KPT+
រោគសញ្ញាបង្ហាញថា អ្នកធ្វើការលើសកម្រិតខ្លាំង ឬញៀននឹងការងារលែងគិតសុខភាព
ធ្លាប់មានអារម្មណ៍ថាខ្លួនឯងធ្វើការលើសកម្រិត គ្មានពេលសម្រាកឬអត់? សូម្បីពេលហូបបាយ ផឹកទឹកក៏គ្មាន ជជែកជាមួយមិត្តរួមការងារក៏គ្មាន ឬពេលធ្វើកិច្ចការអ្វីផ្សេងក៏អត់ទៀត។ បើមួយថ្ងៃនៅតែមុខកុំព្យូទ័រមិនឈប់ចឹង បានអីរីករាយ បានអីសប្បាយដូចគេទៅ!
នេះក៏ដោយសារកត្តានៃសង្គមបច្ចុប្បន្ន កំពុងជំរុញយើងឲ្យធ្វើការកាន់តែច្រើន។ ដើម្បីភាពជឿនលឿន ដើម្បីលុយ ដើម្បីបន្តការប្រកួតប្រជែង ហើយធ្វើឲ្យមនុស្សធ្វើការច្រើនហួសកម្រិត ដែលត្រូវបានគេហៅថា workaholics ឬ Workaholics ។
Workaholic ពាក្យនេះត្រូវបានកំណត់ដោយ ចិត្តវិទូ Wayne Edward Oates ប្រើដើម្បីពិពណ៌នាអំពីអាកប្បកិរិយារបស់មនុស្សដែលធ្វើការយ៉ាងខ្លាំង ឬហួសកម្រិតនៃការធ្វើការ។
រោគសញ្ញានៃអ្នកធ្វើការងារហួសកម្រិត
-ឈ្លក់វង្វេងនឹងគំនិតរបៀបរបស់ខ្លួន រហូតង់ប់ងល់លែងសូវគិតពីពេលហូបបាយ ឬធ្វើអ្វីផ្សេងទៀត។
-ចំណាយពេលធ្វើការច្រើនជាងអ្វីដែលបានគ្រោងទុក។
-ធ្វើការដើម្បីរក្សាតម្លៃខ្លួនឯងតែប៉ុណ្ណោះ។
-ប្រសិនបើបានធ្វើការតិច នោះនឹងមានអារម្មណ៍ថាមានកំហុស និងព្រួយបារម្ភច្រើនហួសម្រមាណ រហូតដេកមិនលក់។
-មិនចង់ឮ មិនចង់ស្ដាប់សំឡេងរំខានរបស់មនុស្សនៅជុំវិញ (ទម្លាប់ដោតកាសស្ដាប់ភ្លេងធ្វើការ)។
-មានបញ្ហានៃទំនាក់ទំនងជាមួយមនុស្សនៅជុំវិញ ដោយសារតែការងារហួសកម្លាំង។
-មានបញ្ហាសុខភាពនៅកន្លែងធ្វើការ ដូចជាងងុយ ភ្នែកស្លក់ ឆាប់ឃ្លានឆាប់ឆ្អែត ហូបមិនទៀងពេល ជួនឈឺក្បាលស្រ្តេសធុញនឹងខ្លួនឯង។
-ជួនដកដង្ហើមធំ ជួនយកដៃជ្រោងសក់ម្នាក់ឯងបែបធុញៗ។
អ្វីដែលគួរឲ្យចាប់អារម្មណ៍នោះគឺថា អ្នកធ្វើការងារភាគច្រើនមិនដឹងថាពួកគេជាមនុស្សវក់នឹងការងារទេ។ វាអាចត្រូវបានគេហៅថា ការញៀនការងារ។ ជារឿយៗពួកគេមើលថា វាជាការងារច្រើន ប៉ុន្តែជារឿងល្អវិញទេ។
នៅចំណុចខ្លះវាចៀសមិនរួចទេ ដែលថានឹងមានការងារច្រើនយើងត្រូវធ្វើ ឬមួយយើងរីករាយនឹងការងាររហូតដល់យើងចង់ធ្វើវាជាខ្លាំង។ ប៉ុន្តែយ៉ាងណា អ្នកគួរតែថែរក្សាសុខភាពផ្លូវកាយ និងផ្លូវចិត្តផ្ទាល់ខ្លួនឲ្យមែនទែន។
មើលទំនាក់ទំនងជុំវិញ ថាតើមានបញ្ហាឬអត់? ឧទាហរណ៍ថា តើយើងមានរោគសញ្ញាការិយាល័យដែរឬទេ? ព្រោះវាច្រើនតែជារោគសញ្ញាដែលកើតឡើង នៅពេលយើងខំប្រឹងធ្វើការខ្លាំងហួសប្រមាណ។
បន្ទាប់មក រករបៀបដោះស្រាយបញ្ហា អ្វីដែលងាយស្រួលបំផុតគឺត្រូវកំណត់កាលវិភាគការងាររបស់អ្នកឲ្យច្បាស់។ មានពេលសម្រាកមួយដ៏ល្អ បើអ្នកមានពេលទំនេរ ចូរទៅសម្រាកតាមដែលអ្នកចូលចិត្ត។
ការងារអាចរកបាន តែជីវិតមានតែមួយប៉ុណ្ណោះ ដូច្នេះសូមថែសុខភាពខ្លួនផង៕
ប្រែសម្រួល៖ សាង ស្រីល័ក្ខ
ចុចអាន៖កុំគិតថាមិនអី! សញ្ញាគ្រោះថ្នាក់នៃជំងឺធ្លាក់ទឹកចិត្តពីការងារ និងវិធីដោះស្រាយទាន់ពេលវេលា
ចុចអាន៖វិធី ៥ យ៉ាង រៀនគ្រប់គ្រងជីវិត ប្រសិនបើត្រូវបាត់បង់ការងារធ្វើភ្លាមៗដោយមិនបានត្រៀម
ចុចអាន៖គុណភាពខ្យល់ក្នុងបន្ទប់ធ្វើការ អាចប៉ះពាល់ លទ្ធផលការងារ
រូបភាពរលំបាក់អគារគួររន្ធត់នៅថៃ ប៉ុន្តែអាជ្ញាធរបញ្ជាក់ថា ចំនួនអ្នកស្លាប់មាន៩នាក់ដល់ពេលនេះ
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
-
ព័ត៌មានអន្ដរជាតិ១១ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២២ ម៉ោង agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?