KPT+

ការប្រជែងហួសហេតុ នឹងបំផ្លាញខ្លួនឯង

បានផុស

៤ years មុន

នៅ

ថ្ងៃចន្ទ ១៣ កញ្ញា ២០២១

ដោយ

ការវាស់វែងភាពជោគជ័យសម្រាប់សង្គមសព្វថ្ងៃនេះ គឺទ្រព្យសម្បត្តិ កិត្តិនាម ឬអំណាច។ យ៉ាងណាមិញ មនុស្សជាច្រើនក្នុងចំណោមនោះ ចេះធ្វើចិត្តគេឲ្យមានសុភមង្គល តាមរយៈការគិតផ្សេង។ ពួកគេមិនមែនចង់បានខ្លួនឯងថា ជាលេខមួយនៅក្នុងជំនាញ ព្រោះគំនិតលេខមួយនឹងបំផ្លាញយើង ហើយគ្មានអ្នកណាលេខមួយជានិច្ចទេ ក្នុងលោកនេះ ឯវាក៏មិនចាំបាច់ពេកដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យើងត្រូវមានវិន័យ តែមិនមេនយកមកបង្ខំខ្លួនឯងទេ គឺរំងាប់ចិត្តលោភរបស់ខ្លួនឯង។

មេរៀនសំខាន់ដែលទស្សនវិទូនានាបានបង្រៀនយ៉ាងល្អគឺថា អ្វីគ្រប់យ៉ាងដែលយើងទទួលបាន ក្នុងនាមជាមនុស្សម្នាក់រស់បានល្អ ឬតាមរយៈអាជីពជោគជ័យ ត្រូវបានបង្កើតរង្វាស់ខុសៗគ្នា។

« ភាពជោគជ័យរបស់ខ្ញុំ មិនមែនសម្រាប់អ្នកដទៃមើលឃើញវាយតម្លៃទេ តែវាក្នុងកណ្តាប់ដៃខ្ញុំ ខ្ញុំសម្រេចថាដូចម្តេចដែលជាជោគជ័យពិតរបស់ខ្ញុំ!» ក្នុងសៀវភៅទម្រាំក្លាយជាអ្នកនិពន្ធ។

“ អ្វីដែលយើងគ្រប់គ្នានឹងបន្សល់ទុកពេលស្លាប់ មិនមែនជាអលង្ការឬអ្វីៗប្រេនៗទេ ប៉ុន្តែជាអ្វីមួយដែលមានអាយុកាលវែងជាងយើង បើអាចភ្ជាប់ទៅជួយនឹងបំភ្លឺដល់ជីវិតរបស់អ្នកដទៃកាន់តែប្រសើរ។ ” ម៉ីសនសុធារី

រកចម្លើយឲ្យសំណួរនេះ«តើជោគជ័យមានន័យយ៉ាងណាចំពោះយើងខ្លួនឯង?!»

ជាការពិត យើងមិនអាចដឹងថា តើបានទទួលជោគជ័យ ឬមិនបានកំណត់រង្វាស់នៃភាពជោគជ័យជាមុនទេ។

ជោគជ័យមិនមែនគ្រាន់តែជាលេខជាចំនួនទេ វាជាគុណតម្លៃ។ គ្រប់គ្នាមិនមានកាតព្វកិច្ចដើម្បីតែឈ្នះទេ តែមានកាតព្វកិច្ចព្យាយាមបន្តទៀត ធ្វើឲ្យអស់ពីសមត្ថភាពជារៀងរាល់ថ្ងៃ។

និយមន័យនៃភាពជោគជ័យ គឺមិនមែនរឿងឲ្យគេយកទៅលេងសើចឡកលើយឡើយ។

ចុចមើលវីដេអូដែល អ្នកនិពន្ធ ម៉ីសន សុធារី និយាយអំពីជោគជ័យ

«ខ្ញុំមិននិយាយថា បុគ្គលជោគជ័យអាក្រក់ទេ ប៉ុន្តែការគិតអំពីលេខ១ ឬអស្ចារ្យ កំពុងតែបង្កើតការបែងចែកប្រកបដោយគ្រោះថ្នាក់ចំពោះយុវវ័យ។ វាជាដើមចមនៃឌីប្រេស្សិនផងដែរ។

អ្នកនិពន្ធប្រាប់ថា ព្រឹត្តិការណ៍ជីវិតដែលពឹងផ្អែកលើសមត្ថភាពនៃការគ្រប់គ្រងចិត្ត។ បើយើងសម្ភាសន៍ការងារហើយធ្លាក់ ទុកជាមេរៀនវិញ កុំទៅអន់ចិត្ត ដល់ថ្នាក់ទៅប្រកាន់គុំខឹងចំពោះអ្នកធ្វើសម្ភាន៍ ឬខឹងអ្នកដែលគេជាប់។ មិនគួរមានអារម្មណ៍មិនល្អទេ ប្រសិនបើមិនទទួលបានការងារថ្មីភ្លាមៗ កុំធៀប កុំប្រដូចកុំបន្ទោស។ ក្នុងជីវិត ការបានជួបរឿងខកបំណងជារឿងធម្មតា។ សូម្បីកីឡាករជើងឯក នៅតែបរាជ័យបាន។

និយមន័យនៃភាពជោគជ័យ មិនត្រឹមតែធ្វើឲ្យគ្រោះថ្នាក់ដល់ផ្លូវចិត្តមនុស្សភាគច្រើន ដែលទុកថាចាំបាច់ត្រូវតែឈ្នះប៉ុណ្ណោះទេ វារារាំងជោគជ័យផង។

ការរំពឹងទុកហួសហេតុរបស់ឪពុកម្តាយ ដើម្បីឲ្យកូនមានការប្រកួតប្រជែង ដែលគេជឿថានិងទទួលបានលទ្ធផលចំពោះអនាគតក្មេង តាមពិតបើប្រើហួសហេតុ នឹងបង្កើតជាយុវវ័យមានបញ្ហាម្នាក់ទៅអនាគត។

ការនិយាយបន្ទោស ឬប្រៀបធៀបទៅនឹងសមិទ្ធផលរបស់មិត្តភក្ដិពួកគេ នឹងធ្វើឲ្យអ្វីៗកាន់តែអាក្រក់ឡើងៗ។ មាននិស្សិតជាច្រើនដែលមានបញ្ហាសុខភាពផ្លូវចិត្ត តាំងពីមុនចូលរៀននៅមហាវិទ្យាល័យ។

ប្រព័ន្ធអប់រំប្រទេសស៊ីវិល័យជាច្រើន ឥឡូវនេះបានងាកចេញពីការបង្រៀនប្រដូចសមត្ថភាពនិងពិសោធន៍កម្រិតពិន្ទុល្អ មធ្យម ខ្សោយអីទៀតហើយ ។ ដូចចិត្តវិទូខាងការអភិវឌ្ឍន៍លោក Peter Gray ពន្យល់ថា” ប្រព័ន្ធនេះត្រូវបានរៀបចំ ស្ទើរតែបង្កើតការថប់បារម្ភ និងការធ្លាក់ទឹកចិត្តតាំងពីវ័យដំបូងរបស់មនុស្សយើង” ៕

អត្ថបទ៖ហុង

ចុចអាន៖សើចរាល់ថ្ងៃ ជួយសម្រួលផ្លូវអារម្មណ៍យ៉ាងច្រើន ពិសេសផ្លូវចិត្តកាន់តែប្រសើរ

ចុចអាន៖ភាពរឹងមាំមិនមែនទាក់ទងនឹងការប្រើកម្លាំងទេ តែជាការស៊ូទ្រាំបាន ក្នុងការដោះស្រាយបញ្ហានានា