KPT+
អត់លុយដើរលេងឆ្ងាយពេលបុណ្យអុំទូក សាកវិធីនេះវិញ ធានាសប្បាយដូចគ្នា
ការដើរកម្សាន្តក្នុងថ្ងៃឈប់សម្រាកជាបំណងប្រាថ្នានៃមនុស្សទូទៅ ដើម្បីលំហែខួរក្បាលពីការនឿយហត់ក្នុងការងារ ការសិក្សា ឬកិច្ចការផ្សេងៗ។ ជាទូទៅថ្ងៃសម្រាកធំដូចជាបុណ្យអុំទូកជាដើម មនុស្សម្នាតែងមានគម្រោងលំហែកម្សាន្តតាមតំបន់នានាតាមលទ្ធភាព និងចំណូលចិត្តរបស់ពួកគេ។ ប៉ុន្តែបើអត់លុយ តើឲ្យទៅណារួច? អ៊ីចឹងមានតែគេងផ្ទះហើយមែនទេ? KPT Plus សូមណែនាំប្រិយមិត្តនូវគន្លឹះខ្លះៗ ទោះជាអ្នកមិនមានលុយសម្រាប់ដំណើរកម្សាន្តឆ្ងាយៗ តែអ្នកក៏អាចលំហែនិងទទួលនូវភាពសប្បាយរីករាយបានដែរ។ ជាអ្វីខ្លះទៅ?
អានសៀវភៅ
![Young Chinese drive rise in reading books - Chinadaily.com.cn](https://img2.chinadaily.com.cn/images/201901/10/5c370a99a3106c65fff48b67.jpeg)
មានវិធីជាច្រើនដើម្បីអានសៀវភៅដូចជា ខ្ចីសៀវភៅពីមិត្តភក្ដិ ទៅបណ្ណាល័យ ឬអានតាម Internet ព្រោះថានៅលើ Internet មានសៀវភៅជាច្រើនដែលមានដាក់ឲ្យអានដោយមិនគិតថ្លៃ។ យើងអាចជ្រើសរើសអានសៀវភៅដែលជាចំណូលចិត្តរបស់ខ្លួនមិនថាជាសៀវភៅទស្សនៈវិជ្ជាអប់រំ សៀវភៅលើកទឹកចិត្ត ឬប្រលោមលោកជាដើម សុទ្ធតែអាចជួយយើងឲ្យរកឃើញអ្វីដែលថ្មីតិចឬច្រើនជាក់ជាមិនខាន។ តើជឿទេថា ការអានសៀវភៅធ្វើឲ្យអារម្មណ៍ល្អ? ទោះបីមិនបានទៅណាឆ្ងាយក៏ដោយ តែសៀវភៅអាចនាំយើងទៅបានឆ្ងាយជាងអ្វីដែលយើងគិតទៅទៀត។
ផឹកកាហ្វេ
![Maybank iSAVvy Savings Account](https://www.maybank2u.com.sg/iwov-resources/sg/images/promos/payments/epayment-lucky-draw-thumb.jpg)
ហាងកាហ្វេជាកន្លែងពេញនិយមបំផុតសម្រាប់មនុស្សស្ទើរតែគ្រប់វ័យក្នុងពេលបច្ចុប្បន្ននេះ។ បើមិនបានទៅណាឆ្ងាយទេ ហាងកាហ្វេជាកន្លែងល្អមួយដែលយើងអាចទៅតែឯង ឬណាត់មិត្តភក្ដិម្នាក់ពីរនាក់ដើម្បីជជែកគ្នាលេង។ ប្រហែលជាយើងខកខានជួបជជែកជាមួយមិត្តជាយូរហើយក៏មិនដឹង។ ដូច្នេះវាជាឱកាសល្អដែលអាចជួបជុំដើម្បីចែករំលែកពេលវេលាល្អៗជាមួយគ្នា។
នៅផ្ទះជួបជុំគ្រួសារ
យូរប៉ុណ្ណាហើយដែលយើងមិនបាននៅផ្ទះជួបជុំសមាជិកគ្រួសារ? មិនបានទៅណាឆ្ងាយ យើងក៏អាចបង្កើតក្ដីសុខជាមួយសមាជិកគ្រួសារ ដោយជួយរៀបចំផ្ទះសម្បែង បំបាត់អផ្សុក ជាពិសេសវាជាឱកាសដែលត្រូវបញ្ចេញស្នាដៃធ្វើម្ហូបឲ្យគ្រួសារម្ដងហើយ។ ការបរិភោគអាហារជុំគ្នា ក៏អាចបង្កើតបរិយាកាសរីករាយ និងទទួលបានក្ដីសុខធំៗបានដែរ។ ដូច្នេះមិនបាច់ច្រណែនអ្នកបានដើរលេងញ៉ាំអាហារដោយចុងភៅចំណានៗទេ យើងក៏ជាចុងភៅដ៏ចំណាប់ម្នាក់ដែរ។
មើលកុន
![13,486 Asian Movies Stock Photos and Images - 123RF](https://us.123rf.com/450wm/lightfieldstudios/lightfieldstudios1809/lightfieldstudios180908267/108199255-smiling-asian-woman-in-3d-glasses-with-popcorn-watching-movie-in-cinema.jpg?ver=6)
មើលកុនហាក់ដូចជាសាមញ្ញ តែវាល្អសម្រាប់អ្នកអត់លុយដើរលេងដូចយើង។ រោងកុនមានរឿងជាច្រើនគ្រប់រសជាតិសម្រាប់ទស្សនិកជន។ ដូច្នេះយើងអាចជ្រើសរើសមើលរឿងប្រភេទណាក៏បានដែលខ្លួនចូលចិត្ត។ ទៅទស្សនាម្នាក់ឯងក៏មិនមានបញ្ហា បើទៅជាមួយគូស្នេហ៍ក៏កាន់តែកក់ក្ដៅ ឬទៅជាមួយមិត្តភក្ដិក៏ល្អម្យ៉ាង បើបានទៅជាមួយគ្រួសារក៏រឹតតែពិសេស។ មើលកុន មិនចំណាយច្រើនពេកទេ! វាសក្ដិសមសម្រាប់អ្នកនៅផ្ទះអត់លុយដើរលេងឆ្ងាយ។
ថតរូបស្អាតៗ
![Free Photo | Pretty asian girls taking a selfie](https://image.freepik.com/free-photo/pretty-asian-girls-taking-selfie_23-2148758599.jpg)
ការថតរូប ជាការបន្សល់នូវអនុស្សាវរីយ៍ល្អៗទុកនៅថ្ងៃក្រោយ។ ថតរូបមិនត្រឹមតែបានសប្បាយចិត្តពេលឃើញរូបរបស់ខ្លួនឯងស្អាតៗប៉ុណ្ណោះទេ ថែមទាំងចំណេញបានដើរលេងមើលទេសភាពស្អាតក្នុងក្រុងឬជាយក្រុងទៀតផង។ ជាពិសេសវាចំណាយតិច ដោយគ្រាន់តែមានដៃគូទៅជាមួយដើម្បីជួយថតរូបឲ្យគ្នាប៉ុណ្ណោះ។ នៅក្នុងក្រុងមានកន្លែងថតរូបស្អាតៗជាច្រើនដូចជា ស្ថានីយរថភ្លើង មុខព្រះបរមរាជវាំង សារមន្ទីរ ។ល៕
ឈប់ខូចចិត្តទៅ! អត់លុយក៏អាចសប្បាយបានដែរ!
អត្ថបទ៖ សន្យា
ចុចអាន៖ គុណប្រយោជន៍ល្អៗពីការដើរលេង មិនមែនត្រឹមតែកម្សាន្តសប្បាយប៉ុណ្ណោះទេ
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម១ ថ្ងៃ ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
សន្តិសុខសង្គម៣ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ៣ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ១ សប្តាហ៍ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
សន្តិសុខសង្គម១ សប្តាហ៍ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ជីវិតកម្សាន្ដ១ ថ្ងៃ ago
អតីតស្វាមី រងការចោទ កេងប្រវ័ញ្ចការស្លាប់ Barbie ខណៈមិត្តស្រីទម្លាយថា លោកនិងម្ដាយគឺជាជនបង្ក
-
ព័ត៌មានអន្ដរជាតិ១២ ម៉ោង ago
ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ជីវិតកម្សាន្ដ១ សប្តាហ៍ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច