KPT+

គួរយល់ដឹង! គិតបែបអវិជ្ជមានច្រើន ប្រឈមខ្ពស់នឹងជំងឺភ្លេចភ្លាំងនៅពេលអនាគត

បានផុស

៣ years មុន

នៅ

ថ្ងៃសុក្រ ១០ កញ្ញា ២០២១

ដោយ

Sonya

ការគិតអវិជ្ជមានច្រើនអាចមានផលប៉ះពាល់មិនល្អសម្រាប់ខួរក្បាល។ ការសិក្សាថ្មីបានរកឃើញថាការគិតអវិជ្ជមានដដែលៗអាចនឹងបង្កឲ្យការគិតធ្លាក់ចុះ និងបង្កើនប្រូតេអ៊ីន២ប្រភេទដែលបង្កជំងឺបាត់បង់ការចងចាំនៅថ្ងៃអនាគត។

249,589 Asian girl hair Stock Photos | Free & Royalty-free Asian girl hair Images | Depositphotos

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកជំនាញបានសិក្សាទៅលើមនុស្សជាង៣៥០នាក់ដែលមានអាយុ៥៥ឆ្នាំ និងមានរយៈពេល២ឆ្នាំទាក់ទងទៅនឹងការគិតអវិជ្ជមានដដែលៗដូចជាការគិតពីរឿងអតីត និងការព្រួយបារម្ភអំពីអនាគត។ មួយភាគបីនៃអ្នកចូលរួមដែលបានធ្វើការស្កេនខួរក្បាលតាមរយៈ PET (positron emission tomography) ដើម្បីវាស់បរិមាណប្រូតេអ៊ីន tau និងbeta amyloid ដែលបង្កជំងឺបាត់បង់ការចងចាំរបស់មនុស្សចាស់។

ការស្កេននេះបានបង្ហាញថាអ្នកដែលចំណាយពេលគិតអវិជ្ជមានច្រើនមានការកើនឡើងនៃប្រូតេអ៊ីនទាំង២ខាងលើ ការចងចាំមិនល្អ និងការធ្លាក់ចុះនៃការគិតក្នុងរយៈពេល៤ឆ្នាំបើធៀបនឹងអ្នកគិតវិជ្ជមាន។ ការសិក្សានេះក៏បានតេស្ដលើកម្រិតនៃការថប់បារម្ភ និងជំងឺបាក់ទឹកចិត្តដែរ ហើយរកឃើញថាមនុស្សដែលបញ្ហានេះការគិតក៏ធ្លាក់ចុះដែរ។ ប៉ុន្តែប្រូតេអ៊ីនពីរដែលបង្កជំងឺបាត់បង់ការចងចាំរបស់មនុស្សចាស់មិនមានការកើនឡើងទេចំពោះអ្នកមានជំងឺបាក់ទឹកចិត្ត និងការថប់បារម្ភដែលធ្វើឲ្យអ្នកស្រាវជ្រាវសង្ស័យថាការគិតអវិជ្ជមានអាចជាមូលហេតុចម្បង ខណៈជំងឺបាក់ទឹកចិត្ត និងការថប់បារម្ភជាចំណែកមួយនៃជំងឺបាត់បង់ការចងចាំរបស់មនុស្សចាស់។

How to Change Cognitive Distortions and Stop Negative Thinking

វេជ្ជបណ្ឌិត Richard Isaacson អ្នកឯកទេសផ្នែកសរសៃប្រសាទបានលើកឡើងថានេះជាការសិក្សាដំបូងដែលបង្ហាញពីទំនាក់ទំនងជីវសាស្ត្ររវាងការគិតអវិជ្ជមាន និងជំងឺបាត់បង់ការចងចាំរបស់មនុស្សចាស់ និងធ្វើឲ្យគ្រូពេទ្យមានមធ្យោបាយក្នុងការវាយតម្លៃហានិភ័យ និងផ្តល់នូវដំណោះស្រាយដែលល្អសម្រាប់អ្នកជំងឺ។ លោកបានបន្តទៀតថាមនុស្សដែលងាយប្រឈមភាគច្រើនមិនបានដឹងពីផលប៉ះពាល់អវិជ្ជមាននៃការព្រួយបារម្ភ និងការគិតច្រើនមកលើខួរក្បាលដោយផ្ទាល់ទេ។

ទោះយ៉ាងណាក៏ដោយអ្នកជំនាញនៅត្រូវការការសិក្សាបន្ថែមព្រោះអ្នកចូលរួមក្នុងការសិក្សានេះភាគច្រើនគឺជាមនុស្សដែលមានហានិភ័យខ្ពស់ក្នុងការវិវត្តជំងឺបាត់បង់ការចងចាំរបស់មនុស្សចាស់ ដូចនេះត្រូវការសិក្សាថាតើប្រជាជនទូទៅដែលគិតអវិជ្ជមានដដែលៗអាចបង្កើនហានិភ័យជំងឺបាត់បង់ការចងចាំរបស់មនុស្សចាស់ឬយ៉ាងណា។

Asian American Women Have Always Existed at the Intersection of Misogyny and Racism | InStyle

អ្នកស្រាវជ្រាវបានណែនាំថាការអប់រំផ្លូវចិត្តដូចជាការធ្វើសមាធិអាចជួយឲ្យគិតវិជ្ជមាន និងកាត់បន្ថយគំនិតអវិជ្ជមាន ហើយក្រុមអ្នកស្រាវជ្រាវក៏មានគម្រោងសិក្សាបន្ថែមទៅលើសម្មតិកម្មនេះដែរ។

ការសិក្សាកាលពីឆ្នាំ២០១៩បានឲ្យដឹងថាអ្នកដែលមានគំនិតវិជ្ជមានអាចចៀសពីការស្លាប់ពីហានិភ័យនៃជំងឺបេះដូងជាងអ្នកមានគំនិតអវិជ្ជមាន។ តាមពិតទៅ ការគិតកាន់តែវិជ្ជមាន កាន់តែអាចការពារពីជំងឺគាំងបេះដូង និងជំងឺដាច់សរសៃឈាមខួរក្បាល។ ការគិតវិជ្ជមានមិនត្រឹមតែអាចការពារសុខភាពបេះដូងទេ នៅមានទំនាក់ទំនងនឹងកត្តាដែលធ្វើឲ្យសុខភាពល្អផ្សេងទៀតដូចជារបបអាហារ ការហាត់ប្រាណ ប្រព័ន្ធភាពស៊ាំខ្លាំង និងសុខភាពសួតល្អ។

3 Expert Hacks to Break The Cycle of Negative Thinking - FitOn

ការយកចិត្តទុកដាក់ និងមើលថែសុខភាពផ្លូវចិត្តគឺសំខាន់ណាស់ ហើយសុខភាពផ្លូវចិត្តគួរតែជាបញ្ហាសុខភាពសាធារណៈដ៏សំខាន់មួយព្រោះមិនត្រឹមតែសំខាន់សម្រាប់សុខភាពក្នុងរយៈពេលខ្លីទេ ប៉ុន្តែអាចមានហានិភ័យនៃជំងឺភ្លេចភ្លាំងបាន៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ត្រឹមចេះអភ័យទោសឲ្យអ្នកដទៃ ផ្ដល់ប្រយោជន៍សុខភាពផ្លូវចិត្តខ្លួនឯងយ៉ាងលើសលុប

ចុចអាន៖ ភាពរឹងមាំមិនមែនទាក់ទងនឹងការប្រើកម្លាំងទេ តែជាការស៊ូទ្រាំបាន ក្នុងការដោះស្រាយបញ្ហានានា