KPT+

ហេតុអ្វី WHO ដាក់ឈ្មោះវីរុសបំប្លែងខ្លួនថ្មី ជាតួអក្សរក្រិក?

បានផុស

៣ years មុន

នៅ

ថ្ងៃពុធ ៣ វិច្ឆិកា ២០២១

ដោយ

Sonya

កាលពីដើមខែមិថុនា ឆ្នាំ២០២១ កន្លងទៅ អង្គការសុខភាពពិភពលោក (WHO) បានប្រកាសប្រព័ន្ធដាក់ឈ្មោះថ្មីសម្រាប់វីរុសបំប្លែងខ្លួនកូវីដ-១៩ ដោយប្រើតួអក្សរក្រិកជំនួសភាសាអង់គ្លេស។

មន្ត្រី WHO ថ្លែងថា ការដាក់ឈ្មោះបែបនេះដើម្បីបង្កភាពងាយស្រួលក្នុងការហៅ ក៏ដូចជាលុបបំបាត់ទុទិដ្ឋិនិយមរើសអើងជាតិសាសន៍ដែលអាចកើតចេញពីឈ្មោះទាំងនោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយសារកន្លងមក រដ្ឋាភិបាលឥណ្ឌាបានរិះគន់ពីការដាក់ឈ្មោះវីរុសបំប្លែងខ្លួន B.1.617.2 ថា «វីរុសបំប្លែងខ្លួនឥណ្ឌា» ទើបបង្កឱ្យមានភាពចម្រូងចម្រាស ចោទប្រកាន់ការហៅបែបនេះថា គឺជាទង្វើនៃការរើសអើង ប្រមាថមើលងាយ និងដាក់សម្ពាធទៅលើប្រទេសដែលជាប់ឈ្មោះជាមួយវីរុសបំប្លែងខ្លួនទាំងនោះ។

ចំពោះឈ្មោះនៃវីរុសបំប្លែងខ្លួនថ្មីៗ ដែល WHO បានប្រើតួអក្សរក្រិករួមមាន៖

-វីរុសបំប្លែងខ្លួនអង់គ្លេស ឬ B.1.1.7 ឱ្យឈ្មោះថា Alphaដែលវាជាអក្សរទី១នៃអក្ខរក្រមក្រិក។

-វីរុសបំប្លែងខ្លួនអាហ្វ្រិកខាងត្បូង ឬ B.1.351 ឱ្យឈ្មោះថា Beta ដែលវាជាអក្សរទី២នៃអក្ខរក្រមក្រិក។

-វីរុសបំប្លែងខ្លួនឥណ្ឌា ឬ B.1.617.2 ឱ្យឈ្មោះថា Delta ដែលវាជាអក្សរទី៣នៃអក្ខរក្រមក្រិក។

-វីរុសបំប្លែងខ្លួនប្រេស៊ីល ឬ P1 ឱ្យឈ្មោះថា Gamma ដែលជាអក្សរទី៤នៃអក្ខរក្រមក្រិក។

-វីរុសបំប្លែងខ្លួនអាហ្វ្រិកខាងត្បូង ឬ B.1.621 ឱ្យឈ្មោះថា Mu។ Mu ជាអក្សរទី១២នៃអក្ខរក្រមភាសាក្រិក។

WHO: Variant out of India could be more contagious - CGTN

ទោះយ៉ាងណា អ្នកស្រី Maria Van Kerkhove មន្ត្រី WHO ប្រចាំសហរដ្ឋអាមេរិក បានឲ្យដឹងក្នុងបទសម្ភាសន៍មួយថា អក្សរក្រិកនឹងមិនជំនួសឈ្មោះវិទ្យាសាស្ត្រដែលមានស្រាប់ឡើយ។ ប្រសិនបើវីរុសបំប្លែងខ្លួនលេចឡើងច្រើនជាង២៤ ប្រភេទ ប្រព័ន្ធនេះនឹងអស់តួអក្សរក្រិក ហើយពេលនោះ WHO នឹងប្រកាសឈ្មោះថ្មីម្ដងទៀត៕

ប្រែសម្រួល៖ សន្យា

ចុចអាន៖ លេចចេញវីរុសបំប្លែងខ្លួនក្លាយពូជថ្មីមួយទៀត ជាប់សែស្រឡាយ Delta

ចុចអាន៖ ឆ្ងល់អត់! ហេតុអ្វីប្រេនល្បីៗលើលោក មិនប្រើឈ្មោះអង់គ្លេស បែរដាក់ឈ្មោះតាមក្រិក?