៨ ទីតាំង ចែកកាតចាក់វ៉ាក់សាំងឥតគិតលុយ សម្រាប់អ្នកមិនទាន់បាន

សម្រាប់ប្រជាពលរដ្ឋដែលចាក់វ៉ាក់សាំងដូសទី២រួចរាល់ តែមិនទាន់ទទួលបានប័ណ្ណចាក់វ៉ាក់សាំង អាចទៅទទួលប័ណ្ណរបស់ខ្លួនចាប់ពីពេលនេះតទៅ នៅតាមបណ្ដាខណ្ឌទាំង ៦ (៨ទីតាំង) ក្នុងរាជធានីភ្នំពេញ ដោយឥតគិតថ្លៃ។

ប្រធានអនុគណៈកម្មការចំពោះកិច្ចចាក់វ៉ាក់ស៊ាំងកូវីដ-១៩ ក្រសួងការពារជាតិនឹងចែកប័ណ្ណចាក់វ៉ាក់សាំងកូវីដ-១៩ ជូនប្រជាពលរដ្ឋដោយឥតបង់ប្រាក់ នៅតាមមូលដ្ឋានកងរាជអាវុធហត្ថខណ្ឌ ចំនួន ៦ខណ្ឌ ក្នុងរាជធានីភ្នំពេញ និងនៅបញ្ជាការដ្ឋានកងពលតូចលេខ៧០ ដើម្បីបង្កលក្ខណៈងាយស្រួល ដល់ប្រជាពលរដ្ឋមកទំនាក់ទំនងទទួលយកប័ណ្ណចាក់វ៉ាក់សាំងកូវីដ-១៩ ក្រសួងការពារជាតិ នៅតាមមូលដ្ឋានរៀងៗខ្លួន ។

អាស្រ័យហេតុនេះ សូមប្រជាពលរដ្ឋនៅតាមមូលដ្ឋានដែលបានវ៉ាក់សាំងកូវីដ-១៩ដូសទី២រួចហើយ អាចមកទំនាក់ទំនងជាមួយក្រុមការងារមូលដ្ឋានកងរាជអាវុធហត្ថខណ្ឌ និងក្រុមការងារនាយទាហាន នៅបញ្ជាការដ្ឋានកងពលតូចលេខ៧០ ដោយភ្ជាប់មកជាមួយលិខិតចាក់វ៉ាក់សាំងកូវីដ-១៩ ផ្ទាល់ខ្លួន ដើម្បីទទួលយកប័ណ្ណចាក់វ៉ាក់សាំងកូវីដ-១៩ ក្រសួងការពារជាតិ ដោយឥតបង់ប្រាក់។

ប្រជាពលរដ្ឋអាចមកទំនាក់ទំនងទទួលយកប័ណ្ណចាក់វ៉ាក់សាំងកូវីដ-១៩ ពីក្រុមការងារមូលដ្ឋាន កងរាជអាវុធហត្ថខណ្ឌ និងក្រុមការងារនាយទាហាននៅបញ្ជាការដ្ឋានកងពលតូចលេខ៧០ នូវរៀងរាល់ម៉ោងធ្វើការ ចាប់ពីម៉ោង ៧:៣០ ដល់ម៉ោង ១១:០០ ព្រឹក និងរសៀលចាប់ម៉ោង ១:៣០ ដល់ម៉ោង ៥:០០ នាទីល្ងាច និងតាមរយៈទូរសព្ទទំនាក់ទំនងនៅតាមមូលដ្ឋានខណ្ឌចំនួន៦ ក្នុងរាជធានីភ្នំពេញ ដូចខាងក្រោម។

អត្ថបទ៖ សន្យា

ចុចអាន៖ បង្ហោះបណ្ណចាក់វ៉ាក់សាំងដូសជំរុញព្រោងព្រាតលើហ្វេសប៊ុក មានដឹងគុណវិបត្តិឬនៅ?

ចុចអាន៖ កាតវ៉ាក់សាំងសំខាន់ណាស់ ចុះបើបាត់ គួរធ្វើយ៉ាងម៉េច?