តួឯកប្រុស “Squid Game” តាមពិតជាម្ចាស់ជំនួញធំៗរហូតដល់ទៅ ៣

តួឯកប្រុស Squid Game លោក Lee Jung-jae មិនត្រឹមតែជាតារាសម្ដែងពោរពេញដោយបទពិសោធន៍មកជាច្រើនឆ្នាំ លោកជាតារាម៉ូឌែលល្បីឈ្មោះ ​និងមានជំនួញមួយចំនួននៅក្នុងដៃថែមទៀត។

តារាប្រុសវ័យ ៤៨ ឆ្នាំរូបនេះ បានចូលប្រឡូកក្នុងវិស័យភាពយន្តតាំងពីឆ្នាំ ១៩៩៣ មកម្ល៉េះ ​និងធ្លាប់ដើរតួទាំងភាពយន្តទូរសទស្សន៍ ភាពយន្តខ្នាតធំ ក៏ដូចជាភាពយន្តភាគនានា មិនតិចរឿងនោះទេ។

ក្រៅតែពីអាជីពជាតារាសម្ដែង លោកក៏ជាអ្នកបង្ហាញម៉ូដដ៏មានប្រជាប្រិយនៅកូរ៉េខាងត្បូង និងត្រូវបានហ្វេនដឹងផងដែរថា លោកជាម្ចាស់ជំនួញធំចំនួន ៣ នៅក្នុងប្រទេស។

ប្រភពពី Wikipedia បានឱ្យដឹងថា Lee Jung-jae បានបើកដំណើរការភោជនីយដ្ឋានអាហារអ៊ីតាលីលំដាប់ខ្ពស់មួយ កំលុងឆ្នាំ ២០០០ នៅទីក្រុងសេអ៊ូល ដែលដាក់ឈ្មោះថា Il Mare។ ប្រភពបន្តថា ភោជនីយដ្ឋាននេះ ជាការរចនាម៉ូដដោយ Jung-jae ផ្ទាល់ទៀតផង។

បន្ថែមពីលើនោះ តួឯកប្រុសរូបនេះ បានចូលទុនគ្នាជាមួយមិត្តជិតស្និទ្ធរបស់លោកគឺតារាសម្ដែង Jung Woo-sung ដើម្បីបង្កើតក្រុមហ៊ុនអចលនទ្រព្យមួយឈ្មោះ Seorim C&D ក្នុងឆ្នាំ ២០០៨។

លុះមកដល់ ខែឧសភា ឆ្នាំ ២០១៦ សម្លាញ់ទាំងពីរបានបង្កើតក្រុមកម្សាន្តមួយទៀតឈ្មោះ Artist Company ហើយដៃគូសហការបានលើកលោក Lee Jung-jae ឱ្យក្លាយជានាយកប្រតិបត្តិ រហូតមកទល់បច្ចុប្បន្ន៕

ប្រែសម្រួល៖ សន្យា

ចុចអាន៖ នេះតម្លៃខ្លួនតួសំខាន់ទាំង ៣រូប ក្នុងភាពយន្ត “Squid Game”

ចុចអាន៖ តាមពិត តួស្រីរឿង Squid Game មិនមែនជាតារាសម្ដែងទេ តែមានអាជីពមួយនេះ