KPT+

១១ ចំណុច បង្ហាញថា អ្នកកំពុងពរពោះកូនស្រីហើយ!

បានផុស

៣ years មុន

នៅ

ថ្ងៃសុក្រ ១២ វិច្ឆិកា ២០២១

ដោយ

ការមានផ្ទៃពោះគឺជាដំណឹងល្អបំផុត ដែលនាំសុមង្គលដល់គ្រួសារទាំងមូល និងជាហេតុមួយ សម្រាប់អ្នកម្ដាយគ្រប់រូប គួរដឹងឮ និងបានត្រៀមខ្លួនជាមុន។

ខាងក្រោមនេះ ជាសញ្ញាមួយដែលអ្នកម្ដាយថ្មីថ្មោង គួរតែចេះសង្គេតមើលខ្លួនឯងថាអ្នកកំពុងមានកូនប្រុសឬស្រី ៖

១ ចង្វាក់បេះដូងខ្ពស់

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នេះជាសញ្ញាដែលផ្អែកលើវិទ្យាសាស្ត្រពិតប្រាកដ ដែលអ្នកអាចប្រើដើម្បីប្រាប់ថា តើអ្នកកំពុងមានកូនប្រុសឬស្រី។ ទារកប្រុសតាមធម្មជាតិមានអត្រាបេះដូងទាបជាង ១៤០ ឬទាបជាងនេះ ចំណែកឯក្មេងស្រីមានអត្រាបេះដូងខ្ពស់ ចន្លោះពី ១៤០-១៦០។ ប្រសិនបើទារកមានអត្រាបេះដូងខ្ពស់ បង្ហាញថាអ្នកកំពុងតែមានកូនស្រី!

២ ពោះរបស់ស្រ្តីធំខ្លាំង

នេះគឺជាវិធីជំនាន់ចាស់ ក្នុងការប្រាប់ថា តើភេទមួយណាដែលអ្នកនឹងមាន ប្រសិនបើក្បាលពោះធំ នោះឱកាសបង្ហាញថាអ្នកអាចកូនស្រី។ ទោះបីជាយើងមិនដឹងពីវិទ្យាសាស្ត្រជាក់លាក់ នៅពីក្រោយសញ្ញានេះក៏ដោយ តែវិធីសង្កេតមើលពោះនេះ ត្រូវបានសាកល្បង និងប្រើសម្រាប់ករណីភាគច្រើនចំពោះស្រ្តី។

៣ ឈឺនៅពេលព្រឹកជាញឹកញាប់

ដោយសារតែអ័រម៉ូនឆ្លងកាត់រាងកាយរបស់ស្ត្រី នោះអាការចាញ់កូន ច្រើនតែកើតឡើងនៅពេលព្រឹក។ ហើយទាំងនេះអាចប៉ះពាល់ដល់ភាពធ្ងន់ធ្ងរ និងភាពញឹកញាប់ដែលអ្នកមានផ្ទៃពោះ ឈឺនៅពេលព្រឹក។

៤ មានមុនលើមុខ

រឿងមួយទៀតដែលទាក់ទងនឹងអរម៉ូន នៅពេលអ្នកមានផ្ទៃពោះ គឺប្រសិនបើអ្នកកើតមុនឬអត់។ ស្ត្រីមួយចំនួនហាក់ដូចជាមិនដែលកើតមុន ក្នុងអំឡុងពេលមានផ្ទៃពោះណាមួយឡើយ ទោះជាយ៉ាងណាក៏ដោយ ប្រសិនបើអ្នកមានកូនស្រី នោះទំនងជានឹងកើតមុន ដោយសារអរម៉ូនច្រើន ចំណែកឯអ្នកមានមុនតិច ជាងអាចជាក្មេងប្រុស។

៥ ពោះរាងពងក្រពើ

រូបរាងពោះរបស់អ្នកមានផ្ទៃពោះ ក៏អាចប្រាប់អ្នកថា អ្នកកំពុងមានភេទអ្វីដែរ។ ថ្វីត្បិតតែមិនមានហេតុផលវិទ្យាសាស្រ្ត ដែលវាដំណើរការក៏ដោយ តែក៏ត្រូវបានប្រើប្រាស់រាប់រយឆ្នាំមកហើយ ក្នុងការទស្សន៍ទាយភេទរបស់ទារក ។ ប្រសិនបើក្បាលពោះរបស់អ្នក មានរាងមូលដូចពងក្រពើ នោះអ្នកនឹងមានកូនស្រីហើយ។

៦ ការផ្លាស់ប្តូរអារម្មណ៍ច្រើនក្នុងពេលតែមួយ

យើងទាំងអស់គ្នាដឹងហើយថា ស្ត្រីមានផ្ទៃពោះតែងតែមានអារម្មណ៍ប្រែប្រួល មិនថាពួកគេមានបញ្ហាអ្វីនោះទេ ប៉ុន្តែប្រសិនបើអ្នកជាមនុស្សដែលមានអារម្មណ៍ប្រែប្រួលច្រើន ក្នុងពេលតែមួយ ហើយញឹកញាប់ នោះបង្ហាញថា អ្នកកំពុងមានកូនស្រីនៅក្នុងផ្ទៃហើយ។

៧ ដើមទ្រូងខាងឆ្វេងធំជាង

ខណៈពេលដែលដើមទ្រូងខាងឆ្វេងរបស់ស្ត្រីភាគច្រើន មានទំហំធំជាងផ្នែកខាងស្តាំ វាត្រូវបានគេនិយាយថា អ្នកនឹងសម្រាលបានកូនស្រី មិនមែនកូនប្រុសទេ។

៨ ការធ្វើតេស្តខ្ទឹម

នេះអាចជាការធ្វើតេស្តដ៏លំបាកមួយ ជាពិសេសប្រសិនបើអ្នកមិនចូលចិត្តខ្ទឹមស ប៉ុន្តែវាអាចកំណត់ភេទរបស់កូនបាន។ បើអ្នកញ៉ាំខ្ទឹមសមួយកំពឹស ហើយក្លិនខ្លួនមិនប្រែប្រួលទេ នោះអ្នកកំពុងមានស្រីហើយ។ ប្រសិនបើអ្នកអាចដឹងច្បាស់ថាក្លិនខ្លួនបានផ្លាស់ប្តូរទៅជាក្លិនខ្ទឹម នោះអ្នកកំពុងមានកូនប្រុសហើយ។

៩ មានសក់ស្កូវ

ប្រសិនបើសក់របស់អ្នក ហាក់ដូចជាកាន់តែអាក្រក់ទៅៗតាំងពីអ្នកមានផ្ទៃពោះ នោះវាជាឱកាសល្អដែលអ្នកនឹងមានកូនស្រី។ ប្រសិនបើអ្នកមានកូនប្រុស សក់របស់អ្នកប្រហែលជាភ្លឺជាង និងមានសុខភាពល្អជាធម្មតា។

១០ ចូលចិត្តបង្អែម

ជាទូទៅស្រ្តីដែលមានផ្ទៃពោះកូនស្រី នឹងចេះតែឃ្លានបង្អែមឥតឈប់ឈរ ដែលគេហៅថា ហូបមិនចេះឆ្អែតសោះ។

១១ ដេកផ្អៀងទៅខាងស្តាំ

ប្រសិនបើអ្នកជាមនុស្សដែលគេងផ្អៀងស្កាំ អំឡុងពេលមានផ្ទៃពោះ នោះគេនិយាយថា អ្នកនឹងមានកូនស្រីហើយ។ នេះគឺជាទ្រឹស្ដីមួយទៀត ដែលត្រូវបានប្រើប្រាស់អស់ជាច្រើនឆ្នាំ ដើម្បីទស្សន៍ទាយថា តើកូនរបស់អ្នកនឹងមានភេទបែបណា។ ទោះជាយ៉ាងណាក៏ដោយ នេះក៏អាចផ្លាស់ប្តូរពីមនុស្សម្នាក់ទៅមនុស្សបានដែរ ពីព្រោះមនុស្សមានចំណូលចិត្តខុសៗគ្នា ក្នុងការរៀបចំការគេងរបស់ពួកគេ ៕

ប្រែសម្រួល៖ សាង ស្រីល័ក្ខ

ចុចអាន៖បន្ថយអាការចាញ់កូន រមួលក្រពើពេលពពោះ កុំរំលងផ្លែឈើទាំងនេះ