KPT+
ការពិត ១០យ៉ាង ពី Mai Davika តារាស្រីជាប់ឈ្មោះជា Queen ផ្ទួនៗ ប្រចាំប្រទេសថៃ
ដាវីកា ហ័រណេ (Davika Hoorne) ដែលហៅតាមថៃថា ម៉ៃដាវីកា (Mai Davika) ជាតារាសម្តែង និងជាតារាម៉ូឌែលជួរមុខនៃប្រទេសថៃ ក៏ដូចជាមានឈ្មោះរន្ទឺលើឆាកអន្តរជាតិផងដែរ។ ប្រឡូកក្នុងវិស័យសិល្បៈអស់ជាច្រើនឆ្នាំ ពេលនេះនាងមិនត្រឹមជាតារាស្រីល្បីឈ្មោះនោះទេ ក៏បានក្លាយជាតារាដែលស៊ីថ្លៃខ្ពស់ និងមានទ្រព្យសម្បត្តិកាន់កាប់រាប់សិបលានដុល្លារ ទាំងអាយុមិនទាន់ដល់ ៣០ឆ្នាំផង។
![ပရိသတ်တွေကိုဖမ်းစားသွားဦးမယ့် Mai Davika နဲ့ Bright Vachirawit တို့အတွဲအဖက်](https://i2.wp.com/cele-bar.com/wp-content/uploads/2021/10/Mai-Davika-Bright-Vachirawit-2-scaled.jpg?resize=550%2C688&ssl=1)
ដោយសារភាពជោគជ័យ ក្នុងវ័យក្មេងបែបនេះ ទើបបានជាមហាជនមានការចាប់អារម្មណ៍លើជីវិតពិតរបស់នាង ហើយរឿង ១០យ៉ាងខាងក្រោម ទំនងអ្នកគាំទ្រចង់ដឹងខ្លាំង តែមិនធ្លាប់ឮពីមុនមក។
១. កំណើត៖ ម៉ៃដាវីកា កើតថ្ងៃទី ១៦ ខែឧសភា ឆ្នាំ ១៩៩២ តារានិករ Taurus ជាកូនកាត់ថៃ-ប៊ែលហ្សិក ដែលមានឪពុកជាជនជាតិ ប៊ែលហ្សិក ម្ដាយជាជនជាតិថៃ។ នាងកូនជាកូនស្រីពៅ ក្នុងចំណោមបងប្អូនស្រីពីរនាក់នៃគ្រួសារ។
![LSA Style Anatomy: 5 style cues to take from Mai Davika](https://cdn.lifestyleasia.com/wp-content/uploads/sites/3/2021/08/11160726/mai-davikah.jpg)
២. ការប្រឡូកក្នុងវិស័យសម្ដែង៖ តារាស្រីរូបនេះ ទទួលភាពល្បីល្បាញខ្លាំងបំផុតកំលុងឆ្នាំ២០១០ បន្ទាប់ពីសម្ដែងជាតួឯកស្រីនាង ណាត ក្នុងខ្សែភាពយន្ត Pee Mak ជាមួយតួប្រុស Mario Maurer ខណៈកុននេះ ជាកុនថៃដែលរកចំណូលបានខ្ពស់ជាងគេ ប្រៀបជាមួយរឿងដទៃក្នុងប្រទេស នាឆ្នាំនោះ។
![Pee Mak Fever: Why the ghost remake breaks so many records - Coconuts](https://coconuts.co/wp-content/uploads/2016/11/wallpaper4.jpg)
ក្រោយមកនាងទទួលបានការចាប់អារម្មណ៍ និងបានជំនួយពីអតីតអ្នកគ្រប់គ្រងនាង ធ្វើឱ្យដាវីកាបានទទួលកុងត្រាជាមួយប៉ុស្តិ៍លេខ៧ ក្នុងឆ្នាំ ២០១៦។ ប៉ុន្តែបច្ចុប្បន្ន នាងជាតារាសម្ដែងឯករាជ្យ ពុំមានជាប់កិច្ចសន្យាជាមួយប៉ុស្តិ៍ទូរសទស្សន៍ណាមួយឡើយ។
៣. ការប្រឡូកក្នុងវិស័យបង្ហាញម៉ូដ៖ មុនពេលល្បីដល់កំពូល ដាវីកា ចាប់ផ្តើមជាតារាម៉ូឌែលក្នុងវិស័យឧស្សាហកម្មម៉ូដ តំាងពីអាយុបាន ១៤ឆ្នាំ ដោយការចូលថតផ្សាយពាណិជ្ជកម្មផលិតផលផ្សេងៗ។ យោងតាមទស្សនាវដ្ដីអាមេរិក Vogue បានឲ្យដឹងថា ដាវីកា គឺជាអ្នកបង្ហាញម៉ូដថ្មី និងគួរឱ្យទាក់ទាញបំផុតរបស់ Milan Fashion Week នៅប្រទេសអ៊ីតាលី។
![Dolce & Gabbana spring/summer 2019](https://hips.hearstapps.com/hmg-prod.s3.amazonaws.com/images/davika-hoorne-1537785380.jpg?crop=1xw:1xh;center,top&resize=480:*)
៤. ប្រជាប្រិយភាពលើអ៊ីនធឺណិត៖ រហូតមកដល់ពេលនេះ សម្រាប់តារាស្រីប្រចាំប្រទេសថៃ នាងជាតារាសម្តែងដែលត្រូវបានគេស្វែងរកច្រើនបំផុតក្នុង Google។
៥. កេរ្តិ៍ឈ្មោះក្នុងប្រទេសនិងអន្តរជាតិ៖ អតីតតួឯកនាង ណាត រូបនេះ ជាសិល្បការិនីដែលទទួលបានការចូលចិត្ត ការគោរពស្រឡាញ់ជាងគេ ក្នុងចំណោមក្រុមតុបតែងមុខឬអ្នករចនាម៉ូដល្បីៗនៃឧស្សាហកម្មទស្សនាវដ្តី និងសិល្បៈថៃ។ មិនតែប៉ុណ្ណោះ នាងជាតារាស្រីថៃ ដែលមានឱកាសបានទៅចូលរួមក្នុងកម្មវិធីញូវយ៉ក Fashion week តាំងតែពីឆ្នាំ ២០១៧ ។ ហើយរហូតមក នាងមានវត្តមានគ្រប់ឆ្នាំ មិនថានៅមហោស្រពកុន ឬកម្មវិធីអ្វីផ្សេងៗឡើយ។
![Thai actress Mai Davika or Davika Hoorne attends the Fendi Men s Fall Winter 2019 Fashion Show in Shangha](https://www.imago-images.com/bild/st/0091613885/w.jpg)
៦. តំណាងប្រេនល្បីៗ៖ នាងជាអ្នកផ្សាយម៉ាកយីហោធំៗជាច្រើននៅក្នុងប្រទេសថៃ។ មិនតែប៉ុណ្ណោះនៅលើទីផ្សារអន្តរជាតិ នាងគឺជាអ្នកនាំពាក្យរបស់យីហោល្បីឈ្មោះដូចជា L’Oréal, Michael Kors, Dolce និង Gabbana។
![Davika Hoorne on Twitter: "ขอบคุณนะคะชอบรูปมากเลย😊… "](https://pbs.twimg.com/media/D_WQBAOU0AAgO2S.jpg)
៧. ពានរង្វាន់៖ ម៉ៃដាវីកា ធ្លាប់បានទទួលពានរង្វាន់ក្នុងកម្មវិធី Asia Model Awards កាលពីឆ្នាំ ២០១៦ ដែលប្រារព្ធធ្វើនៅប្រទេសកូរ៉។
៨. ទូតសុឆន្ទៈ៖ បច្ចុប្បន្ននាងជាឯកអគ្គរដ្ឋទូតសុឆន្ទៈ នៃអង្គការយូនីសេហ្វ និងអង្គការការពារនិងអភិរក្សសត្វព្រៃ WildAid របស់ថៃ ព្រមទាំងជាទូតសុឆន្ទៈតំណាងឱ្យប្រេន Gucci ផងដែរ។
![Gucci #GucciFW19 💕](https://i.pinimg.com/originals/c7/6e/48/c76e4827e7f9fdfc6e2a78d1fb5594b5.jpg)
៩. ជាប់ឈ្មោះជា Queen៖ នាងត្រូវបានគេដាក់នាមក្រៅថាជា Queen of Presenters (ម្ចាស់ក្សត្រីនៃអ្នកធ្វើបទបង្ហាញ) ។ ក្រៅពីនោះ នាងក៏ជាប់ឈ្មោះជា Queen of Advertising (ម្ចាស់ក្សត្រីនៃនៃការផ្សាយពាណិជ្ជកម្ម) និង Queen of Fashion (ម្ចាស់ក្សត្រីនៃម៉ូដសម្លៀកបំពាក់)។
![Pin on Mai Davikah](https://i.pinimg.com/originals/0b/d4/9d/0bd49d42b17496117e2bc842ce1b949a.jpg)
១០. ទ្រព្យសម្បតិ្ត៖ យោងតាមប្រភពពីទស្សនាវដ្ដី Forbes និងបណ្ដាញសារព័ត៌មានក្នុងស្រុកមួយចំនួនទៀត បង្ហាញថា ឆ្នាំ ២០២១នេះ ទ្រព្យសម្បត្តិសុទ្ធរបស់តារាសស្រី ម៉ៃដាវីកា បានឡើងដល់ ២០លានដុល្លារអាមេរិក នៅក្នុងវ័យ ២៩ឆ្នាំ៕
ប្រែសម្រួល៖ សន្យា
ចុចអាន៖ កំពូលតារាថៃ ជាប់ជាស្រីស្អាតលើសគេ និងជាសេដ្ឋីនីមានទ្រព្យសម្បត្តិវាល់លានដុល្លារ ក្នុងវ័យក្មេងខ្ចី
ចុចអាន៖ រឿងផ្ទាល់ខ្លួន ៨យ៉ាងអំពី Bella Ranee តួឯកស្រីរឿង “បុព្វេសន្និវាស”
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម១ ថ្ងៃ ago
«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
សន្តិសុខសង្គម៤ ថ្ងៃ ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានអន្ដរជាតិ៣ ថ្ងៃ ago
ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
សន្តិសុខសង្គម៦ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ចរាចរណ៍១ ថ្ងៃ ago
ផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត
-
ជីវិតកម្សាន្ដ១ ថ្ងៃ ago
G-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ព័ត៌មានជាតិ៦ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ជីវិតកម្សាន្ដ១ ថ្ងៃ ago
G-Devith ប្តេជ្ញារកយុត្តិធម៌ឱ្យគ្រួសារ ក្រោយម្ចាស់ផេក «អាក្លូ» ផ្លែផ្កាគ្រួសារខ្លួនជារឿយៗ ពិសេសទាញកូនប្រុសទៅពាក់ព័ន្ធ