KPT+
លាបម្សៅ ឬឡេលាយ សលឿនដូចចិត្ត តែមានផលប៉ះពាល់ច្រើនណាស់
ឡេលាយពេញនិយមបំផុតក្នុងចំណោមយុវតី អ្នកខ្លះក៏លាយខ្លួនឯង ឯអ្នកខ្លះទៀតទិញឡេគេលាយស្រាប់លក់តាមផ្សារ ឬអនឡាញយកមកលាប ដើម្បីឲ្យស្បែកសខ្ចី ម៉ដ្តរលោង។ ឡេលាយធ្វើឲ្យស្បែកសពិតមែន តែវាមានផលប៉ះពាល់ច្រើនចំពោះស្បែក និងសុខភាពយើង។
ក្នុងបទសម្ភាសជាមួយវេជ្ជបណ្ឌិត ហេង យូសេង បម្រើការងារនៅផ្នែកជំងឺស្បែក នៃមន្ទីរពេទ្យព្រះកុសុមៈ លោកបានពន្យល់លម្អិតអំពីធាតុផ្សំរបស់ឡេលាយ ផលប៉ះពាល់រយៈពេលខ្លី និង វែង នៃការប្រើឡេលាយ។
សំណួរ៖ លោកវេជ្ជបណ្ឌិត អ្វីទៅជាឡេលាយ?
ចម្លើយ៖ ម្សៅ ឬឡេលាយ គឺការទិញម្សៅ ឬឡេពីទីផ្សារមកលាយជាមួយថ្នាំពេទ្យ ដូចជាម៉ៃដា ព្រួញបី ឬត្រចៀកកាំ និងពពួកស្តេរ៉យ (បំបាត់ការរលាក) មិនមានក្បួនខ្នាត រូបមន្តអីច្បាស់លាស់ទេ លាយតាមតៗគ្នា។
សំណួរ៖ ការប្រើឡេលាយពិតជាជួយស្បែកសមែនទេ?
ចម្លើយ៖ មិនខុសទេ ប្រើឡេលាយបានផលភ្លាមៗ ក្រោយលាបរួច ផ្ទៃមុខ ឬដងខ្លួនយើងសដូចចិត្តអ៊ីចឹង។ បច្ចុប្បន្ននេះមិនមែនតែស្រីៗវ័យក្មេងទេ ប្រុសៗក៏ប្រើឡេ/ម្សៅលាយដែរ លាបតាំងពីមុខ រហូតដល់ខ្លួន។
សំណួរ៖ លោកវេជ្ជបណ្ឌិតបានពន្យល់ខាងដើមហើយថា ការប្រើឡេលាយមិនមានក្បួនខ្នាតអីត្រឹមត្រូវទេ លាយតាមតៗគ្នាប៉ុណ្ណោះ ដូច្នេះការប្រើឡេលាយមានផលប៉ះពាល់ទេ?
ចម្លើយ៖ ពិតជាមាន ការប្រើឡេ ឬម្សៅលាយ អាចមានផលប៉ះពាល់រយៈពេលខ្លី និងរយៈពេលវែង។
សំណួរ៖ ផលប៉ះពាល់រយៈពេលខ្លីនៃការប្រើឡេលាយមានអ្វីខ្លះ លោកវេជ្ជបណ្ឌិត?
ចម្លើយ៖ ប្រើឡេលាយផលប៉ះពាល់មិនមែនលេចចេញភ្លាមៗទេ ប្រើពេលយ៉ាងតិចពី ១-២ ខែ អាហ្នឹងយើងអាចចាត់ជារយៈពេលខ្លីហើយ។ អ្នកខ្លះគាត់ប្រើដំបូងអ៊ីចឹងទៅ មុខសស្អាត ប៉ុន្តែមានសម្គាល់អត់បន្ទាប់ពីប្រើមួយរយៈ មុខយើងប្រែជាស្តើង ចេញសរសៃក្រហមៗ ប៉ុន្តែពេលយើងខាន ឬឈប់ប្រើវា ស្រាប់តែផ្ទៃមុខយើងឡើងរមាស់ ខ្មៅស្រអាប់ ឡើងមុន ប៉ុន្តែមុននោះមិនមានគ្រាប់ទេ គ្រាន់តែក្រហមកន្ទួលៗ។
សំណួរ៖ ចុះផលប៉ះពាល់រយៈពេលវែងលោកវេជ្ជបណ្ឌិត?
ចម្លើយ៖ ការប្រើម្សៅលាយនៅលើមុខយូរធ្វើឲ្យស្បែកកាន់តែស្តើងទៅៗ ងាយនឹងជាំមុខ មានជំងឺមុនមុខក្រហម មានរលាកស្បែកនៅជុំវិញមាត់ជាដើម។ ប៉ុន្តែបើយើងប្រើឡេលាយលាបលើដងខ្លួន ដៃជើង ដែលមានផ្ទៃធំវិញ អាចទៅជាបែកសង្វារ អាចធ្វើឲ្យជាតិគីមីជ្រាបចូលទៅក្នុងឈាមដោយមិនដឹងខ្លួន ទៅជាខ្សោយតម្រងនោម កើតជំងឺទឹកនោម លើសឈាម ឬស្ពោតឆ្អឹងជាដើម៕
អត្ថបទផ្ដល់សិទ្ធិ៖ Hello គ្រូពេទ្យ
ចុចអាន៖ ចង់ស្អាត បកស្បែក ឬចាក់ថ្នាំឲ្យស្បែកស ប្រឈមនឹងជំងឺមហារីកខ្ពស់ណាស់
ចុចអាន៖ រូបមន្តខាត់ស្បែកធម្មជាតិ ជួយឲ្យស្បែកភ្លឺថ្លា មិនចាំបាច់ប្រើឡេគីមី
រូបភាពរលំបាក់អគារគួររន្ធត់នៅថៃ ប៉ុន្តែអាជ្ញាធរបញ្ជាក់ថា ចំនួនអ្នកស្លាប់មាន៩នាក់ដល់ពេលនេះ
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
-
ព័ត៌មានអន្ដរជាតិ១២ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២២ ម៉ោង agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?