KPT+
អាថ៌កំបាំងនៃភាពជាស្ត្រី ដែលបុរសដកចិត្តមិនរួច
ពេលខ្លះយើងឆ្ងល់ថា ម្ដេចនារីរូបមិនស្អាតហើយរាងមិនស្រលូន មិនស មិនមានមុខ V Shape បែរជាមានសុភមង្គលជាងនារីស្គមស្ដើងរាង Gold ស្លៀកពាក់អាឡេហ្គិនទៅវិញ?
ព្រោះពេលខ្លះ មនុស្សដែលគិតគូរតែសម្បកក្រៅ មិនសាងផ្នែកខាងក្នុងបេះដូង បានជាមិនស្គាល់សុភមង្គលពេញមួយជីវិតខ្លួន។
សុភមង្គលបានមកពីសកម្មភាពផ្ទាល់ខ្លួនរបស់មនុស្សស្រីម្នាក់ៗហើយខាងក្រោមនេះជាវិធីខ្លះដែលស្ត្រីឆ្លាតៗ និយមធ្វើ ដើម្បីទទួលបានសុភមង្គល និងការពេញចិត្តក្នុងជីវិតរស់នៅ៖
១ បង្កើតគោលបំណងក្នុងជីវិតជាក់លាក់
ជាញឹកញយយើងចាប់បានការងាររបស់យើងរាល់ថ្ងៃ ហើយទាំងនោះជាហេតុផលដែលជំរុញឲ្យយើងរស់។ មនុស្សត្រូវធ្វើការ មិនអាចគេងដល់ម៉ោង១១ទើបក្រោក ហើយឆ្លុះកញ្ចក់រង់ចាំមនុស្សប្រុសមកផ្ដល់សុភមង្គលឲ្យនោះទេ។ គួរក្លាយជាមនុស្សស្រីមានតម្លៃម្នាក់ ដែលរវល់ខ្លាំងជាងការទៅដើរតត្រុកតាមដានមនុស្សប្រុស។ មនុស្សស្រីពេញដោយសុភមង្គល គេគ្មានពេលដើរតាមមនុស្សប្រុសទេ។ ការងារប្រចាំថ្ងៃនិងសមិទ្ធផលរបស់គេ ក៏មិនចាញ់មនុស្សប្រុសដែរ។
២ ប្រកួតប្រជែងនឹងខ្លួនឯង
ការប្រកួតប្រជែងខ្លួនឯង គឺជាវិធីមួយដើម្បីបង្កើនភាពសិចស៊ី។ កុំជឿគេថា មនុស្សស្រីរឹងមាំអភ័ព្វស្នេហ៍ មិនពិតទេ ព្រោះពេលខ្លះពួកគេអាចរស់ដោយមិនបាច់មានមនុស្សប្រុសផង ឬមានក៏បានមិនមានក៏មិនអី។
ឥឡូវមនុស្សប្រុសតែងប្រជែងគ្នា ស្វែងរកមនុស្សស្រីប្រភេទនេះ មកឈរក្បែរគេក្នុងសង្គម។ ត្រូវដឹងថា មនុស្សប្រុសពេលខ្លះទន់ខ្សោយបំផុតក្នុងឧបសគ្គជីវិត គេត្រូវការមនុស្សស្រីម្នាក់រឹងមាំមកឆ្លងកាត់ជាមួយគ្នា ពុំមែនកូនក្មេងស្អាតម្នាក់ ដែលដួលរេលជាមួយគេទេ។ តណ្ហា ខុសពីជីវភាពគ្រួសារ។
៣ អភិវឌ្ឍរង្វង់សង្គម(បណ្ដាញទំនាក់ទំនង)
ការមានបណ្ដាញសង្គមរឹងមាំ គឺជាគន្លឹះងាយស្រួលក្នុងការធ្វើអ្វីៗច្រើនទៀតមិនថាអាជីពការរកស៊ី។ កុំរៀបការហើយកាលណា ទាត់មិត្តចោល ឬសំងំក្នុងផ្ទះ ដើរតាមតែប្ដី មនុស្សជាច្រើនបានខូចសុភមង្គលព្រោះការគិតថាគ្រួសារ១០០ភាគរយក្រោយរៀបការ។ ស្រមៃមើលពេលប្ដីកំពុងទៅប្រជុំ ឬទៅសិក្ខាសាលានៅបរទេស យើងគ្មានការធ្វើ ហើយដើរតាមតត្រុកពីក្រោយទាំងគ្មានភារកិច្ច ចំណែកស្ត្រីផ្សេងគេទៅ ព្រោះមានភារកិច្ចមានតួនាទី មានកៅអីមួយរង់ចាំ។
ត្រូវបង្ហាញថាអ្នកក៏មានកៅអីរបស់អ្នក ដែលចាំបាច់ត្រូវទៅ ទុកឲ្យប្ដីប្រចណ្ឌខ្លះ កុំឲ្យថ្ងៃណាមួយគេគិតថា ក្រៅពីគេ ជីវិតយើងគ្មានអ្វីទាំងអស់។ មនុស្សខ្លះមិនថាស្រីប្រុសនិងអស់តម្លៃពេលដែលរៀបការហើយ ចោលអាជីពទាំងស្រុងទៅចាប់យក ការដើរបណ្ដើរគ្នាត្រសងជាមួយប្ដីឬប្រពន្ធ បោះបង់រង្វង់សង្គមនិងបណ្ដាញរបស់ខ្លួន មិនដែលបែកគ្នាមួយជំហានសោះ បានអីទៅញាំកាហ្វេជាមួយមិត្តភ័ក្ដិ? ជជែកគ្នារឿងសង្គមការងារ អ្វីកើត? ហើយអ្នកណាចង់ជជែកជាមួយយើង បើមួយជំហានណាក៏ឃើញ ប្រពន្ធដើរតាមស្អិត?
៤ ស្មោះត្រង់នឹងប្ដី
ភាពស្មោះត្រង់ ពិបាករកណាស់ពិតមែន។ បុរសណាម្នាក់ដែលមានសំណាងបានភរិយាស្រលាញ់ស្មោះលើញាតិទាំងសងខាង បានសុខនឹងគ្នា គេខ្លាចបំផុតពេលបាត់បង់នាង ព្រោះនារីដែលគិតគូរគេ និងគ្រួសារខាងគេ កម្ររកបំផុតក្នុងលោកនេះ។
សង្គមខ្មែរយើងដែលមានទំនោរទៅរកខាងម្ដាយ បើម្ដាយនិយាយមិនល្អអំពីញាតិខាងឪពុកក៏គង់កូនៗចៅក្រោយមក មិនចូលចិត្តញាតិខាងប្ដីដូចគ្នា។ ដូច្នេះការរើសមនុស្សស្រីមកជាម្តាយកូនៗខ្លួន ជារឿងស្ត្រេសមួយសម្រាប់មនុស្សប្រុស។ មនុស្សជាច្រើនលែងលះភរិយាស្រស់ស្អាតរបស់ខ្លួន ព្រោះនៅនឹងគ្នាមិនកើត ដោយសាររឿងតឹងទ្រូងអស់ទាំងនេះ។
តើបងប្អូននារីមានប៉ុន្មានចំណុចដែរ?
ប្រែសម្រួល៖ហាណា
ចុចអាន៖ខ្សែជីវិតនារីវ័យក្មេងម្នាក់កើតចេញពីគ្រួសារក្រីក្រនៅជាយដែន ត្រូវបានលាតត្រដាងក្នុងកូនសៀវភៅថ្មី
ចុចអាន៖អំណោយពិសេស ល្អបំផុតដែលកូនប្រសាស្រីចង់ថ្លែងអំណរគុណដល់ម្ដាយក្មេក
-
ព័ត៌មានជាតិ១៧ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)