KPT+

មូលហេតុ ៥យ៉ាង ឪពុកម្ដាយគួរឧស្សាហ៍នាំកូនដើរលេងក្រៅផ្ទះ

បានផុស

៣ years មុន

នៅ

ថ្ងៃចន្ទ ៨ វិច្ឆិកា ២០២១

ដោយ

Sonya

បច្ចុប្បន្នកុមារជាច្រើនកំពុងតែវក់ជាមួយនឹងទូរសព្ទ សម្ភារៈអេឡិចត្រូនិក ឬឧបករណ៍កម្សាន្តជាច្រើនផ្សេងទៀត ដែលមាននៅក្នុងផ្ទះ ដែលនេះជាហេតុធ្វើឲ្យក្មេងៗមិនមានសកម្មភាពច្រើនឡើយ។ ដោយសកម្មភាពទាំងនេះ ហើយក្មេងៗអាចប្រឈមមុខជាខ្លាំងជាមួយនឹងបញ្ហាសុខភាពដូចជា កើនទម្ងន់ បញ្ហាសាច់ដុំ និងឆ្អឹង ហើយនឹងបញ្ហាទំនាក់ទំនងក្នុងការចូលរួមក្នុងសង្គមទៀតផង។ អត្ថបទខាងក្រោមនេះ បង្ហាញពីអត្ថប្រយោជន៍ចំនួន៥ ដែលម៉ាក់ប៉ាទាំងឡាយ គួរបណ្ដោយកូនឲ្យលេងខាងក្រៅផ្ទះឲ្យបានច្រើន។

១- ជួយឲ្យសារពាង្គកាយកុមាររឹងមាំ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សួនកំសាន្តខាងក្រៅផ្ទះគឺជាកន្លែងល្អបំផុត ដែលកុមារអាចរត់លេងបានយ៉ាងប្រសើរ។ ក្មេងៗអាចមានសកម្មភាពជាច្រើននៅខាងក្រៅដូចជា លោត រត់ តោង រុញវត្ថុអ្វីមួយ ឬ លេងបាល់ជាដើម។ រាល់សកម្មភាពទាំងនេះ គឺមិនត្រឹមតែដូចជាការហាត់ប្រាណប៉ុណ្ណោះទេ ប៉ុន្តែវាថែមទាំងអាចជួយពួកគេបង្កើនជំនាញផ្សេងៗទៀតផង។ ការលេងនៅខាងក្រៅនេះ នឹងជួយកូនយើងឲ្យដុតកាល់ឡូរីបានច្រើន ធ្វើឲ្យកូនចៀសផុតពីការធាតុឡើងទម្ងន់ខ្លាំង និងជួយឲ្យឆ្អឹង និងសាច់ដុំកាន់តែរឹងមាំទៀតផង។

ការលេងនៅខាងក្រៅពេលថ្ងៃ គឺកុមារនឹងបានទទួលពន្លឺព្រះអាទិត្យបានកាន់តែច្រើន នាំឲ្យរាងកាយផលិតវីតាមីន D បានកាន់តែច្រើន ដែលវីតាមីននេះគឺមានប្រយោជន៍យ៉ាងច្រើនចំពោះឆ្អឹង និងសាច់ដុំ ហើយអាចជួយឲ្យចៀសផុតពីជំងឺរ៉ាំរ៉ៃមួយចំនួនទៀតផង។

២-បង្កើនទំនាក់ទំនងល្អក្នុងសង្គម

Happy asian family parents and children are resting by walking and running in the park during summer season green trees — day, outdoor - Stock Photo | #309831874

កុមារដែលលេងនៅខាងក្រៅ ច្រើនមានទំនាក់ទំនងល្អ និងសប្បាយរីករាយច្រើននៅក្នុងសង្គម។ នៅខាងក្រៅកូនយើង អាចលេងល្បែងជាមួយនឹងកុមារដទៃ ហើយអាចចែករំលែក និងអាចអភិវឌ្ឍអត្តចរិតបានល្អ ។ ក្មេងៗអាចរៀនពីពិភពខាងក្រៅនៅជុំវិញខ្លួនរបស់គេ ហើយបង្កើតឬស្វែងរកអ្វី ដែលថ្មីដើម្បីអាចអភិវឌ្ឍខ្លួនកាន់តែប្រសើរទៅមុខ។

ក្នុងការសិក្សាមួយ បានរកឃើញថា កុមារដែលលេងនៅខាងក្រៅច្រើន ភាគច្រើនគឺមានទំនាក់ទំនងល្អ ហើយភាគច្រើនគឺអាចរៀនដល់មហាវិទ្យាល័យ និងភាគតិចដែលឈានដល់ប្រើប្រាស់គ្រឿងញៀន ធាត់លើសទម្ងន់ និងប្រព្រឹត្តអំពើហិង្សា។

៣- បង្កើនរូបារម្មណ៍របស់កុមារ

Free Photo | Happy family is having fun mother, father and daughter are running in park.

ក្នុងការសិក្សាមួយដែលផ្ដោតលើចក្ខុញាណរបស់កុមារ បានរកឃើញថា កុមារដែលច្រើនលេងនៅខាងក្រៅ គឺមានការមើលឃើញប្រសើរជាងកុមារដែលលេងតែនៅក្នុងផ្ទះ។ មួយវិញទៀតកុមារដែលហៀបនឹងចូលរៀន គឺអាចរៀនអ្វីដែលថ្មីតាមរយៈអារម្មណ៍របស់ពួកគេ។ ក្មេងនឹងបង្កើនការមើលឃើញតាមរយៈមើលសត្វដែលនៅជុំវិញ ឈប់កាន់នឹងហិតក្លិនផ្កា ឮសំឡេងផ្សេងៗ ដូចជាដំណក់ទឹកធ្លាក់ និងអាចបេះញ៉ាំផ្លែឈើផ្សេងៗ។ ផ្ទុយទៅ វិញ ចំពោះ កុមារដែលនៅក្នុងផ្ទះ ញាណដែលពួកគេទទួលបាន គឺមានតែស្ដាប់ និងមើលប៉ុណ្ណោះ។

៤- បង្កើនការយកចិត្តទុកដាក់

996 Asian Family Jog Park Stock Photos, Pictures & Royalty-Free Images - iStock

ក្មេងៗដែលលេងនៅខាងក្រៅជាប្រចាំ គឺច្រើនចង់ដឹងចង់ឃើញដោយខ្លួនឯង ហើយទំនងជានៅជាប់នឹងការងារដែលចង់ដឹងឮនេះរយៈពេលយូរទៀត។ ផ្ទុយទៅវិញ កុមារដែលចំណាយពេលភាគច្រើននៅក្នុងផ្ទះជាមួយការប៉ះពាល់តិចតួចទៅនឹងសកម្មភាពខាងក្រៅ ហើយពួកគេអាចមានសកម្មភាពដោយចម្លងតាមអ្វីដែលពួកគេមើលឃើញតាម ការបង្ហាញតាមទូរទស្សន៍ឬអ៊ីនធឺណេតប៉ុណ្ណោះ ពួកគេមិនអាចបង្កើត ឬរកឃើញសកម្មភាពថ្មីដែលមាននៅខាងក្រៅឡើយ។

៥-លូតលាស់ដោយសប្បាយរីករាយ និងមានប្រព័ន្ធភាពស៊ាំខ្លាំង

Lovely Asian Family Having Fun Together Outdoor In The Sun by Bo Bo

ពន្លឺនៅខាងក្រៅជួយរំញោចក្រពេញ Pineal ដែលជា ផ្នែកនៃខួរក្បាលមានសារៈសំខាន់ណាស់ក្នុងការធ្វើឱ្យប្រព័ន្ធភាពស៊ាំរបស់យើងរឹងមាំ និងធ្វើឱ្យយើងមានអារម្មណ៍រីករាយ។ ការចំណាយពេលក្នុងធម្មជាតិ ក៏ជួយកុមារមានអារម្មណ៍រីករាយកាន់តែច្រើន ហើយក្មេងក៏អាចយល់ពីបរិស្ថាននៅជុំវិញ ហើយពេលពួកគេធំឡើងនឹងអាចមានអារម្មណ៍ស្រលាញ់ធម្មជាតិផងដែរ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ស្មុគការងារផ្ទះ ថែទាំកូនខ្លាំង វិធីសាស្ត្រទាំងនេះ អាចជួយបាន

ចុចអាន៖ កូនធំឡើងជាមនុស្សល្អ និងស្ដាប់បង្គាប់ ឪពុកម្ដាយត្រូវដឹងរឿងទាំងនេះ