួរមានឧបករណ៍តាមដានសុខភាពទាំងនេះ