KPT+
៣ ចំណុចធំៗ ក្នុងប្រលោមលោក «ថ្ងៃណាមួយ»ដែលអ្នកនិពន្ធខំជម្នះសម្រិតសម្រាំងឡើង
ថ្ងៃណាមួយ ជាខ្សែរឿង BL ដំបូង ដែលកំពុងទទួលការចាប់អារម្មណ៍យ៉ាងខ្លាំងនៅលើវេបសាយអនឡាញរបស់អ្នកនិពន្ធ ម៉ីសន សុធារី។ សាច់រឿងនេះត្រូវសម្រិតសម្រាំងយ៉ាងល្អ ជូនអ្នកអាន និងមាន ៣ ចំណុចធំៗ ដែលអ្នកនិយមអានប្រលោមលោក គួរសិក្សាស្វែងយល់។
ប្រលោមលោក«ថ្ងៃណាមួយ» ជាខ្សែរឿងថ្មី ក្នុងចំណោមប្រលោមលោកល្អៗនិងធំៗទាំង៦ របស់ខ្ញុំក្នុងឆ្នាំ ២០២១ នេះ។
![](https://www.kampucheathmey.com/wp-content/uploads/2021/10/242327048_1738260273035516_3943808714556428310_n-1024x791.jpg)
ថ្ងៃណាមួយ ជាខ្សែរឿង BL ដំបូងដែលខ្ញុំខំសម្រិតសម្រាំងសម្រាប់ក្រុមវ័យជំទង់ ដោយសរសេរចេញពីបេះដូង ចងក្រងឡើងពីបទពិសោធន៍នៃជីវិតពិតៗ ដែលខ្ញុំបានជួបជជែកជាមួយ ព្រមជាមួយការសាកល្បងប្រើប្រាស់បច្ចេកទេសរចនាសម្ព័នរឿងបែប Subverted ដ៏លំបាកស្មុគស្មាញមួយ។
នៅពេលសរសេរ អ្នកនិពន្ធតែងនឹកទៅដល់អ្នកអានរបស់ខ្លួន។ ពួកគេជាអ្នកណា? ហេតុអ្វីគេមកអានរឿងនេះ ? ប្រលោមលោកនេះនឹងមានសក្តានុពលបែបណាទៅកាន់ពួកគេ ដែលកំពុងកាន់សៀវភៅឬកំពុងតែអានអនឡាញ?
ដោយសារនេះ ជាពាក្យសន្យារបស់ខ្ញុំ ចំពោះហ្វេនថ្មីៗដែលមានវ័យក្មេងៗ ខ្ញុំបានសម្រិតសម្រាំងវិធីសាស្រ្តមួយចំនួន បង្កើតនូវប្រធានបទសាមញ្ញៗតែគួរឱ្យចាប់អារម្មណ៍ (ពិបាកបន្តិច)។ បង្កើតនូវឃ្លាសន្ទនា សម្តីសម្តៅដែលមិនមែនចិន ឥណ្ឌាហុងកុង ថៃ ឬកូរ៉េ ជានិន្នាការថ្ មីនៃឆ្នាំ២០២១ពិតៗ ក្បែរជីវិតអ្នកអាន ហើយធាតុដ៏រឹងមាំចំនួន៥ ដែលខ្ញុំខំត្រដាបត្រដួស ដាក់បញ្ចូលឱ្យខាងតែបាន រួមមាន៖
ការយល់ចិត្ត
នេះជាផ្នែកសំខាន់បំផុតមួយនៃការសរសេរសៀវភៅ។ សម្រាប់ទាំងអ្នកនិពន្ធមិនប្រឌិតនិងការប្រឌិតការបើកសៀវភៅឡើងដំបូងត្រូវផ្តល់នូវឱកាសឱ្យអ្នកអានបានឃើញតួអង្គសំខាន់ដែលចាប់ផ្តើមដោយសកម្មភាពឬឈុតឆាកដូចអ្វីដែលអ្នកអានបានឆ្លងកាត់នឹងបានគិតទុកមក។ ប្រើវិធីណាក៏ដោយ អក្សរសិល្ប៍ដ៏អស្ចារ្យមួយ គឺត្រូវតែខ្លាំងដូចការបើក១ទំព័រដំបូងក៏អាចទាញអ្នកអានឱ្យចង់បានសៀវភៅទាំងមូលយកមកឱបទុកថែ។
តួអង្គដែលទាក់ទាញ
អ្នកអានត្រូវការឱ្យនិទានកថា ផ្តល់ឱ្យពួកគេនូវមនុស្សម្នាក់ ដែលងប់ស្រលាញ់ ឬខឹងស្អប់ឬកំណត់អត្តសញ្ញាណច្បាស់ៗ នឹងអាលសម្រេចចិត្តថាតាមទៅទៀតឬឈប់ត្រឹមណេះ។ ដូចមនុស្សនៅក្នុងជីវិតពិតដែរ តួអង្គគួរមានបង្កប់ដោយគុណវិបត្តិនិងគុណសម្បត្តិ ជាធម្មជាតិរបស់មនុស្សសម្រាប់យកមកជម្នះឧបសគ្គនិងការសាកល្បងគុណធម៌របស់ពួកគេ។
ការអភិវឌ្ន៍តួអង្គជារឿយៗមិនអាចញែកដាច់ពីគ្នាបានទេ។ រឿងដំបូងកើតឡើងពេលជេមស៍ទើបតែមានអាយុ១៧ឆ្នាំ ក្រោយមកព្រឹត្តិការណ៍ទាំងអស់ដែលកើតមានលើគេ បានធ្វើ ឱ្យប៉ះពាល់ដល់ចរិតលក្ខណបន្តទៅមុខរបស់គេ សូម្បីតែតួអង្គជំនួយ(ប៉ា ម៉ាក់មិត្ត មិត្តប្រុស មិត្តស្រី)របស់គេ ត្រូវបានអភិវឌ្ឍឡើងយ៉ាងល្អិតល្អន់ផងដែរមិនមែនចេះតែបង្កើតឡើងឱ្យតែមាននោះទេ។
រចនាសម្ព័នរឿងដែលស្រូបទាញ
អ្នកអានគ្រប់គ្នាចង់បានសាច់រឿងល្អ តែគេមិនចេះបច្ចេកទេសតែងនិពន្ធនិងមិនអាចឱ្យនិយមន័យជារួមថា អ្វីទៅហៅថាសាច់រឿងល្អនោះទេ ប៉ុន្តែប្រសិនគេអានហើយចងចាំវា គឺវាចូលដល់បេះដូងហើយ នេះអាចហៅថាប្រលោមលោកល្អមួយ។
ខ្ញុំបានបង្កើតឧប្បត្តិហេតុញុះញង់ ឧទាហរណ៍ការប្រើឥស្សរាចរិយារហូតដល់សកម្មភាពកើនឡើងដល់ចំនុចកំពូលរឿងបង្ហាញពិមជឈដ្ឋានកូនអ្នកមាន Highs how ដែលជាជំងឺសង្គមដ៏ធំអស្ចារ្យមួយនាពេលបច្ចុប្បន្ន ធ្វើឲ្យអ្នកអានចាប់អារម្មណ៍តាំងពីទំព័រដំបូងរហូតតទៅ ហើយគេចង់ឃើញនាងរងទុក្ខដោយសារទង្វើអួតអាងរបស់នាង។ គ្មានតួអង្គណាទាក់ទាញជាងនាងទៀតនោះទេ ក្រៅពីតួអង្គឯក ទោះបីទេពណារ៉ាក៏ដោយ នៅពេលឥស្សរាចរិយាចេញមុខ ទេពណារ៉ាបានធ្លាក់ទៅលំដាប់លេខរៀងទី៣។
![](https://www.kampucheathmey.com/wp-content/uploads/2021/10/244108005_1746503442211199_3232164522619039332_n-1024x791.jpg)
ទោះយ៉ាងណា សិល្បៈទាក់ទាញក្នុងបទនិពន្ធមិនកើតឡើងដោយចៃដន្យទេ អ្នកនិពន្ធល្អតែងតែចំណាយពេលរាប់ម៉ោង រាប់ខែ រាប់មិនអស់ ក្នុងការគូសវាសគ្រោងរឿង ដូច្នេះយើងតែងដឹងមុនអំពីព្រឹត្តិការណ៍ជាក់លាក់ដែលតួអង្គឯករបស់យើងនឹងត្រូវឆ្លងកាត់ ហើយដោះស្រាយដោយរបៀបណា ៕
នៅមានចំណុចច្រើនទៀតដែលអាចរៀនបានពីបទនិពន្ធមួយនេះចុចអាន រឿង ថ្ងៃណាមួយ
ចុចអាន៖វិធីធ្វើឲ្យប្រលោមលោកយើងមានលក្ខណៈផ្ទាល់ខ្លួន
ចុចអាន៖អ្នកស្រី ម៉ីសន សុធារី បង្ហើប ៥ ចំណុចសម្គាល់ថា បុគ្គលនោះអាចក្លាយជាអ្នកនិពន្ធអាជីពបាន
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម២ ថ្ងៃ ago
«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
សន្តិសុខសង្គម៥ ថ្ងៃ ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានអន្ដរជាតិ៤ ថ្ងៃ ago
ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ជីវិតកម្សាន្ដ៥ ថ្ងៃ ago
ផ្ទុះការចាប់អារម្មណ៍នឹងយុវតីម្នាក់ សំឡេងពីរោះ ច្រៀងស្រដៀងនឹងរាជិនីសំឡេងសារិកាមាស ប៉ែន រ៉ន
-
សន្តិសុខសង្គម១ សប្តាហ៍ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ២ ថ្ងៃ ago
ករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង
-
ជីវិតកម្សាន្ដ២ ថ្ងៃ ago
G-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ចរាចរណ៍២ ថ្ងៃ ago
ផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត