KPT+

៥ រឿង សំខាន់បំផុតក្នុងជីវិត មិនចាំបាច់ប្រាប់គេឲ្យបានដឹងឡើយ

បានផុស

៣ years មុន

នៅ

ថ្ងៃពុធ ២៧ តុលា ២០២១

ដោយ

នៅក្នុងជីវិតរបស់មនុស្សយើងសព្វថ្ងៃ មានមិត្ត មនុស្សជាទីស្រលាញ់ និងមនុស្សនៅជុំវិញ ដែលអាចពិភាក្សា និយាយគ្នាបានគ្រប់រឿង។ ប៉ុន្តែមានរឿងខ្លះ យើងមិនចាំបាច់បើកចំហ ឬនិយាយប្រាប់ពួកគេអស់ៗពេកនោះទេ។ មិនមែនមនុស្សគ្រប់គ្នាដែលបានដឹងឮ និងស្ដាប់រឿងរ៉ាវយើង សុទ្ធតែរីករាយនិងគាំទ្រយើងគ្រប់ជំហាននោះទេ។

តួយ៉ាងរឿងដែលមិនគួរប្រាប់គេសោះមានដូចជា ៖

១ រឿងជីវិតឬគោលដៅថ្ងៃអនាគត

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រឿងអស់នេះលាក់ៗខ្លះក៏បាន ទោះបីជាមិត្តជិតស្និទ្ធ ឬមនុស្សដែលយើងទុកចិត្តក៏ដោយ។ មនុស្សសម័យនេះពិបាកមើលចិត្តគ្នាធ្លុះណាស់ ខ្លះស្ដាប់ហើយក៏ពេបជ្រាយ ឬមានគោលបំណងមិនល្អមកលើយើងក៏ថាបាន។

២ ទំនាក់ស្នេហាបច្ចុប្បន្ននេះ

ស្នេហាជារឿងរបស់មនុស្សពីរនាក់ ត្រូវមានរឿងជជែកគ្នា មានបញ្ហាដោះស្រាយជាមួយគ្នា។ មិនមែនមានរឿងអីតិចក៏ប្រាប់គេ មានអីតិចក៏បង្ហោះហ្វេសបុកដ្រាម៉ា ពីជីវិតស្នេហាផ្ទាល់ខ្លួននោះទេ។

៣ ប្រាក់ចំណូលសព្វថ្ងៃនេះ

នេះជាបញ្ហាធំ មិនគួរប្រាប់គេទេ ជាពិសេសអ្នកសួរក៏មិនចាំបាច់ត្រូវមកសួរគេ ពីរឿងប្រាក់ខែគេបានប៉ុន្មានដែរ។ ត្រូវចងចាំថា មនុស្សខ្លះក្រោយដឹងឮពីរឿងប្រាក់ខែយើង ហើយក៏មានបំណងអាក្រក់ ឬដើម្បីមកឌឺដងបញ្ឈឺប៉ុណ្ណឹងឯង។ចៀសបានគួរចៀស កុំបង្ហោះពីប្រាក់ខែ ឬកន្លែងការងារសព្វថ្ងៃពេកក៏ល្អដែរ។

៤ ជម្លោះក្នុងគ្រួសារ

នេះរឹតតែមិនចាំបាច់ត្រូវប្រាប់ដល់អ្នកណាឡើយ ដោយសារបញ្ហាគ្រួសារជារឿងគ្រួសារ មិនមែនយើងត្រូវហែកហួរ ឬប្រាប់គេគ្រប់រឿងដែលពាក់ព័ន្ធ នឹងមនុស្សជាទីស្រលាញ់របស់យើងឡើយ។

៥ ទ្រព្យសម្បត្តិដែលយើងកំពុងមាន

មានលុយ មានអ្វីៗគ្រប់យ៉ាង មិនចាំបាច់ទៅអួតគេថា យើងមានប៉ុណ្ណេះ មានរបស់ហូបចុកឆ្ងាញ់ៗ មានវីឡានៅស្រួលឡើយ។ ការរស់នៅសាមញ្ញ មិនបង្ហាញសម្ភារៈនិយមអួតគេ គឺជាក្ដីសុខពិតៗ។ ប្រសិនបើយើងបង្ហោះឬនិយាយពីទ្រព្យសម្បត្តិដែលយើងមានសព្វថ្ងៃនេះ គេអាចនឹងមានបំណងមិនល្អចំពោះយើង។ មនុស្សទាំងអស់ដែលបានស្គាល់ បាននិយាយ មិនមែនពួកគេទាំងអស់សុទ្ធតែមានគំនិតល្អ មានយោបល់ល្អចំពោះយើងគ្រប់រឿងនោះទេ។ បើអាចលាក់ៗខ្លះ ឬធ្វើឲ្យជោគជ័យសិន សឹមបង្ហាញតិចៗ ឬមិនតែម្ដងក៏ល្អដែរ៕

អត្ថបទ៖ សាង ស្រីល័ក្ខ

ចុចអាន៖បំណុលវ័ណ្ឌកមិនស្របច្បាប់ កើតឡើងដោយសារតែប៉ុន្មានយ៉ាងនេះឯង!

ចុចអាន៖ចំណុចគួរពិចារកណា មុនសម្រេចចិត្តខ្ចីលុយពីកន្លែងខុសច្បាប់

ចុចអាន៖អ្នកលេងរាល់ថ្ងៃ ដឹងទេ តុងទីន មានប្រភពមកពីណា?