KPT+

រឿងមិនពិត ៣ យ៉ាង ខំជឿស្លុងតាមចាស់ៗរាប់ឆ្នាំ មកទល់សព្វថ្ងៃ

បានផុស

៣ years មុន

នៅ

ថ្ងៃអង្គារ ១៩ តុលា ២០២១

ដោយ

ពាក្យចចាមអារ៉ាមស្ដាប់តពីចាស់ៗ ពីមាត់មួយទៅមាត់មួយ ខ្លះពិត ខ្លះត្រូវការបកស្រាយ ហើយខ្លះទៀតអត់ពិតតែម្ដង។ រឿងអីខ្លះដែលយើងដឹងពីចាស់ៗ ហើយភ្លេចរកភស្ដុតាង ដែលព្យាយាមប្រដៅ ឬណែនាំក្មេងៗ?

១- ខូចភ្នែក បើមើលទូរទស្សន៍ជិតពេក

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខំជឿតាំងពីក្មេង តាមពិត រឿងនេះខុសទាំងស្រុង។ មើលទូរទស្សន៍ ឬអង្គុយជិត មិនធ្វើឲ្យខូចភ្នែកទេ។ សម្លឹងអេក្រង់កុំព្យូទ័រ ឬទូរទស្សន៍ជិតពេក មិនធ្វើឲ្យភ្នែកខូច ប៉ុន្តែអាចបង្កឲ្យមានអាការឈឺក្បាល បើមើលយូរពេក។ ទោះជាប្រើអេក្រង់រាបស្មើ ឬពាក់វ៉ែនតាជំនួយ ក៏គេចអត់ផុតពីឈឺក្បាលដែរ។

២- ខូចភ្នែក បើមើលសៀវភៅកន្លែងងងឹត

ទីខ្វះពន្លឺ ឬងងឹត ធ្វើឲ្យភ្នែកយើងខំសម្លឹងគ្រប់អក្សរ គ្រាន់តែពិបាកអាន ឬមើលមិនច្បាស់ប៉ុណ្ណោះ។ គ្នាយើងខ្លះប្រហែលធ្លាប់ឮចាស់ៗប្រាប់ថា ពីមុនរៀន ប្រើតែភ្លើងធូប ភ្លើងទៀន ឬចង្កៀងប្រេងកាត ព្រោះមិនមានអំពូលដូចឥឡូវទេ។ នៅកន្លែងខ្វះពន្លឺ មិនអាចធ្វើឲ្យភ្នែកខូច ប៉ុន្តែភ្នែកអាចហត់នឿយច្រើនជាងពេលមានពន្លឺគ្រប់គ្រាន់។

៣- ពាក់វ៉ែនតាធ្វើឲ្យភ្នែកអត់វ៉ែនតាអត់បាន

វ៉ែនតាអាចជួយកែខៃការមើលព្រិលឲ្យឃើញកាន់តែច្បាស់ ប៉ុន្តែមិនមានន័យថា ភ្នែកអាស្រ័យលើវ៉ែនតាទេ។ វាមិនបានផ្លាស់ប្តូរអ្វីមួយរបស់ភ្នែកទេ ហើយយើងកំពុងទម្លាប់ស៊ាំនឹងមើលអ្វីៗកាន់តែច្បាស់ឡើងៗ។ ពាក់វ៉ែនតាដែលមានវេជ្ជបញ្ជាខុស មិនខូចភ្នែកទេ គ្រាន់តែឃើញមិនច្បាស់ល្អដូចការឲ្យយោបល់ និងពេទ្យកំណត់ដឺក្រេ៕

អត្ថបទផ្ដល់ដោយ៖ Hello Krupet

ចុចអាន៖ប្អូនៗជិតពេញវ័យ ត្រូវដឹងរឿងទាំងនេះ

ចុចអាន៖ទង្វើយុវវ័យនិយមធ្វើទាំងនេះ ត្បិតជួយឲ្យធូរអារម្មណ៍មួយពេល តែប៉ះពាល់រាងកាយខ្លាំង

ចុចអាន៖យុវវ័យស្ត្រេសច្រើន កុំទៅផឹកស្រាបន្លប់ទុក្ខ ប្រើវិធីនេះវិញ ហុចផលល្អខ្លាំង