សុខភាព
ទឹកអំពៅ ពិបាករកនៅស្រុកគេ សំបូរនៅស្រុកយើង បានជាយើងរំលងអត្ថប្រយោជន៍វា
ទឹកអំពៅមិនត្រឹមតែមានរសជាតិផ្អែមឆ្ងាញ់ដោយធម្មជាតិប៉ុណ្ណោះទេ ប៉ុន្តែបង្កប់នូវអត្ថប្រយោជន៍សុខភាពយ៉ាងច្រើនដែលយើងមើលរំលង។
ទឹកអំពៅមានប្រជាប្រិយភាពខ្លាំងនៅរដូវក្តៅ ជាពិសេសពេលរាងកាយត្រូវការការបំពេញបន្ថែមនូវថាមពល។
ទឹកអំពៅក៏ថែមទំាងជាឱសថធម្មជាតិមួយដែលអាចជួយចំពោះបញ្ហាសុខភាពបាន។ វាសំបូរទៅដោយសារធាតុប្រឆាំងអុកស៊ីតកម្ម ដូច្នេះវាជួយប្រយុទ្ធប្រឆាំងនឹងការឆ្លងនិងបង្កើនភាពស៊ាំ។ វាសំបូរទៅដោយជាតិដែក ម៉ាញ៉េស្យូម កាល់ស្យូមនិងអេឡិចត្រូលីតផ្សេងៗ ដូច្នេះវាល្អសម្រាប់ការខ្វះជាតិទឹក ជួយព្យាបាលជំងឺផ្តាសាយទូទៅ និងជំងឺឆ្លងផ្សេងៗទៀត ហើយក៏ជួយប្រឆាំងនឹងគ្រុនក្តៅផងដែរ ព្រោះវាជួយបង្កើនកម្រិតប្រូតេអ៊ីនក្នុងខ្លួន។ ក្រៅពីនេះមានអត្ថប្រយោជន៍សុខភាពដ៏អស្ចារ្យមួយចំនួនទៀតដែលអ្នកត្រូវដឹងដូចខាងក្រោម៖
១. គុណប្រយោជន៍មួយដ៏សំខាន់បំផុតចំពោះសុខភាពរបស់ទឹកអំពៅគឺ ជួយលាងសម្អាតតម្រងនោម គ្រួសក្នុងតម្រងនោម និងធ្វើឲ្យតម្រងងនោមមានដំណើរការល្អ។
២. ទឹកអំពៅក៏ជួយពង្រឹងថ្លើម ដូច្នេះវាត្រូវបានគេស្គាល់ថា ជាឱសថព្យាបាលជំងឺខាន់លឿងបានល្អ។ ទឹកអំពៅជួយបំពេញបន្ថែមរាងកាយជាមួយនឹងប្រូតេអ៊ីនដែលបាត់បង់ និងសារធាតុចិញ្ចឹមដែលថ្លើមត្រូវការដើម្បីធ្វើឲ្យរាងកាយជាសះស្បើយពីជំងឺបានយ៉ាងឆាប់រហ័ស។
៣. អត្ថប្រយោជន៍សុខភាពដ៏សំខាន់មួយទៀតរបស់ទឹកអំពៅគឺ វាសំបូរទៅដោយសារធាតុកាបូអ៊ីដ្រាត ប្រូតេអ៊ីន ជាតិដែក ប៉ូតាស្យូម និងសារធាតុចិញ្ចឹមសំខាន់ៗដទៃទៀតដែលនាំឱ្យវាក្លាយជាភេសជ្ជៈថាមពលដ៏ល្អ។ ជាពិសេសនៅក្នុងខែរដូវក្តៅទឹកអំពៅត្រជាក់មួយកែវជួយបង្កើនកម្រិតថាមពលដែលថយចុះ និងបង្កើតប្លាស្មានិងវត្ថុរាវក្នុងរាងកាយជួយប្រឆាំងភាពស្ងួតនិងការអស់កម្លាំង។
៤. ទឹកអំពៅធ្វើឲ្យពោះវៀនដើរល្អ និងជួយបំបាត់ការទល់លាមក ។ ទឹកអំពៅក៏មានជាតិម្យ៉ាងឈ្មោះ អាល់កាឡាំង ដែលល្អសម្រាប់ព្យាបាលជាតិអាស៊ីតនិងការរលាកក្រពះផងដែរ។
៥. ទឹកអំពៅមាន glycemic index (GI) ទាប ដូច្នេះវាល្អសម្រាប់អ្នកជំងឺទឹកនោមផ្អែម។ ការសិក្សាមួយបានបង្ហាញថា ការផឹកទឹកអំពៅមិនធ្វើឲ្យកម្រិតជាតិស្ករក្នុងឈាមរបស់អ្នកជំងឺទឹកនោមផ្អែមឡើងទេ។ ទោះជាយ៉ាងនេះ អ្នកជំងឺគួរតែពិគ្រោះជាមួយគ្រូពេទ្យមុនពេលអ្នកចាប់ផ្តើមផឹកទឹកអំពៅដោយខ្លួនឯង។
៦. ទឹកអំពៅក៏សំបូរទៅដោយជាតិរ៉ែដែលជួយការពារការពុកធ្មេញ និងជួយសម្រួលការដកដង្ហើមមិនល្អ៕
ប្រែសម្រួល៖ សន្យា
ប្រភព៖ food.ndtv
ចុចអាន៖ គុណប្រយោជន៍សុខភាព ៣យ៉ាង ពីអង្ករសម្រូបគ្រប់គ្នាគួរដឹង
ចុចអាន៖ មិនថាចាស់ ឬក្មេងទេ បើមិនខ្វល់រឿងទាំងនេះ ជំងឺលើសឈាមនៅជិតបង្កើយ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១២ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ