KPT+

កំពូលអ្នកឌីស្សាញប្លែកៗ ឃើញរូបហើយ ពិតជាសក្ដិសមជាមួយពានរង្វាន់ហួសចិត្ត

បានផុស

៣ years មុន

នៅ

ថ្ងៃពុធ ២៧ តុលា ២០២១

ដោយ

ដើម្បីទទួលបានលទ្ធផលការងារល្អ អ្នកឌីស្សាញមួយៗគឺផ្ចិតផ្ចង់ណាស់ មិនហ៊ានឲ្យមានកំហុសឆ្គងកើតឡើង នាំឲ្យភ្ញៀវ ឬអ្នកមើលមិនពេញចិត្តឡើយ។

ប៉ុន្តែខាងក្រោមនេះ ជាកំពូលអ្នកឌីស្សាញប្លែកៗ ក្រោយឃើញហើយនឹងអស់សំណើច សមនឹងទទួលបានពានរង្វាន់ហួសចិត្តប្រចាំឆ្នាំ ៖

១ គ្រែនេះដូចជាការថតរៀបចំឈុតឆាក ពីរឿងឧក្រិដ្ឋកម្មតាមកញ្ចក់ទូរទស្សន៍ ប៉ុន្តែវាមិនមែនទេ។ នេះធ្វើជាការឌីស្សាញខុសបច្ចេកទេសរបស់ក្រុមហ៊ុនមួយឈ្មោះ Crappy Design ដែលបានរៀបចំកម្រាលពូកឲ្យភ្ញៀវខុសតែប៉ុណ្ណោះ។ ប៉ុន្តែសួរថា មានភ្ញៀវណាហ៊ានសម្រាកនៅលើគ្រែបែបនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២ ការរចនានៅលើថង់នំប៉័ងនេះ ធ្វើឲ្យវាហាក់ដូចជាចំណិតនំប៉័ង ដូចជាត្រូវបានដុះផ្សិត។ បើភ្ញៀវឃើញហើយ ក៏មិនហ៊ានទិញមកដូចគ្នាដែរ។

៣ ផ្ទាំងប៉ាណូនេះបានឌីស្សាញខុសបច្ចេកទេស ដោយទីភ្នាក់ងារផ្សាយពាណិជ្ជកម្មគួរតែគិតពីរដង មុននឹងដាក់ទារកនៅលើសញ្ញានេះ។ រូបភាពមួយនេះ ប្រៀបដូចជាឪពុកម្តាយបានបោះបង់ទារករបស់ពួកគេនៅក្នុងធុងសំរាម និងនៅលើឆ្នេរមួយដែលនាំឲ្យមានការភាន់ច្រឡំពីមហាជន។

៤ សំពត់ដ៏អាក្រក់នេះ គ្មាននារីរូបណាហ៊ានស្លៀកចេញទៅក្រៅឡើយ ដោយសារតែវាមើលទៅចម្លែកខុសគេ និងមិនគួរឲ្យទាក់ទាញសោះឡើយ។

៥ ការរចនានេះ នាំឲ្យអតិថិជនមិនជឿជាក់លើការទិញសំបកកង់ដែលផលិតនៅប្រទេសឈីលីនោះទេ។ អ្នករចនាមិនគួរដាក់ពាក្យ “ការព្រមានអំពីសុវត្ថិភាព” និង “ផលិតនៅប្រទេសឈីលី” នៅក្រោមវាឡើយ។ វាបង្ហាញថាសំបកកង់ខូច។ ធ្វើដូច្នេះ អ្នកបើកបរភាគច្រើននឹងព្រួយបារម្ភអំពីការបើកបររបស់ពួកគេ។

៦ សាកស្រមៃមើលថា តើអ្នកនឹងមានអារម្មណ៍យ៉ាងណា ប្រសិនបើមាននរណាម្នាក់បង្ខំអ្នកឲ្យស្លៀកពាក់នេះនៅពេលអ្នកទៅធ្វើការ។ គម្លាត និងរចនាប័ទ្មពុម្ពអក្សរមានសារៈសំខាន់ណាស់ ជាពិសេគឺអក្សរដែលនៅលើអាវ វាអាចប្រែក្លាយទៅជាអ្វីដែលគួរឲ្យស្អប់ខ្ពើម ឬការរើសអើង ដែលគ្មានអតិថិជនណាចង់បានឡើយ។

៧ ឈុតគ្រឿងសង្ហារិមធ្វើពីគ្រីស្តាល់នេះ មានគោលបំណងឲ្យអ្នកអង្គុយត្រូវទទួលទានបន្លែ និងអាហារបួសឲ្យបានច្រើន ។ ប៉ុន្តែអ្នកទិញអាចយល់ច្រឡំ ដោយសារវាមើលទៅដូចជាអាហារដែលចេញពីទូរទឹកកកសុទ្ធសាធ។ ចំណែកអ្នកខ្លះ មិនហ៊ាននឹងទិញមកអង្គុយផងមិនដឹង!