KPT+

ចេះគ្រប់គ្នាល្អ! វិធីសង្គ្រោះបឋម ពេលឃើញមនុស្សលង់ទឹក

បានផុស

៣ years មុន

នៅ

ថ្ងៃសៅរ៍ ៩ តុលា ២០២១

ដោយ

Sonya

ករណីលង់ទឹក អាចកើតឡើងបានលឿនមែនទែន ពិសេសចំពោះកូនក្មេង និងគ្នាយើងដែលមិនចេះហែលទឹកតែចូលចិត្តទៅលេងទឹក។ ត្បិតតែពេលខ្លះយើងគិតថាមិនមានអ្វីកើតឡើង ឬលេងទឹកកន្លែងមនុស្សច្រើនមិនសូវភ័យ ប៉ុន្តែរឿងអាក្រក់អាចកើតឡើង ហើយភាគច្រើនមិនសូវមានមនុស្សដឹងពីវិធីសង្គ្រោះបឋមប៉ុន្មានទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វិធីសង្គ្រោះបឋមពេលមនុស្សលង់ទឹក

១. មុននឹងចូលទៅសង្គ្រោះជនរងគ្រោះ យើងត្រូវគិតពីសុវត្ថិភាពផ្ទាល់ខ្លួន ដើម្បីចៀសវាងយើងក្លាយជាជនរងគ្រោះមួយរូបទៀត។ មុនពេលចូលទៅជួយគេ យើងគួរពាក់អាវពោង ឬខ្សែពួរសម្រាប់អ្នកដទៃងាយស្រួលទាញយើង និងជនរងគ្រោះឡើងគោកវិញ។

Nằm mơ thấy cứu người có ý nghĩa gì? Đánh con gì?

២. ប្រសិនបើមានមនុស្សនៅកន្លែងកើតហេតុច្រើន ឲ្យនរណាម្នាក់ខលហៅឡានសង្គ្រោះបន្ទាន់ (បើអាច)

៣. ក្នុងករណីជនរងគ្រោះ នៅមានស្មារតី យើងអាចឲ្យជនរងគ្រោះតោងខ្សែពួរ ឬមែកឈើ រួចទាញជនរងគ្រោះមកក្បែរខ្លួន។ ត្រូវចាំថា អ្នកជួយសង្គ្រោះមិនគួរព្យាយាមប៉ះជនរងគ្រោះលង់ទឹកដែលកំពុងភ័យស្លន់ស្លោដោយផ្ទាល់ឡើយ ព្រោះអាចមានគ្រោះថ្នាក់ទាំងអស់គ្នា។

៤. ក្នុងករណីជនរងគ្រោះបាត់បង់ស្មារតី យើងគួរប្រើទូកទៅយកជនរងគ្រោះ(បើមាន) ឬអ្នកសង្គ្រោះចងខ្សែពួរនៅចង្កេះ មុនចូលទៅជួយជនរងគ្រោះ រួចឲ្យអ្នកនៅលើគោកទាញទាំងអ្នកសង្គ្រោះ និងជនរងគ្រោះ។

៥. ពេលជនរងគ្រោះដល់លើគោក យើងគួរព្យាយាមសង្គ្រោះជីវិតជនរងគ្រោះ។ ប្រសិនបើ អាកាសធាតុត្រជាក់ ជំហានដំបូងគឺត្រូវដោះសំលៀកបំពាក់ជនរងគ្រោះចេញ រួចយកកន្សែង ឬភួយមករុំជនរងគ្រោះ និងតាមដានបញ្ហាចុះកម្ដៅខ្លួនលើជនរងគ្រោះ។ ប្រសិនបើជនរងគ្រោះមិនដកដង្ហើម យើងត្រូវធ្វើ CPR។

៦. វិធីសង្គ្រោះ CPR ម្ដងៗ មានការសង្កត់ទ្រូង ៣០ដង រួចផ្លុំខ្យល់ដង្ហើម ២ ដង ធ្វើបែបនេះឲ្យបាន ៥ដង មុននឹងពិនិត្យមើលជីពចរជនរងគ្រោះម្ដងទៀត។ បើនៅតែមិនមានជីពចរដដែលទេ ត្រូវធ្វើ CPR ចំនួន ៥ដងទៀត រហូតទាល់តែមានជីពចរ ឬឡានសង្គ្រោះមកដល់។ បើប្រទះឃើញជនរងគ្រោះមានជីពចរ តែមិនមានដង្ហើម ត្រូវជួយផ្លុំដង្ហើមចំនួនមួយ រៀងរាល់ ៥ វិនាទីម្តង ដោយផ្លុំ ១២ ដង/នាទី។

Reviving a drowning victim using first aid - FamilyEducation

ជាចុងក្រោយ ដើម្បីសុវត្ថិភាពផ្ទាល់ខ្លួន យើងគួរចៀសវាងលេងទឹក ប្រសិនបើយើងមិនចេះហែលទឹកស្រួលបួល ឬអាចលេងកន្លែងរាក់ៗ ដែលមានមនុស្សឃ្លាំមើល និងងាយស្រួលចាំសង្គ្រោះ (lifeguard) ទើបមិនសូវមានហានិភ័យដល់ជីវិត៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ តើត្រូវសង្រ្គោះបែបណាពេលមានគ្រោះថ្នាក់រលាកភ្លើង រលាកទឹកក្តៅ ទឹកអាស៊ីត…

ចុចអាន៖ វិធីសង្គ្រោះខ្លួនឯងពេលពើបប្រទះឆ្កែកាចឬឆ្កួតតាមផ្លូវ