នៅក្មេងមែនពិត តែព្រះរាជកុមារក្នុងខ្សែរាជវង្សទាំងនេះ មានបំផុតនៅក្នុងពិភពលោក

យើងធ្លាប់តែគិតថា មហាសេដ្ឋីឬអ្នកមានៗនៅលើពិភពលោកនេះ តែងជាមនុស្សធំនិងមនុស្សចាស់ ដែលធ្លាប់មានបទពិសោធន៍យូរឆ្នាំប៉ុណ្ណោះ។ ប៉ុន្តែបើក្រឡេកមើលអ្នកមានលុយកប់ពពកនេះ​វិញ សុទ្ធ​តែ​ជា​កុមារ​តូចៗ ស្ថិតនៅក្នុង​ខ្សែ​រាជវង្ស​ទាំងអស់។

១ ព្រះអង្គម្ចាស់ George Alexander Louis ១ ពាន់លានដុល្លារ

រាជ​កុមារ​មួយ​អង្គ​ ក្នុង​ចំណោម​អ្នក​មាន​បំផុត​នៅ​លើ​ពិភពលោក ​គឺ​ព្រះអង្គ​ម្ចាស់ George Alexander Louis មាន​ទ្រព្យសម្បត្តិ​ប្រមាណ ២,៤ ពាន់លាន​ដុល្លារ គិតត្រឹមថ្ងៃ ០២ តុលា ឆ្នាំ ២០២១ ។ ប្រសូត្រនៅថ្ងៃទី ២២ ខែ កក្កដា ឆ្នាំ ២០១៣ ព្រះអង្គម្ចាស់ George ត្រូវ​បាន​គេដឹង​ថា ​ជា​រាជកុមារ​នៃ Cambridge ដែល​ជា​អ្នក​មាន​បំផុត​នៅ​លើ​ពិភពលោក។

ព្រះអង្គម្ចាស់ George គឺជា​កូនប្រុស​ច្បង​របស់​ព្រះអង្គម្ចាស់ William Duke of Cambridge និងមាតា​Catherine, the Duchess of Cambridge។

២ ព្រះនាង Charlotte មានតម្លៃជាង ៣ ពាន់លានដុល្លារ

វា​អាច​ជាការភ្ញាក់ផ្អើលមួយ ដែលថា Charlotte មាន​តម្លៃ​ច្រើន​ជាង​បងប្រុស George ចម្លើយ​គឺ​ស្ថិត​នៅ​ត្រង់​ភេទ​របស់​ពួកគេ។ ទីផ្សារ​ផលិតផល​និង​សំលៀកបំពាក់​ស្ត្រី​ គឺ​ធំ​ជាង​បុរស ​ដូច្នេះ Charlotte ត្រូវបាន​គេ​វាយតម្លៃ​ខ្ពស់បំផុត​ដោយសារតែ​ឥទ្ធិពល​របស់​ព្រះនាង និងមាន​លើការ​លក់​ផលិតផល​នៅ​ក្នុង​ទីផ្សារ​នោះ។ ព្រះនាង​មាន​តូច​មែន​ពិត​តែ​មាន​ឥទ្ធិពល​ខ្លាំង​ ដោយ​ស្ថិត​នៅ​ក្នុង​លីក​ផ្ទាល់ខ្លួន។ Charlotte ជា​កូនស្រី​តែ​ម្នាក់​គត់​របស់ William និង Middleton បាននាំយកជិត ២០០ លាន​ដុល្លារ​ដល់​សេដ្ឋកិច្ច​អង់គ្លេស។ នេះ​ភាគច្រើន​ដោយសារតែ Charlotte គឺ​ជា​ក្មេងស្រី​ហើយ​ក្មេង​ស្រី​មាន​និន្នាការ ​បង្កើន​ការ​លក់​នៅ​ក្នុង​ឧស្សាហកម្ម​ម៉ូដ​សំលៀកបំពាក់​ល្អ​ជាង​ក្មេង​ប្រុស។

៣ ព្រះអង្គម្ចាស់ Louis

ព្រះអង្គ​ម្ចាស់​តូច Louis មានទ្រព្យសម្បត្ដិតិចបំផុត ក្នុងចំណោមបងប្អូនបង្កើត​របស់​ព្រះអង្គ​ ប៉ុន្តែ​សម្រាប់​ក្មេង​អាយុ ៣ ឆ្នាំ ព្រះរាជកុមារអង្គនេះ ធ្វើបានល្អ ដោយមានទ្រព្យសម្បត្តិសរុបប្រមាណពី ៧០ លានទៅ ១២៥ លានដុល្លារ។ Louis ប្រហែលជាដើរតាមគន្លងរបស់ George និង Charlotte ហើយចាប់ផ្តើម​នៅសាលា Thomas’s Battersea ក្នុងខែ កញ្ញា ឆ្នាំ ២០២២ នៅពេល​មានអាយុ ៤ ឆ្នាំ។ ព្រះអង្គម្ចាស់ Louis បានបង្ហាញខ្លួនជាសាធារណៈពីរបីដង។ អ្នកជំនាញជឿជាក់ថា Louis បាននាំ​យក​ប្រាក់​ប្រហែល ៧០ ទៅ ១២៥ លានដុល្លារក្នុងការលក់​ទំនិញ និងការ​លក់​សម្ភារ​ទារក​កាលពីឆ្នាំ​មុន។

៤ ព្រះអង្គម្ចាស់ Archie Mountbatten-Windsor

កូនច្បងរបស់ Meghan Markle និងព្រះអង្គម្ចាស់ Harry ជាទារក Archie មានទ្រព្យសម្បត្តិសុទ្ធ​ប្រមាណ ២៥ លានដុល្លារទៅ ៤០ លាន​ដុល្លារ។ ទារកតូចនេះ​ មិនប្រឈមមុខនឹងភារកិច្ចរាជវង្សដូចបងប្អូនជីដូនមួយឡើយ ​ ដូច្នេះនឹងមានសេរីភាពច្រើន​ជាង ក្នុងការបន្តអាជីពក្រៅ​ប្រពៃណីគ្រួសារ​ ដោយផ្តល់ឲ្យទារកតូច​នូវវិសាលភាពក្នុងការបន្តអាជីព​ណាមួយ។ Archie Harrison បង្កើតប្រាក់រាប់លានសម្រាប់សេដ្ឋកិច្ច ដោយអ្នក​ជំនាញជឿជាក់ថា Archie នឹងនាំមកនូវការលក់ជាងមួយពាន់លានដុល្លារ ក្នុងរយៈពេលពីរឆ្នាំខាងមុខ ដែលភាគច្រើនជារបស់ទារកថ្មីៗ និងវត្ថុអនុស្សាវរីយ៍ទាក់ទងនឹងគ្រួសាររាជវង្ស។

៥ Lilibet Mountbatten-Windsor

Little Lilibet មានអាយុទើបតែ ៦ ខែ ​ដូច្នេះ​សក្តានុពល​ទ្រព្យសម្បត្តិ​សុទ្ធ​របស់​ព្រះនាង ​មិន​ទាន់​ត្រូវ​បាន​ដឹងនៅ​ឡើយ​ទេ។ ស្រដៀង​នឹង​បងប្រុស​របស់​នាង​ដែរ Lilibet នឹង​មិន​ប្រឈមមុខ​នឹង​ការ​យកចិត្តទុកដាក់ពី​រាជវង្ស​ ដូចបង​ប្អូនជីដូនមួយ​របស់​នាង​ទេ ដូច្នេះ​អាច​ជ្រើសរើស​ផ្លូវ​អាជីព​ខុស​ពី​សាខា​ចក្រភពអង់គ្លេស​នៃ​គ្រួសារ​៕

ប្រែសម្រួល៖ សាង ស្រីល័ក្ខ

ចុចអាន៖ទម្លាប់ធំទាំង ៦ បើចង់កសាងអ្វីៗ ពីបាតដៃខ្លួនឯង

ចុចអាន៖មកដឹងលុយវាល់លានរបស់កំពូលក្លឹបបាល់ទាត់អឺរ៉ុបទាំង ១០ ប្រចាំឆ្នាំ ២០២១-២០២២