KPT+

ចូលចិត្តទំនិញចុះថ្លៃ ១ ថែម ១ ប្រយ័ត្នកើតជំងឺធាត់

បានផុស

៣ years មុន

នៅ

ថ្ងៃសុក្រ ១៧ កញ្ញា ២០២១

ដោយ

Sonya

គ្នាយើងចូលចិត្តដើរផ្សារ ជាពិសេសទិញអាហារ ចុះថ្លៃ (Discount ) ឬទិញ ១ ថែម ១ អាចប្រឈមនឹងការកើតជំងឺធាត់ខ្លាំង។ នេះបើតាមការស្រាវជ្រាវថ្មីមួយរបស់អង់គ្លេស។

127 Asian Woman Buying Milk At The Supermarket Stock Photos, Pictures & Royalty-Free Images - iStock

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មជ្ឈមណ្ឌលស្រាវជ្រាវជំងឺមហារីក ចក្រភពអង់គ្លេស រកឃើញថា អ្នកចូលចិត្តញ៉ាំអាហារ បែបទិញចុះថ្លៃ មាន ៥០% ជួបហានិភ័យជំងឺធាត់ខ្លាំង បើធៀបទៅនឹងអ្នកពុំសូវមានចំណូលទិញតាមវិធីនេះ។

ការសិក្សា ផ្អែកលើទិន្នន័យ ១៦.០០០គ្រួសារ នៅអង់គ្លេស បានបង្ហាញថា ក្នុងមួយគ្រួសារយ៉ាងតិចមានអាហារជាទំនិញចុះថ្លៃ ១ ពេលក្នុងចំណោមអាហារទាំងបីពេល ហើយអាហារទាំងនោះ ភាគច្រើនជាទំនិញដាក់លក់ចុះថ្លៃមកពីផ្សារទំនើប។

Student Discount | Rosa's Thai Cafe | The home of modern Thai food

ចំពោះអាហារដាក់លក់ចុះថ្លៃ សុទ្ធសឹងតែផ្តល់ផលមិនល្អដល់សុខភាព តួយ៉ាងដូចជា អាហារបំពង ពោតលីង សូកូឡា និងអាហារហឹរជាដើម។ សម្រាប់អ្នកចូលចិត្តទិញទំនិញខាងលើចន្លោះ ៤០-៨០ ភាគរយ មានហានិភ័យខ្ពស់ដល់ទៅ ៥៤% អាចកើតជំងឺធាត់ បើធៀបនឹងអ្នកទិញទំនិញចុះថ្លៃត្រឹម ២០ ភាគរយ។

ការសិក្សាខាងលើ គឺបានធ្វើឡើងទៅតាមមតិយោបល់ពីរដ្ឋាភិបាលអង់គ្លេស បានស្នើសុំឲ្យមានការបិទ កម្មវិធីទិញ ១ ថែម ១ ទៅលើអាហារគ្មានប្រយោជន៍ចំពោះសុខភាព ដែលជាយុទ្ធសាស្រ្តប្រឆាំងកំណើនជំងឺធាត់ ជាពិសេសលើក្មេងៗ។

បើតាមលោក Alison Cox នាយកផ្នែកស្រាវជ្រាវប្រឆាំងជំងឺមហារីក នៃមូលនិធិមជ្ឈមណ្ឌលស្រាវជ្រា វជំងឺមហារីក ចក្រភពអង់គ្លេស បាននិយាយថា “រដ្ឋាភិបាល បានស្នើសុំឲ្យបិទការដាក់លក់ចុះថ្លៃលើអាហារគ្មានប្រយោជន៍សម្រាប់សុខភាពត្រឹមម៉ោង ៩ យប់។ នេះជាជំហានមួយឆ្ពោះកាន់ការប្រឆាំងនឹងជំងឺធាត់។ សម្រាប់ពេលនេះ ពួកយើងចង់ឃើញបម្រាមទៅលើការដាក់ស្លាកលក់ចុះថ្លៃលើអាហារគ្មានប្រយោជន៍សម្រាប់សុខភាព ក៏ដូចជាភេសជ្ជៈមួយចំនួនផងដែរ ជាពិសេសក្បែរកន្លែងគិតលុយ។ ហើយការធ្វើបែបនេះអាចជួយឲ្យគ្រួសារទាំងមូលជ្រើសរើសជម្រើសល្អសម្រាប់សុខភាពវិញ”។